成日都想吃: 4月 2023

2023年4月29日星期六

去咗韓國!?

好耐都無食過韓國菜，今晚心血來潮，就捉咗男朋友同我去食。

去咗韓國!?

地方唔算好大，但又坐得幾舒服

餐店裝修都幾韓風，燈光柔和，牆上掛滿韓劇的海報，但我一啲都唔識，因為我無追韓劇癮，反而男朋友識喎！有一排四人卡座，仲有多張兩人枱，地方唔算好大，但又坐得幾舒服。

以QRcode 落單

選擇好多喎！

雖然以QRcode 落單，但都附有餐簿，適合不同人士所需。選擇好多喎！有甜品、新產品推介、套餐、一人鍋、廚師精選、湯品、鐵板、飯粉麵、小食、野菜、飯卷、兒童餐、飲品等。店員提醒我地有生日優惠，生日月份晚市消費滿 $500就全單85折，仲即送生日甜品同特飲一杯，可惜我地都未到生日，下次啦！

醃蘿蔔和小魚干用來送啤酒一流！

食韓國菜點可以無前菜，男朋友揀咗醃蘿蔔和小魚干 （各$10），蘿蔔香辣，小魚干就鹹香，用來送啤酒一流！

有新產品推出

爆醬黑豚豬仔骨鍋保持熱辣辣

黑豚豬仔骨份量好多

舊舊都有骨，但都係啖啖肉

有新產品推出，一定要睇下，原來係爆醬黑豚豬仔骨鍋 （$108），肉肉肉，男朋友鍾意；骨骨骨，我鍾意，就點一鍋，一邊開住火一邊食，保持熱辣辣最正。三款口味中要了原味蒜爆醬，蒜香味唔係好濃，少少鹹香。黑豚豬仔骨份量好多，雖然舊舊都有骨，但都係啖啖肉，都算幾嫩添。除咗有豬仔骨外，仲有白蘿蔔、紅蘿蔔、紹菜、洋蔥等配料，$108抵！

鐵板韓式牛肉加粉絲好豐富，亦煮得好入味

粉絲滑嘟嘟

牛骨湯味道清清淡淡，不錯！

仲要了份鐵板韓式牛肉 （$72）加粉絲（$12），仲送碗牛骨湯。喳喳聲上枱，勁熱呀！好大碟，滑嘟嘟的粉絲加了好多腍嫩的牛肉、爽口的紅蘿蔔、椰菜、翠肉瓜、雲耳等，好豐富，亦煮得好入味，好食！牛骨湯就有好多爽滑的海帶和菇片，味道清清淡淡，不錯！

心多多蛋卷有齊三款口味

都幾厚身，又好有蛋香

去日本嘢又好，韓國嘢又好，我都好鍾意叫蛋卷，呢款心多多蛋卷（$78）有齊三款口味，岩晒我！蛋卷都幾厚身，又好有蛋香，上面放了泡菜、紫菜蟹籽和芝士，最鍾意係紫菜蟹粉，口感和味道最豐富，好夾！

柚子蟹肉沙律勁豐富！好fresh!

柚子蟹肉沙律（ $78）都好大碗，啲沙律菜好清爽新鮮，仲加埋啲蕃茄粒。面頭舖滿多汁的柚子和鹹鮮的蟹肉，加多半隻熟蛋，勁豐富！再自己淋啲酸咪咪醋汁，好fresh!

熱清潤雪梨蜜清甜滋潤；熱驅寒生薑蜜好暖身

飲品都幾多選擇，男朋友要熱清潤雪梨蜜（$18/跟餐），雪梨清甜滋潤；我要熱驅寒生薑蜜（$18/跟餐），辛辣得來又甜甜地，好暖身，好飲！

店名：韓閣

地址：將軍澳欣景路8號新都城中心2期1015號舖

2023年4月22日星期六

悠閒的週末

難得男朋友星期六放假，緊係要玩返日，但可惜….佢捉咗我去做運動。先去將軍澳體育館跑半嗰鐘，再去將軍澳海濱長廊散步，真係好健康呀!

