平時返工吃一頓午餐只有半小時, 趕頭趕命, 都不知吃了什麼, 而今日我卻豪出三小時來一頓午餐放題, 慢慢吃, 慢慢嘆, 老實說….不是假日也不會咁放縱自己, 不過諗深一層, 午餐放題不是假日吃, 幾時吃呀!?
 |
| 這間放題店地點很方便 |
又來到我常出沒的銅鑼灣, 左揀右揀, 最終選了這間位於銅鑼灣廣場一期的放題店, 一出港鐵B出口行幾分鐘就到, 極之方便。一出升隆機門便看到大大個燈光店名招牌, 相當搶眼。還有正在等入座的人龍, 看來這店挺受歡迎。
 |
| 地方寬敞闊落, 座位多 |
 |
| 出入通道亦闊落 |
餐店地方寬敞闊落, 分有兩區, 而中間就是食物食品自助區。兩區都設有多行長沙發和多張四至五人卡座, 出入通道亦闊落, 出出入入取食品相當方便, 空間大自然坐得舒服, 環境不錯。
 |
| 午巿放題任飲任食3小時 |
 |
| 下載一個叫“飯糰”App就可下單點菜 |
午巿放題時間12:00nn-3:00pm, 可任飲任食3小時, 時間絕對充足, 星期一至日成人收費都是 ($248+10%), 另外還有午巿定食, 但今日決意豪出三小時, 當然揀放題啦! 咦!? 為何枱上一張下點菜紙仔都沒有呢? 原來餐店又先進又環保, 客人只要用自己手機下載一個叫“飯糰”App就可下單點菜, 以此取代一疊疊的單菜紙仔, 用起既方便又環保, 而且並沒有漏單, 讚! 大家不用擔心, 除有Free
Wifi外, 各服務員還會細心地作出協助, 一點難度都沒有, 大人細路和長者都係咁“篤”, 哈!
**********************************
 |
| 飲品選擇非常多, 凍熱都有 |
 |
| 梅酒不錯! |
點好第一輪食品後, 便走出自助區看看。先準備飲品, 選擇非常多。凍飲方面, 大型飲品櫃有多款罐裝凍飲, 包括啤酒、汽水、果汁等等, 另外還有果茶、梅茶、清酒和啤酒; 而熱飲選擇也不少, 包括罐裝飲品、紙包飲品、煎茶、咖啡、羅漢果茶、果茶和洋甘菊等, 真係令人眼花撩亂。不過我一早已鎖定目標, 當然是梅酒, 入口微凍 (其實可加冰), 對我而言, 梅味不算突出, 並不太甜, 酒味較濃, 但也算很易入口, 不錯!
**********************************
 |
| 自助區食物好豐富! |
繼續把握時間去自助區取食物, 有多盆熱食, 今日有章魚燒、炸雞、炸薯角、沙薑雞腳、冬蔭功青口、蒜香芥蘭苗、瑞士雞翼、炒豬大腸、白汁年糕雞丸、清蒸海魚, 仲有片皮鴨和燒雞。唔止呀! 還有姬松茸海星燉烏雞湯, 好豐富!
 |
| 姬松茸海星燉烏雞燉湯味道鮮香 |
吃凍食前先暖一暖胃子, 來一盅姬松茸海星燉烏雞燉湯, 熱度十足, 湯身清澈, 完全不油膩, 味道鮮香, 絕不欺場, 落足料,
encore!
 |
| 冬蔭功青口開胃惹味 |
另外還嚐一嚐冬蔭功青口, 用料有不少雜菌、蕃茄、青口, 味道酸酸辣辣, 開胃惹味, 味道不錯, 但泛着不少紅油光。
**********************************
 |
| 凍食的中華沙律最吸引 |
除熱食外, 還有多款凍食, 包括一個小型沙律吧, 食材雖簡簡單單, 有三款沙律菜、車厘茄、粟米、蜜桃、菠蘿等, 還有多款醬汁配搭。另一邊還有辣螺肉、中華沙律、泡菜、醃蘿蔔、泰式鳳爪、煙鴨胸、涼拌雲耳、辣雞腎、凍蝦、凍青口、三式芝士配餅干等等, 又是很豐富! 揀了一碟雜沙律配黑松露和風汁, 再加中華沙律、涼拌雲耳和辣雞腎, 當中最吸引我是中華沙律, 爽口 又入味。另外, 沙律菜都很新鮮清爽, 拌入幽香的黑松露和風汁, 味道美味!
