津津有味

男朋友最鍾意食牛，佢今日就帶我去咗間攞晒獎嘅日本餐廳食大山黑牛，好期待！

令人食得津津有味

間了半開放式房，好有私人空間

攞晒獎嘅日本餐廳

環境好優雅，左右兩邊都間了半開放式房，寬敞舒適，好有私人空間，感覺好自在，傾計都傾得暢快啲。 

五款套餐

午餐有五款套餐選擇，每款都包有前菜、沙律 、茶碗蒸、飯、湯、甜品和咖啡/汽水，相當豐富，我地各自揀喜歡的，再開心share。

每套都包有前菜、沙律 、茶碗蒸

前菜合桃魚仔乾甜甜地

沙律清新怡人

今日前菜係合桃魚仔乾，甜甜地，加埋合桃的甘香，好夾！沙律有新鮮爽脆的雜沙律菜、甘荀和青瓜，配上紫蘇沙律汁，清新怡人，夠fresh!

茶碗蒸非常滑溜

茶碗蒸熱辣辣，非常滑溜，配有冬菇、蝦和日式魚蛋，既鮮味亦有蛋香。 

米飯有飯香

米飯粒粒圓潤，好有飯香，簡簡單單加了些飯素。

麵豉湯味道剛好

麵豉湯暖笠笠，味道剛好，唔會好鹹，內有香滑的豆腐和爽滑的昆布，好喝！

日式A5和牛漢堡扒套餐

煎至兩面焦香，牛味香濃

充滿肉汁，好juicy

日式A5和牛漢堡扒 （$228）都幾厚身，煎至兩面焦香，牛味香濃，充滿肉汁，好juicy 呀！ 

精選A5和牛燒三點燒肉超豐富

精選A5和牛燒三點燒肉好紅潤，好多油花

食法和燒法都無難度呀！

瓦片牛味極濃

西冷連飯食就最岩

肉眼油份最多，油香充滿全口

精選A5和牛燒三點燒肉（$388）就要動動手。分別有瓦片、西冷和肉眼，各兩塊，服務員細心講解食法和燒法，無難度呀！三款都好紅潤，好多油花，牛味極濃。瓦片係腳前腿，要先食；跟住就西冷，最後才食肉眼，因為油份最多，油香充滿全口，滋味滿分，連飯食就最岩。

玖瑰湯圓又香又唔太甜

中間是玖瑰糖

今日甜品是玖瑰湯圓，好特別！外皮黏滑，中間是玖瑰糖，又香又唔太甜，好味！ 

餐飲有咖啡和汽水

餐飲有咖啡和汽水揀，我要了香濃嘅咖啡，用來配玖瑰湯圓就岩晒！

 

店名：強小亭

地址：銅鑼灣渣甸街66號亨環4樓