最近買了部新麵包機, 馬上手痕, 但家中整麵包的材料都通通用光了……故放工便走去觀塘的烘焙店入貨。烘焙店這盤生意看來有得做, 皆因次次來到都很多人, 排一輪才買到, 大包細包, 累透了, 還是快快坐下抖抖兼醫肚。
 |
| 金光閃閃燈泡很吸引 |
 |
| 進入一個花花世界 |
正想去apm覓食, 便被附近大廈入口的金光閃閃燈泡吸引了。牆上的畫好得意呀! 就它吧! 沿樓梯上一層便見到餐廳, 門口和招牌均以假花草圍着, 好似將進入一個花花世界。
 |
| 地方寬敞闊落 |
 |
| 坐得舒適 |
 |
| 出入方便 |
內裏地方寬敞闊落, 分有兩區, 中間還設有一個小型的沙律吧。兩區均有多張四人枱, 亦有兩三排長長的沙發座配四人枱, 枱與枱之間都有一定的距離, 坐得舒適, 亦出入方便。
 |
| 裝潢帶點歐陸色彩 |
餐廳燈光柔和, 裝潢帶點歐陸色彩, 牆身印上手掌印, 亦掛了多幅有趣的油畫, 仔細看看, 不禁令人發笑。另外沙律吧旁以花瓶、英式High Tea三層架、歐陸式的鳥籠、英式茶具等等作為裝飾。
 |
| Set Dinner |
 |
| Cold Dish、Salad、Dessert 和 Drink |
 |
| 晚巿優惠限定 |
細閱多頁的餐牌, 有Set Dinner、Set Dinner for 2、Today Special和晚巿優惠限定, 而散點則有Side Dish、Cold Dish、Salad、Dessert和Drink等等, 選擇豐富, 真係令我眼花撩亂。晚巿優惠限定有餐包及餐湯、主菜和飲品, 加$38仲可任食沙律吧, 訂價由$98-$168, 真是好經濟實惠。看看沙律吧, 都有不少選擇, 而且很合我口味, 一於加$38任食, 抵!
******************************
 |
| 沙律吧 |
 |
| 沙律吧 |
點好菜便馬上去沙律吧 Salad Bar (+$38), 分有兩格, 均冰鎮着多款沙律。一格是DIY沙律, 除有雜沙律菜外, 還有車厘茄、蕎頭、紅腰豆和粟米粒, 而醬汁則有千島醬、胡麻醬和意大利醋油。另一格足足有十款, 包括哈蜜瓜、薯仔什果沙律、啫喱、西瓜、中華沙律、辣味螺肉、醃蘿蔔、木耳帶子裙邊、酸青瓜和煙三文魚沙律杯。
 |
| DIY沙律是餐前開胃之選 |
第一輪先DIY沙律, 全部取齊加些意大利醋油。雜沙律菜青綠清爽, 都好新鮮, 而車厘茄就清甜爆汁, 配上酸咪咪的意大利醋油, 餐前開胃之選。
 |
| 第二輪沙律也不錯 |
第二輪就除了啫喱和西瓜外, 其他都通通取齊。當中清甜多汁的哈蜜瓜、用料豐富的薯仔什果沙律和爽口入味的中華沙律也不錯, 而酸味十足的醃蘿蔔和酸青瓜也是很我合口味。不過, 最最喜歡還是煙三文魚沙律杯, 鹹香柔軟的煙三文魚伴上清爽的沙律菜, 味道剛好, 再加埋香甜的橙肉, 配搭美味。
******************************
 |
| 餐包及餐湯都美味 |
 |
| 雜菜湯用料都幾豐富, 味道酸咪咪 |
還未吃完第二輪沙律, 餐包及餐湯 Bread & Soup便上枱。餐湯有周打蜆忌廉湯和雜菜湯兩款選擇, 一向吃得清新的我, 當然要了後者。熱辣辣上枱, 散發着陣陣酸香, 刺激味蕾。湯身呈鮮橙色, 味道濃郁。內有數款雜菜, 包括薯仔、甘荀、椰菜、洋蔥、西芹等等, 用料都幾豐富, 味道酸咪咪, 馬上打開胃仔。
