好想去渡假

朋友知我鍾意去cafe，今晚就帶咗我去呢間環境靚，食物有特色的餐廳試試。 

好有渡假feel，最岩嚟chill下！

巨型藤製吊椅，坐得舒服

坐得舒服，環境正！

一間好靚的餐廳，門口有幾張半露天的餐枱，近門仲有張巨型藤製吊椅，四處亦掛咗一束束乾花草，好有渡假feel，最岩嚟chill下！座位都幾多，都坐得舒服，環境正！ 

選擇不少

選擇不少

選擇不少

有Dinner Set for two or four、Salad & Appetizers、Snack & Seafood、Pasta & Risotto、Main Course、、Dessert和Drinks，選擇不少。

夢幻粉紅海鮮澳洲薯仔沙律混入多款海鮮粒

竟然食沙律還是食雪糕？有趣！

夢幻粉紅海鮮澳洲薯仔沙律 （$128）好驚喜的擺設，竟然食沙律還是食雪糕？一於沙律變甜筒咁食，大人細路見到都開心。粉綿嘅薯蓉混入多款海鮮粒，仲有甜美嘅芒果肉和鮮味嘅蟹籽，好有口感，跟甜甜地的脆筒一齊食，有趣！ 

水牛城雞翼沾滿酸酸辣辣的醬汁

好惹味，越食越開胃

肉嫩肥美

水牛城雞翼($98/6隻）每隻都肉嫩肥美，雞皮仲有少少香脆，沾滿酸酸辣辣的醬汁，好惹味，越食越開胃，一隻接一隻。

香煎北海道刺身帶子黑蒜黑松露野菌忌廉意大利飯福袋好有新意

日式、意式、西式和中式混於一身

意大利飯的口感又唔錯，帶子鮮美

香煎北海道刺身帶子黑蒜黑松露野菌忌廉意大利飯福袋 （$158）好有新意，用腐皮袋載住香濃嘅意大利飯，頂頭放埋黑蒜和煎香嘅帶子，再配茄醬芝士，日式、意式、西式和中式混於一身，非常有心思呀！意大利飯的口感又唔錯，帶子鮮美，全個配搭都好好味，得！

甜品選擇

法式焦糖卡士達梳乎厘班戟淋了滿瀉的卡士達醬

口感輕盈鬆軟，味道香甜

我地兩個都係梳乎厘班戟之友，所以必叫一份。法式焦糖卡士達梳乎厘班戟（$128）共有三件厚厚的班戟，本身好有蛋香，再淋了滿瀉的卡士達醬，蛋奶香更勁。口感輕盈鬆軟，吃落帶少少濕潤，味道香甜，喜歡！ 

飲品都多選擇

貓山王榴連特飲好香濃，又唔太甜

朋友是榴連控，見貓山王榴連特飲（$68）緊係要啦！佢話好香濃，又唔太甜，推介喎！榴連控必試！但我就….少食少食。

蔓越莓玫瑰紅棗茶夠滋潤補血

我都係要返杯養生花茶好啲，蔓越莓玫瑰紅棗茶（$48）酸酸甜甜，好有玫瑰花香，夠滋潤補血。特別想講下，套茶具有啲搞笑….

 

店名：Be Leaf

地址：觀塘敬業街55號皇廷廣場地下2號舖