正宗味道

同男朋友行完Donki之後在附近覓食，行下行下，男朋友發現有間潮州菜餐店，他一向都喜歡食潮州菜，岩晒佢啦! 

門面寬敞闊落

整齊企整

環境光猛

都有幾多座位

門面寬敞闊落，內裏整齊企整，環境光猛，設有多張二至四人枱，仲有大圓枱，都有幾多座位，坐得舒適。

選擇好多

選擇好多

選擇好多

選擇好多

選擇好多

選擇好多

選擇好多

選擇好多

選擇好多

餐簿附有多張菜式相片，設計吸引，選擇亦多，有大廚推介、潮州珍品特菜、潮州打冷、潮州小廚、游水海鮮、避風塘風味、黃金全景、潮州粉麵飯、潮州甜點等等。

兩款燉湯唔可以錯過

茶樹菇杞子圓肉燉烏雞味道香濃，甘香美味

落足料

見有兩款燉湯，當然唔可以錯過，大家都要茶樹菇杞子圓肉燉烏雞（$68）。熱度十足，飲到最尾都好溫暖，飲完之後嗰身暖笠笠，好正！燉得夠晒火喉，內有不少爽口的茶樹菇，仲有烏雞、瘦肉、杞子、龍眼等，落足料，味道香濃，甘香美味，正！

滷水鵝件

肉質又香又嫩，好有肉汁

滷水鵝件 （$138）是必食，大大碟，還有大量又爽口又入味的芽菜墊底，正！鵝件份量好足，有淨肉，亦有連骨的。肉質又香又嫩，好有肉汁，滷得入味，味道唔會太鹹，嚐到啖啖鵝香，再點啲醋汁，又好夾喎！我哋都大讚。

 

方魚炒芥蘭炒得好有鑊氣

方魚乾味道鹹香

方魚炒芥蘭（$88）都好大碟，仲炒得好有鑊氣，熱辣辣。每條芥蘭都好翠綠爽嫩，唔太油，加了方魚乾同炒，添了鹹香。其實我都係第一次食方魚，原來係咁樣子，用來炒菜都唔錯喎！ 

凍食黃油烏頭好大條 

見到魚肚位帶有黃油

鮮甜幼嫩

配傳統普寧豆醬另一番風味

我最想食的凍食黃油烏頭 （$188）來啦！嘩！都好大條，見到魚肚位帶有黃油，食落無泥味，肉中夾雜着少少鹽粒，鹹鹹地，但都吃到魚肉本身的鮮甜幼嫩。試點啲傳統普寧豆醬，另一番風味。

 臨走時，店員仲話星期一至四九點後堂食和外賣都有8折，咁下次可考慮外賣做宵夜，抵呀!

 

店名：陳儀興飯店

地址：將軍澳至善街9號嘉悅地下2-3號舖