成日都想吃: 任你揀任你配

跟大肚婆同事吃飯，當然要任由她選擇，時間、地點和食乜都任由她決定，最緊要歡喜，大肚婆真係大晒架！已有9個月，肚子大過嗰籮，唔走得太遠，就選了她住的荃灣區，雖由港島去荃灣的確有點遠，但講明大肚婆大晒！

今日選擇吃意粉

餐店地方不多

近圍欄有幾張二人枱

一排長沙發座

裝潢簡約柔和

以不少畫作作裝飾

綠油油挺舒適

大肚婆口味時時變，一向都唔覺她喜歡吃意粉，今日卻選擇了。餐店地方不多，泊牆設有一排長沙發座配二至四人枱，近圍欄有幾張二人枱，中間有張三角形餐枱，可坐約十多人。以淺木色調為主，裝潢簡約柔和，以不少畫作作裝飾，店頂和四周都有綠色的假植物，綠油油挺舒適。

主打意粉, 仲要是手造意粉

餐牌設計精美，亦清晰易明

少許飲品和一款甜品

餐店主打意粉，唔好睇佢地方小小，原來有自設工場手造意粉，保證新鮮，誠意之作。翻開餐牌，設計精美，亦清晰易明。客人可自由配搭，如唔想動腦筋的話，亦可揀已有的combination，而我倆當然按自己喜歡挑選啦！另外還有少許飲品和一款甜品供應。

五款醬汁

先在五款醬汁中揀一款，分別有蒜蓉辣椒鯷魚、煙肉蒜蓉番茄汁、牛豚肉醬、明太子和本菇忌廉。一向愛吃辣的我當然要有蒜蓉辣椒鯷魚，而大肚婆要酸咪咪，揀了煙肉蒜蓉番茄汁。

十款配料

已有的combination

諗好醬汁就揀配料，有十款，不同款不同價錢，包括有馬鈴薯、茄子、粟米、四季豆、西蘭花、煙肉、日式本菇、日式炸雞、蝦仁和芝士, 選擇不算好多, 但都算均衡。

*******************************

日式魚湯可免費refill一次, 真窩心

還未點好菜, 服務員已馬上送來一小杯日式魚湯 ($0), 客人還可免費refill一次, 真窩心。湯身清澈, 沒有一點油光。呷一口, 熱辣辣, 味道稍稍鹹鮮, 很似平時所喝的木魚湯。

*******************************

蒜蓉辣椒鯷魚+日式本菇鹹香帶微辣，挺惹味

最後我要了一客蒜蓉辣椒鯷魚+日式本菇 Anchovy Peperoncino add simeji mushroom （$39+$12），意粉剛好一人份量，原來已配有西蘭花，再加埋本菇，夠晒飽！意粉沾上紅椒粒和蒜蓉碎，鹹香帶微辣，挺惹味，岩晒我，只是略為油了一點。

西蘭花和本菇同樣口感爽嫩

意粉口感軟滑的來又彈牙, 手工製果然很不同

西蘭花色澤翠綠，跟本菇同樣口感爽嫩，煮弄得剛好，沾滿蒜蓉碎，滿有蒜香。重點還是在意粉上，手工製果然很不同。呈扁身，厚度適中，口感軟滑的來又彈牙，煙煙韌韌，很有嚼勁，好吃！

*******************************

煙肉蒜蓉蕃茄+茄子味道酸咪咪, 清新開胃

意粉的口感也有嚼勁

也淺嚐了大肚婆所揀的煙肉蒜蓉蕃茄+茄子 Bacon Garlic Tomato add Eggplant （$39+$6）。滿滿的意粉上舖了不少煙肉蕃茄醬，周邊放了四件茄子，份量都好足。醬汁剛好掛在條條意粉上, 份量合宜, 味道酸咪咪, 清新開胃, 岩晒大肚婆口味。意粉的口感也有嚼勁, 但不及前者彈牙煙韌, 或許不同醬汁的製法有所不同。