幻影之廚師發辦

好期待的生日飯

就嚟生日，男朋友今晚提早同我食生日飯慶祝，book 了一間日本餐廳食omakase，難得佢咁識食，好期待呀……

黑色的設計，好酷喎! 

坐壽司吧枱可邊食邊欣賞師傅手藝

黑色的設計，好酷喎! 一入去就見到我喜歡的壽司吧枱，一行十多個座位，另外還有其他用膳區、雅座和鐵板區，骨子企理，環境舒適。男朋友當然一早為我訂了壽司吧枱，邊食邊欣賞師傅手藝，最開心!

共有兩款選擇

廚師發辦Omakase共有兩款選擇，價錢分別為幻$1480和影$1780。男朋友話明慶祝生日，當然要豪啲，就揀了後者，影($1780)包有前菜、時令刺身6點、料理長一品料理、季節壽司9貫、煮物、吸物和甜品，相當豐富。 

前菜：太刀魚冷素麵、無花果胡麻醬好味，夾!

前菜：太刀魚冷素麵、無花果胡麻醬

太刀魚冷素麵入口涼涼地，又爽又滑，加了太刀魚和三文魚籽一齊食，好鮮味；無花果柔軟清甜，估唔到配上胡麻醬更好味，夾!

 

時令刺身6點

岩手縣陸前高田蠔優質！令我地極之回味

1）岩手縣陸前高田蠔：巨型級數，足足有我手掌咁長，厲害！蠔肉又厚又肥，挾起來好墜手。爽口又creamy，蠔味極之濃郁鮮甜，優質！令我地極之回味…… 

帆立貝、牡丹蝦、馬糞海膽配兩款魚籽肴汁鮮味爆燈，勁呀!

2）帆立貝、牡丹蝦、馬糞海膽配兩款魚籽肴汁：咁多款食材，好豐富! 帆立貝肉厚爽嫩；牡丹蝦黏滑鮮甜；北海道口岸線的海膽味道甘香油潤，再伴埋鹹鮮的魚籽一齊吃，鮮味爆燈，勁呀!

海松貝極之爽脆，味道鮮美

3）海松貝配小麥發酵白豉汁、黑松露岩鹽：海松貝極之爽脆，味道鮮美，配白豉汁或黑松露岩鹽都可提鮮，夾! 還有用青瓜捲裙邊，兩重口感，爽上加爽，又清新。 

池魚刺身配黑蒜洋蔥汁好有心思的配搭

4）池魚刺身配黑蒜洋蔥汁：睇住師傅一層一層的配搭，好有心思。池魚刺身色澤紅潤，肉質柔軟兼有啲爽，魚味幾濃，好鮮味油潤，即使加了黑蒜洋蔥汁都沒有搶魚的鮮味，好好味!

沙甸魚卷配沙甸魚豉油口感和味道都多變

5）沙甸魚卷配沙甸魚豉油：用肥美鮮嫩的沙甸魚捲住幼細的宮城縣日本西椒、醃蘿蔔和青瓜，配埋一齊口感和味道都多變。清新的蔬菜和酸咪咪的黃蘿蔔可中和沙甸魚的油潤，配搭好岩!

清酒慢煮鮑魚配鮑魚肝醬鮮香味大大提升

6）清酒慢煮鮑魚配鮑魚肝醬：鮑魚唔止鮮美，口感仲很腍嫩，再點啲甘香的鮑魚肝醬，鮮香味大大提升，最佳的配搭！旁邊的配菜也很特別，師傅話係蓮芋莖，挾起軟軟的，食落竟然爽口多汁，得意! 

立鱗甘鯛配白松露野菌汁極之香脆可口

料理長一品料理：立鱗甘鯛配白松露野菌汁

甘鯛連鱗炸至金黃，魚鱗豎起，極之香脆可口。魚肉潔白鮮嫩，食茖唔覺油膩，好味! 加埋幽香的白松露野菌汁，好特別，另一番美味。 

加$1優惠

板南非鮑魚配海膽忌廉汁更鮮味

加$1優惠：鐵板南非鮑魚配海膽忌廉汁

難以置信的優惠，堅抵! 原隻鮑魚肉質爽彈，幾有咬口，加埋大大粒的三文魚籽，再點啲甘香的海膽忌廉汁，更加鮮味。旁邊透明物係咩? 原來係海藻麵，極之爽脆，同海膽忌廉汁和菜苗拌勻食，好好味。 

季節壽司9貫

師傅又出場，是手握壽司的開始。

師傅又出場，是手握壽司的開始

石門貝壽司非常爽口，鮮味十足

1）   石門貝壽司：來自岩手縣。師傅最後拍一拍令它捲曲，睇茖好有動感，仲非常爽口，鮮味十足。

春子鯛壽司及白蝦BB壽司味道極鮮美

2）   春子鯛壽司：用昆布醃過，肉質爽、黏、實，再經火炙，魚鮮味更突出，更加油潤，回味！

3）   白蝦BB壽司：來自富山縣，同樣用昆布醃過。咁多隻白蝦BB集於一身，口感黏黏滑滑，味道極鮮甜。

赤貝壽司及毛蟹壽司賣相和口感同樣吸引!

4)     赤貝壽司：極之爽口鮮味，再唧啲柚子汁，既鮮爽又清新，賣相和口感同樣吸引!

5)     毛蟹壽司：師傅突然拿出一隻毛蟹出來，原來他一早將毛蟹拆肉起絲，份量十足。蟹肉本身已好鮮甜，再加埋甘香的蟹膏，鮮味更甚，最愛!

北寄貝壽司及火炙大吞拿魚腩壽司好回味!

6）北寄貝壽司：跟熟北寄貝完全不能相比，味道非常鮮甜，口感極爽。師傅加了啲海藻鹽，更加帶出它的鮮味。

7）火炙大吞拿魚腩壽司：色澤紅潤，油脂分佈細密，肉質肥嫩，經輕燒後，油香滿溢，食到全口都鮮香油潤，好回味!

中吞拿魚腩壽司及北海道根室巿海膽壽司真係好難抗拒

8）中吞拿魚腩壽司：將醬油醃過，食落好柔軟嫩滑，雖無大吞拿魚腩咁油，但魚味比想像中濃。

9）北海道根室巿海膽壽司：最後，師傅拿出一盒滿滿的海膽出來，我地兩眼發晒光。色澤鮮橙亮麗，甘香鮮美，油潤豐膄，黏滿口腔，拌着壽司飯和紫菜同吃就最岩，真係好難抗拒。

大根煮羽太魚鮫相當入味

煮物：大根煮羽太魚鮫

魚鮫魚香肉嫩，煮入相當入味，而大根又腍又多汁，極之入味。 

北海蜆麵豉湯味道剛好

吸物：北海蜆麵豉湯

暖笠笠的麵豉湯味道剛好，唔會太鹹。每隻蜆肉都肥美鮮嫩，令湯帶鮮味，好吃好喝。 

日本西瓜又紅又甜又多汁

甜品：日本西瓜

炎炎夏日最好食西瓜消暑，起晒沙，又紅又甜又多汁，有助清清味蕾，fresh!

 

店名：幻

地址：將軍澳唐俊街28號海天晉滙1樓120B號舖