開心小樂園

得知Lab Made 與 Squly & Friends 攜手合作至2月29日, 一於趁假期相約友人去湊湊熱鬧, 感受一下被多款 Squly & Friends公仔和板畫包圍着的歡樂。咖啡店內外都佈置成Squly & Friends小樂園, 色彩繽紛, 搶眼吸引,  眼見不少小朋友都停下腳步嚷着要跟門口巨型的企鵝Kily拍照, 順便扭下計仔要吃杯雪糕, 真可愛!

Lab Made 與 Squly & Friends 攜手合作

巨型的企鵝Kily極吸引

牆壁上滿了

地板又貼了

枱面都貼了

更搶眼是座地板畫

放了漫畫圖

除了門口站着Ladeka歡迎大家外, 店內的牆壁、地板和枱面都貼滿了Squly & Friends貼紙, 枱上擺放了漫畫圖 , 還有放在收銀處的座地板畫, 齊集眾Squly & Friends, 隻隻可愛趣緻, 睇到都令人開心。

五款Squly& Friends甜品

款款賣相吸引

雖然四周佈置吸引, 但所推出的五款Squly& Friends甜品則更吸引我, 分別有Ladeka奶皇雕魚燒配抹茶雪糕 、Squly最愛朱古力榛子松果配牛奶‎雪糕、流式奶茶/原味焦糖燉蛋配忌廉蛋卷、脆皮窩夫配奶皇雪糕和抹茶心太軟配抹茶雪糕, 價錢介乎$36-$42, 定價合宜, 絕對值得一試, 但只是荃灣分店有售。

***********************************************************************************

抹茶心太軟配抹茶雪糕 抹茶控必試

身為抹茶控的我第一時間便揀了抹茶心太軟配抹茶雪糕 ($42), 抹茶心太軟配上一球抹茶雪糕和一小碗紅豆茸, 唧上甜忌廉小山, 再以抹茶粉灑上企鵝仔圖案, 可愛豐富。

抹茶醬緩緩地流出

 伴上抹茶雪糕, 抹茶味更香濃突出

輕輕把心太軟切開, 抹茶醬緩緩地流出, 焗製時間剛好。暖笠笠的抹茶蛋糕外微脆, 內鬆軟帶點濕潤, 抹茶味濃郁, 伴上幼滑的抹茶雪糕, 一暖一凍, 而抹茶味更香濃突出。

加紅豆伴吃, 多份甜美

再豐富一點, 加一些粉綿的紅豆伴吃, 多份甜美, 更加美味。

***********************************************************************************

朱古力榛子松果配牛奶雪糕 氹到不少大人細路歡心

友人卻是朱古力迷, 故選了一客朱古力榛子松果配牛奶雪糕 ($36), 松果型的蛋糕配上一球淋上朱古力醬的牛奶雪糕, 唧上甜忌廉小山, 放了幾粒香脆的榛子仁, 再以朱古力粉灑上松鼠仔, 單單賣相已氹到不少大人細路歡心。

跟真實的松果很相似

中間是幼滑的榛子醬

口感一脆一滑

主角的確製作得跟真實的松果很相似, 由一粒粒朱古力麥脆砌成, 中間是幼滑的榛子醬, 富有心思。口感一脆一滑, 但略嫌過於甜膩, 如中間加一些清蛋糕中和一下, 不知會否更理想?

牛奶雪糕相當幼滑

至於那球牛奶雪糕, 相當幼滑, 啖啖牛奶香, 伴上朱古力醬最匹配。
***********************************************************************************

連飲品也有Squly & Friends 出現

鮮奶咖啡出現了獅子仔Cely的樣子

不單止甜品, 連飲品也有Squly & Friends 出現呀! 友人點了一杯鮮奶咖啡 ($26), 咖啡面以朱古力粉灑上Squly 朋友獅子仔Cely的樣子, 見到牠可愛的樣子就令人開心。友人品嚐後, 表示奶香和咖啡香兼備, 入口幼滑, 不錯!
***********************************************************************************

鮮奶焙茶茶味香濃, 但略嫌過甜

而我今次就捨棄了咖啡, 揀了一杯鮮奶焙茶 ($25)。企鵝仔Kily是主角, 當然不少得牠, 傻呼呼的樣子的確很討人歡喜。趁熱呷一口, 入口溫暖順喉, 茶味香濃, 但略嫌過甜, 喝了一整杯後挺溜滯, 如可少甜就好啦!
-------------------------------------------------------------------------------------------------------------------

有出售精美的Squly & Friends產品

如大家是Squly & Friends的忠實粉絲的話, 必要來這個開心小樂園, 除了可品嚐美味兼可愛的甜品外, 還可購買一些精美的Squly & Friends產品, 包括有水壺、環保袋、貼紙、散仔手機套、手扇等等。

想帶企鵝仔回家嗎?

另外, 大家在荃灣或大坑Lab Made分店買滿$44便可獲贈1個印花, 只要集滿2個印花即送file一個, 而集齊10個印花更可以超抵價$45換購企鵝仔毛公仔一隻, 但數量有限, 不知現在換購晒未呢?

店名: Lab Made
地址: 荃灣城市廣場2樓