樣樣都靚

今日男朋友安排了一項特別的活動，就係去黑暗體驗館玩，好期待呀! 既然佢安排玩的節目，我當然負責搵食，難得去開荔枝角，當然要先睇下乜好食。 

以白色為主

高貴優雅

座位都唔少

感覺好舒服

找到一間樓上西餐廳，以白色為主，掛上一盞盞水晶吊燈，配上綠葉植物，高貴優雅得來又有朝氣，感覺好舒服呀! 設有多張二至四人圓枱，座位都唔少。

午餐供應時間都幾長

Lunch Set共有11款選擇

正正是午餐時段，其實午餐供應時間都幾長，星期一至日由12:00-17:00，太好了! Lunch Set共有11款選擇，配是日餐湯和$28以下的餐飲。

粟米湯甜美，高纖

稀稠度適中

我地點了兩set開心share。先上是日餐湯，是粟米湯 ($0/跟餐)，熱辣辣。稀稠度適中，內夾雜着粟米渣，啖啖粟米的甜美，高纖健康。

香煎煙肉和牛芝士漢堡配薯條份量好足

好厚身

肉嫩juicy，牛味香濃

再來香煎煙肉和牛芝士漢堡配薯條（$118）份量好足。軟熟微脆的麵包夾着清新的蕃茄片和生菜、鹹香的芝士和煙肉，當然不少得一件厚身的和牛漢堡。肉嫩juicy，牛味香濃，相當美味，讚！

薯條外脆內綿

薯條炸得金黃，外脆內綿，唔會好油，好有薯香；雜沙菜就新鮮清爽，淋上酸咪咪的沙津汁，清新怡人。

香燒加拿大豬肉眼配金巴利汁賣相一流

整體都好好味

豬肉眼大大塊，又厚身

腍嫩又有肉汁

香燒加拿大豬肉眼配金巴利汁 （$128）賣相一流，靚到唔捨得食，哈！豬肉眼大大塊，又厚身，啖啖肉，既腍嫩又有肉汁，無乜肥膏，配了酸咪咪的金巴利汁，好夾！配菜有甘荀仔、四季豆、粟米、薯蓉等等，全部都好鮮嫩，整體都好好味，推介！

Mocha香濃咖啡兼有甘苦朱古力

我點嗰杯Mocha  ($21/跟餐)嘅多瓣心形拉花好靚呀！入口暖暖地，咖啡味香濃之餘，亦有朱古力的甘苦，並不甜膩，喜歡！ 

Matcha Latte味道香美

男朋友就要了杯Matcha Latte  ($19/跟餐)，有嗰心形拉花圖案。 佢話味道香美，抹茶味唔會太濃，岩佢。

 

 

店名：INN - I’m Not Nothing 

地址：荔枝角長沙灣道883號億利工業中心2樓203號舖