**********************************
 |
| APP 的點菜介面相當清晰易用 |
APP 的點菜介面相當清晰易用, 先揀類別, 再擊點細項的份量, 按 “送單”鍵後再確認一次各項先可 “確認送單”便完成。客人還可隨時check返自己的所有訂單, 設計不錯。數數看, 足足十三類, 分別有刺身、創作壽司、壽司、火炙壽司、手卷、卷物、軍艦、一品料理、燒物、炸物、天婦羅、煮物和海之盛宴。
 |
| 刺身很新鮮 |
 |
| 任點拖羅刺身, 必要再來一round |
身為刺身迷, 揀了劍魚腩、三文魚、油甘魚、拖羅、北海道帶子刺身和天使蝦刺身。肥美厚切的三文魚色澤亮麗, 油脂分佈平均, 肉質柔軟油潤, 鮮味十足; 還有油甘魚刺身, 不算厚切，但肉質柔軟中帶微爽，啖啖鮮味油潤。天使蝦刺身也不錯, 肉質爽中黏性, 也很新鮮, 但最愛還是拖羅刺身,色澤粉紅亮麗，油脂如雪花般佈滿全片，肉質柔軟，油香四溢, 回味! 估不到放題都有此質素的任點拖羅刺身, 必要再來一round!
**********************************
 |
| 三款火炙壽司也不錯 |
一向都認為飯類是飽肚之物, 所以只點了三款火炙壽司和一款壽司。有火炙三文魚腩壽司、火炙海鹽左口魚壽司、火炙原條海鰻壽司和海膽軍艦, 每件size細細, 不會咁易飽肚, 正合我心意。
先吃火炙三文魚, 炙燒的時間掌握得剛好, 迫出魚油, 肉質油潤兼柔軟, 加上連壽司飯也經稍稍火炙, 更添美味, 再來一件吧! 另一款火炙原條海鰻壽司也是必吃之選, 故不到連放題也可吃到原條的海鰻, 的確幾重本。經燒的海鰻外表炙至帶點焦燶, 肉質柔軟嫩口, 若然塗少一點鰻魚汁, 相信能嚐到本身鮮味會更美味。
**********************************
 |
| 燒蕃薯仔好吃, 但燒秋葵就令人失望 |
來多燒物, 有燒秋葵、燒蕃薯仔、燒翠肉瓜和燒菠蘿。如拇指般大小的日式蕃薯仔外皮柔嫩, 內肉粉綿香甜, 挺吸引; 但燒秋葵就令人失望, 硬至完全吃不到, 噢!
 |
| 燒翠肉瓜和燒新鮮菠蘿都再encore |
反而燒翠肉瓜燒得剛好, 保持色澤翠綠, 爽腍之間, 又有瓜汁, 以一些鹽調味, 簡單而美味。燒新鮮菠蘿令人吃得非常滿意, 大件厚切的菠蘿色澤鮮黃, 帶些焦色, 入口微暖, 極之香甜多汁, 相當新鮮美味, 兩者都再encore。
**********************************
**********************************
 |
| 吉品鮑汁燴花膠盛宴絕不欺場 |
 |
| 好大件花膠, 滑嘟嘟兼富有膠質 |
花膠是女人的恩物, 絕不能錯過, 來一客吉品鮑汁燴花膠盛宴。嘩! 好大件花膠, 滑嘟嘟兼富有膠質, 絕不欺場, 雖配菜略為過腍, 但很入味, 仲有隻爽滑的花菇, 有如此質素, 還可挑剔嗎?
**********************************
另外, 甜品凍櫃也有一些啲啲骰骰的甜點, 一啖一口, 有朱古力蛋糕、紅豆批、芝士糕、朱古力批、迷你豆腐花、木槺布丁、奶凍、乳酪等等…另一邊仲有一個生果凍櫃, 切得都幾靚, 有橙、火龍果、西瓜和哈蜜瓜。
 |
| 甜品水果雪糕樣樣齊, 好滿足! |
第一輪先要了我最愛的MÕVENPICK品牌雪糕, 雖只有士多啤梨味, 但都滿足, 還有朱古力批也不錯, 濃濃的朱古力味, 不太油膩, 只是批底腍咗….生果都很新鮮多汁, 最喜歡是哈蜜瓜。
 |
| 再來Haagen-Dazs的Cherry Blossom新口味雪糕 |
其實已飽到一個點, 但還忍不住來多一輪甜品, 因為敵不過Haagen-Dazs的Cherry Blossom新口味雪糕, 好想試試。味道清清地, 帶有花香, 也不錯! 至於那件啲骰的朱古力蛋糕都幾鬆軟, 但味道還是不及朱古力批。
---------------------------------------------
 |
| 放題新體驗, 既放便又環保 |
今日全程用手機下單, 唔駛揭來揭去, 啲下單紙又唔會飛來飛去, 既放便又環保, 重點是全程沒有漏單。雖然曾經也去過一間放題店用iPad下單, 但就重了一點, 餐店還要擔心安全問題…還是客人用返自己手機較理想。今次放題新體驗, 讚呀! 但就全場啲人都機不離手, 越來越多低頭族……
店名: 極尚大喜屋日本料理
地址: 銅鑼灣軒尼詩道489號銅鑼灣廣場一期9樓
沒有留言:
張貼留言