陪伴一世

今次目的地係長洲

一放假就約兩位好友遊離島，今次目的地係長洲。三十幾度嘅高溫，烈日當空，唔行都出汗…

小店感覺好休閑寫意

這個可愛得意的logo，究竟是一家三口？還是三位好友？

今日真係行唔到山，只係飲飲食食，見到呢間粉橙色嘅飲品店，感覺好休閑寫意，最岩我哋姊妹們傾下計。見到這個可愛得意的logo，究竟是一家三口？還是三位好友？估不到，只估到三人都是胖胖的，因為店名係胖伴，應該是三個胖人伴在一起。究竟是咩人？好奇心驅使下，我發問了…

主打飲品

選擇都幾多

小店主打飲品，有胖黑珠系列、胖胖手工芋泥、胖奶茶系列、微胖果茶系列、胖芝芝系列和走胖醇茶，選擇都幾多。 

胖胖芋泥鮮奶真材實料，鮮奶和芋泥各佔一半

飲前必須將兩者拌伴

雖然已食得好飽，但都係忍唔住要了杯胖胖芋泥鮮奶（$38/中）。嘩！真材實料，鮮奶和芋泥各佔一半，一啲都唔吝嗇。飲前必須將兩者拌勻，充滿鮮香甜美嘅芋泥，甜度岩好，綿綿的芋泥中有少少芋粒，好有口感，正！飲晒全杯係飽，但唔膩，好滿足！ 

凍少甜黑糖仙草奶茶奶味茶味兼備

滑嘟嘟仙草份量都唔少，好得！

友人要杯凍少甜黑糖仙草奶茶（$32/M)冰涼透心，爽！奶味茶味兼備，茶底夠香濃，唔會太甜，而滑嘟嘟仙草份量都唔少，好得！

香檸百香果冰茶開胃解渴，好fresh！

綠茶凍滑嘟嘟，淡淡的茶香

另一位就要了香檸百香果冰茶（$30/M)，揀咗茉莉綠茶茶底，茶味清香，唔會太濃，同檸檬和百香果好夾，酸咪咪，開胃解渴，好fresh！ 最驚喜係內有綠茶凍，吸上嚟滑嘟嘟，入到口又有啲咬口，淡淡的茶香，同呢杯果茶好夾。

三位好友互相陪伴一世

揭曉時間，原來這logo 係三位好友，難道三個都係肥胖，大家常伴在一起，所以小店叫「胖伴」？不論如何，希望她們能互相陪伴一世。

 

店名：胖伴

地址：長洲北社街56號地舖