又香又脆

是我外賣的好選擇

景林食街已成為我外賣的好選擇，之前食過越南菜和北方餃子，今日和同事一起，食乜好？

今晚食韓國菜

同事一向喜歡炸物，見到炸雞就流晒口水，今晚一於食韓國菜。同樣食店前方有空間可立食，但我哋當然返屋企啦！

紫菜卷和小食

前菜

飯

小食、拌飯

多款炸雞

睇落店子小小，但都幾多選擇，有炸雞、紫菜卷、小食、前菜和飯類，每個系列都有數款選擇添！

揀了兩客炸雞

甜辣無骨炸雞惹味得來又唔會太火辣

無骨啖啖肉，食得更滋味

我哋揀了兩客炸雞，分別有甜辣無骨炸雞和芝士無骨炸雞，睇住佢即炸，新鮮熱辣，真係想馬上放入口。甜辣無骨炸雞（$40/4件）面頭都沾滿甜辣醬，紅通通，好似好辣咁。外脆肉嫩，仲好juicy，味道甜甜地又辣辣地，惹味得來又唔會太火辣，真係好好味，推介！

芝士無骨炸雞好香芝士味

芝士無骨炸雞（$40/4）金黃靚仔，面頭灑滿金黃的芝士粉，芝味十足！炸得剛好，同樣脆卜卜，肉嫩滑，味道鹹香，好香芝士味，加上係無骨，啖啖肉，食得更滋味！

烤豬肉紫菜卷用料好夾

用料豐富

仲有一客烤豬肉紫菜卷（$39），共12件，每件捲上米飯、烤肉、甘荀絲、青瓜、雞蛋、蟹柳和黃蘿蔔，用料豐富，口感亦豐富。烤豬肉油潤，味道鹹鹹地，配埋其他清新的配料，好夾！

排骨餃子當然唔係一舊舊排骨做饀

金黃飽滿，肥嘟嘟

啖啖唔肥的肉碎

排骨餃子（$30/4件）難度內饀是排骨咁特別？就試下先。一客4大隻，每隻都金黃飽滿，肥嘟嘟，靚！餃子皮好薄脆，內饀當然唔係一舊舊排骨，而係啖啖唔肥的肉碎，所調的味道特別，有啲鹹香，唔駛加任何醬料都已經好食。

食街仲有腸粉、墨西哥菜、車仔麵、壽司等，真係有排食，正！

 

店名：哥哥炸雞

地址：將軍澳寶林北路38號景林商場街市地下T-KL10號舖