整餅好地方

〈奇華工作坊〉都開幕啦! 

奇華餅家最近不單止開了 〈奇華茶室〉 , 連〈奇華工作坊〉都開幕啦! 同樣位於灣仔皇后大道東分店, 設於二樓。而我今日就在一樓嘆完晚餐, 再上工作坊, 又食又學, 真是很充實。

前方設有一張大示範枱

闊落的學員工作枱

幾個層格擺放多款工具, 設備齊全

設有幾排大爐

直播老師的示範

先觀察四周, 前方設有一張大示範枱, 中間則有四張闊落的學員工作枱, 每張枱下都有幾個層格擺放多款工具, 整齊企理, 設備齊全。還設有幾排大爐, 它集合了微波爐、焗爐和蒸爐的功能, 相當厲害! 而示範枱和工作枱上方均鑲了一部電視, 直播老師的示範, 可清清楚楚看到每細節, 不用擔心。

今晚參加一個【臘腸卷工作坊】

西式包點就學得多, 中式包點就好少學, 今晚就參加一個【臘腸卷工作坊】, 不知中式包點容易學嗎? 這工作坊由一位非常有經驗的整包師傅親自教授, 雖每枱工作室也有助教協助學員, 但師傅也會走到每枱親自提點和教授, 非常細心。

師傅每個步驟都講得很清楚

亦慢慢逐步示範

由搓皮至捲臘腸

兩三下手勢就捲好了

非常靚仔的臘腸卷

先看看師傅示範,  枱上已放齊所需的工具和預備好所有材料, 放得整整齊齊。師傅每個步驟都講得很清楚,   亦慢慢逐步示範,   非常細心和清晰 。 由搓皮至捲臘腸，只是兩三下手勢就整出一個完整無缺，非常靚仔的臘腸卷, 很吸引!

筆記和材料都已放好在枱上

工具好齊備

先用電子工具

也自己動手努力搓努力搓, 雖然很累, 但真係好好玩

走到工作枱, 筆記、工具和材料都已放好在枱上, 好齊備, 還有一位助教等着我們, 她會從旁指導, 可放心! 我是時候披上 "戰衣" (圍裙), 輪到我落手學習, 除了用電子工具外, 也自己動手努力搓努力搓, 雖然很累, 但真係好好玩。

我的創作, 非一般臘腸卷

入蒸爐啦，不知蒸後又如何?

師傅還鼓勵大家加多些創意, 創出獨特的臘腸包, 大大提升學員的創作靈感。你們看, 除了正常版臘腸卷外, 我還整了幾個迷你版臘腸卷、迷你鴛鴦腸包和助教教授的臘腸玖瑰花包, 未蒸之前都幾靚仔，不知蒸後又如何?

老師所整的臘腸卷蒸好了

等待發酵和入蒸爐之際, 老師所整的臘腸卷蒸好了。嘩! 熱辣辣, 香噴噴, 每個都脹卜卜, 很飽滿, 賣相一流! 學員還可馬上趁熱品嚐, 大家坐在舒適的陽台下, 一嚐老師的製成品, 可好了! 麵包鬆軟, 臘腸甘香油潤, 油香滲入包中, 很好味! 又試埋膶腸卷, 更香更油潤, 非常討我歡喜, 不知我所整的有沒有咁靚仔和咁好味呢?

是時候出蒸爐啦!

熱辣辣, 香噴噴, 但....

為何我的包包有些走樣? 

第一次學習, 都收貨啦! 

要回家多多練習, 相信會有進步

登登登.....咇咇咇! 計時器響起, 是時候出蒸爐啦! 噢....為何我的包包有些走樣? 看來我捲得不夠紮實, 但不緊要啦! 這是我第一次學習, 有這個樣子, 都收貨啦! 只要回家多多練習, 相信會有進步, 但要好好記住師傅的教授呀!

工作坊資料

原來除中式包外, 還有曲奇、傳統酥餅和經典麵包的工作坊, 價錢由$300-$380, 每課2-2.5小時, 而今晚參加的【臘腸卷工作坊】就2小時每組$380。我還很想學整菠蘿包, 因為它製作較複習, 一於快快上「奇華工作坊」官方網頁報名: https://studio.keewah.com。

這間奇華餅家分店提供一站式服務, 真方便

這間奇華餅家分店真方便, 地下是購物, 一樓是茶室, 二樓便是工作坊, 大家可買完野便上一層嘆個下午茶, 再上多層學埋整餅, 一站式服務, 非常方便, 終於找到整餅好地方,  這裏絕對是我假日的好去處。

店名：奇華餅家
地址：灣仔皇后大道東188號地舖