輕鬆的星期一

近排真係好多煩事，友情啦⋯⋯感情啦⋯⋯人生啦⋯⋯因為發生了不同的事情而令我在這幾方面感到一塌糊塗，忍不住約好友去海旁鬆一鬆，抖抖氣，希望化負能量為正能量，為自己加油！

去海旁鬆一鬆，抖抖氣

似一個大貨櫃箱，全身鮮橙色

光管燈招牌，挺搶眼！

望住嗰靚景進餐

邊行邊傾，發現到一間薄餅店，大家就決意吃頓early dinner，坐低休息下，邊食邊詳談。小店外形好似一個大貨櫃箱，全身鮮橙色，加埋光管燈招牌，挺搶眼！設有露天的座位，共有五張圓枱，地方闊落又空曠，仲可以望住嗰靚景，看看！很美的晚霞….

選擇都唔少

睇下幾豐富！

5看看下單處前方的餐牌，有薄餅、三文治、特色饀餅、沙律、小食和飲品。我們點薄餅、沙律和小食各一，再加兩支果汁，睇下幾豐富！

************

卡邦尼薄餅跟卡邦尼意粉的用料相若

先將生雞蛋拌勻

指定薄餅共有五款選擇，還有自選薄餅。卡邦尼意粉就食過，卡邦尼薄餅Carbonara Pizza ($58)就第一次見，一於揀它。用料有煙肉、洋蔥和芝士，中間還有隻生雞蛋，跟卡邦尼意粉的用料相若。友人先將生雞蛋拌勻，蛋液慢慢滲入餅底，好滋味咁！

邊位稍稍脆口

味道鹹香，仲有蛋香

薄餅厚度中等，邊位稍稍脆口，面頭舖滿煙肉粒、洋蔥和半溶芝士，味道鹹香，仲有蛋香，再加了不少苜蓿牙，吃起來帶一點清新。

************

牛油果·慢煮雞肉沙律好新鮮清爽 

沙律有四款選擇，揀了牛油果·慢煮雞肉沙律 Avocado, Slow Cook Chicken Salad ($68)，滿滿一盒，份量好足。雜沙律菜好新鮮清爽，還有幾粒清甜的雙色車厘茄，吃時淋少少芥末油醋汁，酸咪咪好醒胃，清新怡人。

配些芥末油醋汁更好味

啖啖肉，肉質幾嫩

慢煮雞肉啖啖肉，肉質都幾嫩，一啲都唔嚡口，配些醬汁更好味；牛油果就好香滑，但有些黑印，唔靚仔，好可惜…

************

香辣惹味，好好味！

睇落細細隻，但啖啖肉

好嫩滑

再來一客小食，㨂了水牛城炸雞鎚 Buffalo Chicken Drumstick ($58)。一打開蓋子就聞到陣陣香辣味，馬上刺激味蕾，不禁垂涎。一客共有五隻，雖然睇落細細隻，但啖啖肉，肉仲好嫩滑，雖然話係炸，但吃落唔熱氣，味道香辣惹味，好好味！

************

飲品選擇都唔少

飲品選擇都唔少

護膚天使有菠蘿、雪梨和青檸

酸酸甜甜，好醒胃

飲品的選擇都唔少，我倆口味一致，睇中冷壓果汁中的護膚天使 Skin Angel ($38)，女仔都係貪靚! 成品有菠蘿、雪梨和青檸，菠蘿味好突出，酸酸甜甜，好醒胃，仲好解辣，岩晒!

------------------------

對住一望無際的大海，吹吹海風，邊食邊傾，的確好舒服，雖然內心仍有解不開的事情，但在這個好環境下有好友和美食相伴，給了我一個輕鬆的星期一。

店名：La Pizza Express

地址：觀塘海濱道86號地下2號