人人都食招牌菜

又兩星期去一次灣仔睇中醫的日子，每次來到灣仔都必定順便搵食，今次見到間新店，一於試下。

門面光鮮

好搶眼

整齊企理

座位唔算多

門面光鮮，大大個紅配金的招牌好搶眼，仲有啲懷舊感。內設有數張二至四人枱，座位唔算多，但整齊企理，幾舒服。食店主打香雞，但亦有牛腩、魚和蔬菜類。雖然招牌係雞，但我最愛還是魚，哈！有鱸魚和白鱔選擇，真係好掙扎….結果要了白鱔。採用半蒸煮方法，仲有五款醬揀，真係好有誠意。

龍利葉羅漢果雞腳湯味道甜美，煲得好夠火喉

熱辣辣，落足料

每款飯餐都奉送無味精老火湯，今日係龍利葉羅漢果雞腳湯($0/跟餐)，熱辣辣，落足料，味道甜美，煲得好夠火喉，有家的感覺。

仁稔醬蒸煮白鱔配黃薑飯好有特色

白鱔肥美鮮嫩；仁稔醬酸甜

黃薑飯粒粒飽滿乾身

要了有拇指標記的仁稔醬蒸煮白鱔配黃薑飯（$73），用個木盆載住，好有特色。黃薑飯粒粒飽滿乾身，健康有益。白鱔肥美鮮嫩，滑嘟嘟，配上酸酸甜甜的仁稔醬，中和白鱔的油膩感，又夾又好味！

灼白菜爽嫩，抵食

灼白菜（$20/跟餐）超大碟，抵！條條都翠綠爽嫩，簡單淋咗啲豉油，唔油唔鹹，味道清新，喜歡！

 

見不少客人都點招牌華香雞餐，仲有幾位全隻外賣，睇來它是必食之選，下次啦！

 

店名：華香雞

地址：灣仔駱克道368-374號百齡大廈地下G2號舖