常常露面, 保持見面

友人是蟹皇，對蟹情有獨鍾，所以早排請了我去食大閘蟹宴，我真有口福。我就無咁富貴，但都可以請返她食碗蟹麵，哈！ 

可愛的招牌LOGO

小店門面闊落，落地大玻璃門窗可清楚看到內裏環境。大大個燈光店名招牌正正鑲在正中，還有一個食緊麵的小孩logo，好可愛呀！

地方不算好大，但整齊企理

「做人呢 最緊要開心」，對！

按門而入，地方不算好大，但整齊企理，設有數張二至四人枱，還有一個佔地不少的半開放式廚房。牆上沒有太多裝飾，但有一句好吸晴的話語「做人呢 最緊要開心」，對！開心是一天，不開心也是一天，為何不選擇開心過好每一天呢？

限量供應

咁厲害！

湯

純手工拌麵

純手工湯麵

小食

手搖飲品

四款手工麵

店子主打純手工麵，仲註明「每一碗都是招牌」，咁厲害！？食過就知。看看餐簿，有湯、純手工拌麵、純手工湯麵、純手工皮薄餡多之選、小食和手搖飲品，還有一款限量供應。而手工麵就有四款，分別是蛋麵、Biang Biang 麵、擔擔麵和菠菜麵，每款都有簡介，好講究。**************

鎮店蟹皇拌麵分開上枱

舀一大羹蟹皇淋在麵上

將全碗蟹皇加入麵中

我就是看中本店的鎮店蟹皇拌麵 Hairy Crab Meat Sauce Noodle ($98)而來，好期待。金黃色的蟹皇跟擔擔麵分開上枱，由食客自行拌上，友人第一時間就舀一大羹蟹皇淋在麵上，最後還是忍不住將全碗蟹皇加入麵中，拌幾拌，每條麵條都緊緊掛上蟹皇，正！

真材實料

每條麵條都緊緊掛上蟹皇

手工製麵條口感果然不同

細看那碗蟹皇，除了見到絲絲蟹肉外，還有蟹膏，果然真材實料。而手工製麵條口感果然不同，咬下去Q嫩，其屬細麵，較易吸收湯汁，難怪每一口都滿載蟹肉的鮮香，啖啖教人回味。

****************

啖啖魚肉酸菜魚咁大碗，抵呀！

好多料

友人除了是蟹痴外，她跟我一樣是魚痴。大家都一致想點啖啖魚肉酸菜魚 Hot and Sour Fish配Biang Biang 麵套餐 ($68)。嘩！估唔到咁大碗，抵呀！除了有不少鯇魚片外，還有大量爽口的大豆芽和腍身的白蘿蔔，當然少不了爽脆的酸菜和泡椒。

辣中帶點酸，越喝越火辣

一啲骨都無，肉質挺嫩滑

Biang Biang 麵煙煙韌韌

先試呷一口酸菜湯， 沒有預期中那麼酸，只是微酸，反而辣度不弱，辣中帶點酸，越喝越火辣，亦越喝越滋味。每件連皮鯇魚肉啖啖肉，一啲骨都無，肉質挺嫩滑，且弄得很入味，正！薄身的Biang Biang 麵食落輕身，煙煙韌韌，挺有嚼勁。

****************

秘製香糟醉雞以清甜杞子作點綴

雞件挺嫩滑，又有雞油香

淡淡的酒香

再加一客秘製香糟醉雞 House Special Drunken Chicken ($58)，雞件半浸在酒中，面頭放了幾粒清甜杞子作點綴。連皮的雞件挺嫩滑，又有雞油香，烹調幾入味，淡淡的酒香，友人還忍不住把碟中所有的酒也通通喝光，吃得津津有味。

****************

熱菠蘿青檸蜜滋潤順喉

酸菜魚套餐包一杯熱菠蘿青檸蜜 Hot Lime Honey with Pineapple Tea（$0/跟餐），味道酸酸甜甜，啖啖菠蘿的香甜，滋潤順喉，友人大讚好飲。

滑溜溜香芋鮮奶略為淡

我就點了一杯凍滑溜溜香芋鮮奶 Taro Milk Tea ($28)走冰。啜一口，口感滑溜，甜度適中，奶味香濃突出，香芋味就…..略為淡，要加多啲香芋先得。

---------------------------------

朋友係要見，所以要主動約下朋友，或者朋友約自己就要應約，要常常露面，保持見面，食多幾碗麵，傾下食下就是簡單的快樂。

 

店名：露面手工拌麵料理

地址：灣仔莊士敦道55號地下A號舖