賀生晨

好友生日，今晚約了她在一間舒適嘅西餐廳慶祝，大家開開心心暢談了一個晚上。

一間舒適嘅西餐廳

座位舒適

餐廳環境光猛，室內和室外都有座位，座位舒適，卡座相當闊落。 

晚巿套餐和精選二人套餐

有晚巿套餐和精選二人套餐。晚巿套餐有十三餐，包有是日餐湯、主菜和一杯$32飲品，我地都各自揀了一份開心share。

大蒜薯仔湯有薯香有大蒜香

不會太溜滯

是日餐湯係大蒜薯仔湯 ($0/跟餐)，既有薯仔香，亦有大蒜香，不會太溜滯。

鮮茄煙肉水牛芝士蝦意大利雲吞配搭美味!

外皮稍稍煙韌，有咬口

我點咗鮮茄煙肉水牛芝士蝦意大利雲吞（$134），雲吞外皮稍稍煙韌，有咬口，不錯！中間包著蝦蓉，味道鮮香，配上酸香的鮮茄蓉和鹹香的煙肉同吃，加添鹹香酸香，配搭美味!

炭燒BBQ豬仔骨配薯條及沙律美味

肉質腍嫩入味

壽星女要炭燒BBQ豬仔骨配薯條及沙律（$208），豬仔骨沾滿甜甜地醬汁，肉質腍嫩入味，肉和骨比例剛好；薯條金黃香脆，又不油膩；沙律菜新鮮清爽，配上胡麻醬，甘香美味。

甜品及飲品

焙茶鮮奶滿有焙茶的甘香

我杯焙茶鮮奶（+$16)選用脫脂奶，但拉花圖案也很美。聞到陣陣焙茶香，滿有焙茶的甘香，味道不甜，喜歡！

雜莓乳酪酸酸甜甜

朋友鍾意凍飲，要杯雜莓乳酪（+$20)，充滿莓香，酸酸甜甜，又fresh又醒神！

朱古力心太軟配雪糕生日快樂呀！

朱古力味濃郁

朱古力醬緩緩地流出，焗得剛好

生日當然要有蛋糕，壽星女揀咗朱古力心太軟配雪糕（$58），生日快樂呀！一切開，朱古力醬緩緩地流出，焗得剛好。暖笠笠的蛋糕外微脆內鬆軟，有些濕潤， 朱古力味濃郁，滿意！

 

店名：Plato Cafe & Bistro

地址：觀塘協和街33號裕民坊YM² 3樓309號舖