不一樣的聖誕

成功被揀選參加Openrice 的聖誕曲奇班, 太興奮！

太開心！太興奮！太高興！點解？因為我成功被揀選參加Openrice 的聖誕曲奇班，今晚就去上堂，好期待呀⋯⋯而地點就在北角，非常近我家，太方便了！

一間又紅又亮的車仔麵店，好搶眼！

門口所貼的大餐牌選擇眾多

還貼了不少報導

有關車仔麵報導

絕不能遲到，一早就到北角找地方，但估不到足足早了一個鐘，或許我太緊張和謹慎了。那還有先醫肚，這才有力氣動手做，哈！一出港鐵B4出口便見到一間又紅又亮的店子，好搶眼！原來是一間車仔麵店，車仔麵快靚正，而見門口所貼的大餐牌選擇眾多，還貼了不少報導，亦站了不少等外賣的客人，一於吃它吧！

地方不算大，但整齊企理

幾張二人枱

卡座較為舒適闊落

走進內裏，裝潢簡約平實，地方不算大，但整齊企理。設有三行座位，右邊有幾張二人枱，左邊有三張四人卡座，較為舒適闊落，而中間則有三張六人枱配無背椅子，雖無咁舒服，但勝在慳位，出入放便。而我，老啦.....還是坐有背的椅子較適合。

九款麵底, 可選大小份量

配料多得令人眼花撩亂

還有幾款淨餸

飲品選擇也不少

先揀麵底，共有九款，還可選大小份量，對"細食"的我實在太好，減少會浪費食物的憂慮。至於配料就多得令人眼花撩亂，真係要細心詳閱一下，還有幾款淨餸添，當然不少得有飲品，選擇也不少。

********************************************

在門口收銀處下單

等叫號碼,   自行領取

四餸細米粉、淨菜心及豆漿

店子是半自助形式, 在門口收銀處下單後, 就等叫號碼領取, 而凍飲就自行在凍櫃取。決意要一碗四餸細米粉($41)配少辣，再加一碟淨菜心($12)及一支暖公和豆漿($10)。等一會就有啦, 的確很快手。

四餸細米粉都滿滿一大碗, , 份量都幾足

喜歡舀一羹腩汁放上米粉，最滋味

秘製辣醬沒有完全混入麵中, 可按需要添加

加少許入米粉當中，原來少辣都唔少

嘩! 雖是細米粉, 但都滿滿一大碗, 而每款餸料都有三至五件, 份量都幾足。米粉($8/細)煮得剛好，有咬口，但索湯力不強，故喜歡舀一羹腩汁放上米粉，大大啖吃，最滋味！喜歡並沒有把所有秘製辣醬完全混入麵中，而是放在碗邊，可讓客人按需要添加，讚! 就試取少許加入米粉當中，原來少辣都唔少，的確火辣惹味，小心小心! 愛辣者必定吃得好滋味。

牛腩牛筋同樣味道香濃，弄得入味

再嚐牛腩 ($10)，約有五六件，每件切成小件，當中有肉亦有筋。肉質夾少許肥膏，挺腍嫩；牛筋則相當黏滑，富有膠質，兩者都味道香濃，弄得入味，美味！

蘿蔔腍嫩無渣，多汁清甜

冬菇 爽口兼滿有菇汁

蘿蔔 ($7)同樣約有五六件，腍嫩無渣，多汁清甜，很討我歡喜，是我個人推介之一。至於冬菇 ($7)，切成一小片一小片，並非原隻上枱，睇落無咁吸引，但易於入口，而且份量都不少。啖啖爽口兼滿有菇汁，同樣弄得入味，不錯!

釀豆卜是花工夫之作, 的確好推介

中間釀了彈牙的蝦膠

輪到廚師推介的釀豆卜 ($9)，共有三件, 每件到脹卜卜。豆卜索了湯汁，有豆香之餘亦很入味，原來中間釀了彈牙的蝦膠，不止是花工夫之作，亦好味，廚師的確好推介呀!

********************************************

菜心份量非常足, 相當超值

色澤翠綠，很新鮮

在淨餸中揀了一份菜心 ($12), 因為菜心較正氣, 哈! 嘩! 估不到有那麼大碗，份量非常足，以此定價來說，相當超值，抵! 喜歡只是清灼，客人可選加腩汁或走汁，而一向愛清淡的我，當然全走。每條菜心都很粗壯，灼的時間剛好，保持色澤翠綠，很新鮮，雖不算很嫩口，但並沒有渣滓，味道清新。也試放入麵中索些腩汁，也好味!

********************************************

暖公和豆漿咁大支,   都幾飽肚

甜度適中，亦嚐到豆香

原支暖公和豆漿($10)有500ml, 咁大支, 都幾飽肚。入口微暖，甜度適中，亦嚐到豆香，不錯!

-----------------------------------------------------------------

學了整靚靚的聖誕曲奇,   過了一個不一樣的聖誕

心靈得到滿足, 感謝!

快到聖誕，四周圍都充滿聖誕氣氛，今晚獨個兒吃了一餐快靚正的車仔麵，以車仔麵作為聖誕餐都幾特別，還學了整靚靚的聖誕曲奇，真是不單止肚子飽足，心靈也得到滿足，感謝Openrice給了我一個不一樣的聖誕。

店名：車仔麵之家

地點：北角錦屏街後街21號東發大廈地下A號地舖