推介之選

今晚同男朋友撐枱腳，我揀咗間咖啡店，因為我最喜歡還是飲咖啡食西餐。

落地玻璃窗，感覺開揚

柔和燈光，闊落卡座

樓底高，環境舒適自在

落地玻璃窗，見到整間咖啡店裏面嘅裝潢，感覺開揚。柔和燈光，闊落卡座，加埋樓底高，環境舒適自在。 

晚巿是a la carte

晚巿是a la carte，有前菜、沙律、主菜、甜品和飲品。

Mango Crab Meat Salad味道特別，驚喜！

新鮮清爽

前菜揀了Mango Crab Meat Salad （$88），沙律菜新鮮清爽，加入不少蟹肉，味道鮮美，配了甜美嘅芒果肉外，還以香料和芒果汁作為沙律汁，味道特別，驚喜！

Canada Pork Loin Rock一流嘅配搭！

肉質腍嫩，仲keep住肉汁

男朋友喜歡肉肉肉，要了Canada Pork Loin Rock （$168），賣相一流，配搭亦有心思！以煙煙韌韌嘅黑米、烤木瓜和清新嘅沙律菜作為配菜，又特別又好味。豬鞍扒相當厚身，煎得焦香可口，肉質腍嫩，仲keep住肉汁，味道鮮香，優質！所配的醬汁是酸酸甜甜嘅雜莓醬，平衡了豬鞍嘅油膩感，一流嘅配搭！

Grilled Sea Bass賣相好吸引

魚扒伴上魚籽提升鮮味

皮脆肉嫩，啖啖魚油鮮香

我就喜歡魚魚魚，Grilled Sea Bass （$178）同樣好吸引，配菜就用了香甜嘅紫薯和南瓜蓉，南瓜蓉好creamy，估唔到配魚咁夾！魚扒香煎的時間掌握得剛好， 皮脆肉嫩，啖啖魚油鮮香，非常美味。最鍾意係伴上魚籽提升鮮味，鹹鮮美味，優質！ 

Forbidden Lover酸酸甜甜， 吃落唔甜膩

蛋糕挺身香滑

甜品唔可以少，Forbidden Lover（$68）擺放得好靚。百利甜酒芝士蛋糕挺身香滑，伴着雜莓醬同吃，酸酸甜甜， 吃落唔甜膩，還有好有橙香嘅雪糕，又香又滑。如果蛋糕嘅百利甜酒味重多一些就更好。

Hot Honey Lime消滯解膩，滋潤順喉

男朋友嘅Hot Honey Lime ($48/10oz) 熱度十足，酸酸甜甜，消滯解膩，滋潤順喉，好飲！

Hot Oat Milk Mocha味道平均

我就要杯Hot Mocha ($52/10oz) 加$10轉Oat Milk，拉花圖案一樣咁清晰，靚！嚐到咖啡和可可嘅甘苦，兩者味道平均，也互相融合，非常滿意。

店名：The Hunt Coffee & Roastery 

地址：觀塘鴻圖道75號KOHO地下A及B號舖