韓菜加餸之選

友人上來我家傾計，原來諗住親自下廚，但忙於趕功課，只好簡簡單單煲嗰湯，焗嗰翠肉瓜，其餘就食外賣吧！

TKO Gateway 嘅Foodland有好多熟食外賣店

一入門口就見到呢間韓國店

放滿紫菜卷，饀料滿滿，吸引咗我

係TKO Gateway 嘅Foodland有好多熟食外賣店，一入門口就見到呢間韓國店，枱上放滿紫菜卷，饀料滿滿，吸引咗我！ 

開放式廚房，睇到店員現場即製

選擇都唔少

二人套餐

選擇都唔少

派對套餐

係外賣店，但地方都唔細，開放式廚房，睇到店員現場即製，好新鮮！選擇都唔少，有飯類、泡菜、紫菜卷飯、韓式便當、韓式小食、炸物、炸物套餐、韓式無骨雞、飲品、二人套餐和派對套餐。

 

韓式炒粉絲夠豐富

豬肉片又嫩又入味

粉絲炒得乾食，唔會油淋淋

即炒韓式炒粉絲（$48）熱辣辣，粉絲加咗豬肉片、紅蘿蔔絲、蔥、木耳、芽菜等拌炒，面頭仲舖滿蛋絲，夠豐富。豬肉片又嫩又入味；粉絲炒得乾食，唔會油淋淋，好食!

炸蝦紫菜卷飯口感和味道都正！

好多料

紫菜卷飯都有幾款饀料選擇，知友人喜歡蝦，就要咗炸蝦紫菜卷飯（$58），一卷有八件，件件都捲滿清爽的生菜絲、紅蘿蔔絲、綿綿的白飯和肉厚嘅炸蝦，香脆爽牙，捲埋一齊食，口感和味道都正！

樽裝醬油蓮藕賣相幾可愛！

爽脆入味，味道較甜

樽裝醬油蓮藕（$48）賣相幾可愛！平時食韓國菜都好喜歡呢款小吃，但就好少見到有樽裝外賣。蓮藕片浸在醬油中，爽脆入味，味道較甜，係韓國的正宗口味，岩我！

店名：韓米

地址：將軍澳常寧路2號厚德邨TKO Gateway東翼地下EF24號舖