海濱長廊一帶勁多食肆

上層一間日本店

室內座位

消耗完體力，緊係要食返餐好。近海濱長廊一帶勁多食肆，間間都好有feel，我地就揀了上層一間日本店。室內室外都有座位，裏面有卡座、面牆單人座和幾張兩人枱，而我地就揀咗坐室外，望住嗰景食更有feel。

二人套餐

午巿定食

單點

極上刺身五點盛配壽司飯定食好豐富

午巿有一人和二人套餐，亦有單點。我地各自要了份午巿定食，每份定食都配有漬物、沙律、茶碗蒸和湯，都好豐富喎! 先上極上刺身五點盛配壽司飯定食($138)。

漬物酸咪咪，好醒胃

麵豉湯味道剛好

沙律簡單好味!

茶碗蒸非常滑溜

漬物係腐皮大豆菜，味道酸咪咪，好醒胃，我好鍾意! 沙律就好新鮮清爽，仲有清甜的車厘茄，加咗少少甘香的胡麻醬，簡單好味! 茶碗蒸熱辣辣，雖然只有冬菇，用料唔多，但蛋非常滑溜，味道仲好岩。麵豉湯暖笠笠，味道剛好，內有香滑的豆腐和爽滑的昆布，唔錯!

賣相好正，件件都幾厚身

油甘魚柔軟鮮美

劍魚腩更肥美

極上刺身五點盛配壽司飯定食($138)賣相好正，分別有油甘魚、刺身帶子、鏗魚、劍魚腩和三文魚，仲配了一大碗壽司飯，啲飯粒粒圓潤，好有口感，估計是日本珍珠米，仲加咗壽司醋，好食! 五點刺身件件都幾厚身，我就最喜歡油甘魚，啖啖魚油香，柔軟鮮美；劍魚腩就更肥美，充滿油光，鮮味油潤，柔軟微爽，正! 刺身帶子就好柔軟黏滑，味道鮮甜。

壽喜燒牛肉烏冬定食熱度十足，份量都十足

牛肉連住少少油脂和筋，好有咬口

烏冬滑嘟嘟又彈牙

再嚟一份壽喜燒牛肉烏冬定食 ($118)，熱度十足，份量都十足，正! 每片牛肉都幾嫩，仲連住少少油脂和筋，好有咬口，係我最喜歡。烏冬滑嘟嘟又彈牙，跟甜甜地的壽喜燒湯，再加埋啲爽口的日本菇和昆布大羹食就更美味。

柑桔蜜好滋潤順喉

飲品都幾多選擇，加錢要了兩杯熱柑桔蜜(+$10)，入口暖笠笠，味道酸酸甜甜，好滋潤順喉，唔錯!

到達目的地

同事想吃日本菜賀生晨，我就找了這間挺有新意的壽司店，希望她喜歡。

門口相當闊落

環境舒適，地方寬敞

單人座

有不少列車模型擺設

開放式的門口，相當闊落。內裏環境舒適，地方寬敞，雖然不是迴轉壽司，但亦有一條路軌，究竟是什麼？等一陣介紹。共設有三排座位，兩排是單人座，一排是四人卡座，座位空間不少，坐得挺舒服。

以QRcode下單

共有十四個系列

選擇不少

以QRcode下單，放便易用。共有十四個系列，分別有海膽祭、隼推介、兒童精選、壽司、火炙/芝士/黑松露洋風、軍艦、福袋、刺身、手卷、卷物、揚物、一品料理、甘味和飲品，選擇不少。

由一架架列車將食物送到客人面前

足足點了14款。嘩！大滿足！

同事最喜歡食物放滿全枱，故她一口氣點菜，足足點了14款。嘩！大滿足！而剛才所提及的路軌就是由一架架列車將食物送到客人面前，成人見到就覺得有新意；小朋友見到就覺得好有趣，即是大人細路見到都開心。列車不斷到站，好快就上齊我們所點的食物，真是快手！

*****************************

龍蝦沙律福袋兩者配起來好吃

揀了七款壽司，有海膽軍艦($38/1件) 、龍蝦沙律福袋($38/2件) 、炙燒油甘魚($34/2件) 、炙燒黑松露洋風油甘魚($36/2件) 、炙燒芝士三文魚($28/2件) 、海膽炙燒赤蝦壽司 ($32/2件) 和海膽醬炙燒左口裙邊壽司($26/2件)。最喜歡是龍蝦沙律福袋，甜甜地的腐皮載着彈牙的龍蝦肉，兩者配起來好吃。