 |
| 餐包相當軟熟 |
圓碌碌脹卜卜的餐包, 拿上手熱烘烘, 相當軟熟, 用來伴雜菜湯, 簡單而美味。
******************************
 |
| 意式香草醬蜆肉太子貝意粉 賣相不錯 |
 |
| 份量都不少，一人份量有多 |
 |
| 意粉煙煙韌韌，挺有嚼勁 |
 |
| 拌入紅椒和露筍, 既豐富又美味 |
五款主菜中, 選了一客意式香草醬蜆肉太子貝意粉 Spaghetti Pesto
with Clam Meat & Baby Scallop ($98), 份量都不少，一人份量有多。意粉沾上香草醬，很平均，雖味道不算很香濃，但意粉煮得剛好，煙煙韌韌，挺有嚼勁，拌入辣辣地的紅椒和爽幼翠綠的露筍，既豐富又美味。
 |
| 蜆肉和太子貝肉質腍嫩 |
當然不少得蜆肉和太子貝，份量都唔少，雖然細細粒，但反而肉質腍嫩，特別是太子貝，很討我歡喜。
******************************
 |
| 七款甜品 |
 |
| 泡沫咖啡慕絲蛋糕presentation特別 |
 |
| 蛋糕上插了小花朵 |
 |
| 木托盤四周亦灑了花瓣 |
 |
| 一件很美的花藝甜品 |
吃甜品總會令人開心, 沙律吧並沒有甜品, 當然要單點一客啦! 在七款甜品中選了一件泡沫咖啡慕絲蛋糕
Cappuccino Mousse ($48), 咖啡我最愛, 哈! 嘩! 想不到嗰presentation那麼特別, 以一個玻璃蓋蓋着, 看起來更高貴優雅。輕輕揭開蓋子, 蛋糕上插了紫黃色的小花朵, 而木托盤四周亦灑了花瓣, 以花配甜品, 一件很美的花藝甜品, 未吃已令人心花怒放。
 |
| 貎相和味道都十足十一杯泡沫咖啡 |
蛋糕共有三層, 頂層是好似奶泡的芝士忌廉, 芝味香濃幼滑, 上面還灑了可可粉; 中間是極之幼滑的咖啡慕絲, 濃濃的咖啡味帶點甘苦, 唯獨是餅底略為鬆散。其貎相和味道都十足十一杯泡沫咖啡, 啖啖教人回味。
******************************
 |
| 餐飲選擇 |
 |
| 以茶配蛋糕是一個好選擇 |
 |
| 熱蜜桃水果紅茶消滯解膩 |
餐飲有七款選擇, 亦可+$3轉特飲、+$5轉梳打、+$5轉咖啡和+$10轉凍咖啡。以茶配蛋糕也是一個好選擇, 故點了一杯熱蜜桃水果紅茶 Peach Pure
Ceylon Black Tea (跟餐$0)。選用Dilmah牌子茶包, 茶色深, 茶味濃, 散發着陣陣蜜桃香, 消滯解膩, 餐後一杯最適合不過。
-------------------------------------------------------
 |
| 這兩款花藝甜品都好吸引 |
大家都知道女士既愛吃甜, 又愛收花, 餐廳以花配甜品, 創出一件件又美麗又好味的花藝甜品, 女士們又怎會不愛呢? 還要設有沙律吧, 岩晒愛吃又怕肥的女士, 有齊沙律、甜品和花, 這裏的確是男士們氹女仔的殺手鐧, 男士們識做啦! 若姊妹們好似我咁, 即使沒有男士氹也不緊要, 自己令自己開心最重要, 今晚我就很開心滿足啦! 臨來時再看看甜品櫃, 還有紅桑子草莓提拉米蘇和焦糖朱古力脆脆三重奏都好吸引, 就下次再來氹自己開心吧!
店名: 魔膳廚房
地址: 觀塘開源道77號業發大廈一期2樓D室
沒有留言:
張貼留言