加力的星期一

雖然今個星期一要上堂，但也不會是Blue Monday，只要讓自己食餐好就可變Happy Monday 啦！已經一段時間沒有去過鰂魚涌，難得來到這區上堂，當然順便覓食。

馬來西亞麵店

環境光猛

地方唔算大

在射燈吸引下，走入橫街窄巷，發現一間麵店，係馬來西亞菜。門面貼滿報導和餐牌，睇落幾吸引，一於試試。內裏環境光猛，地方唔算大，設有幾張二至四人枱，泊牆有一排單人高座。牆上沒有花巧的裝飾，只貼了多張餐牌，簡約平實。

電腦化落單

方便易用

配合到食客唔同的要求

好清晰

一坐下，店員就給我一張QRcode，原來係電腦化落單，估唔到小店都咁先進，讚！唔止呀，下單的每個items 都設計得好清晰細緻，可配合到食客唔同的要求，方便易用。

單點餐牌

要檳城路邊攤一人套餐

看看兩份餐牌，一份是單點，另一是套餐，有小食、辣味蝦湯底、咖喱喇沙湯底、豬骨雞湯底、福建滷麵、飯類、冷熱飲品和另加配料。而套餐就包杯$15或以下飲品，亦可加錢配小食。

************************************

咖喱喇沙湯底海鮮麵配摻摻加了豆腐卜和蝦肉

喇沙湯底滿有咖喱香，滲出香辣

唔駛諗，我當然要檳城路邊攤一人套餐。揀了咖喱喇沙湯底海鮮麵配摻摻Curry Laksa Soup Base Seafood Noodles ($92)，想再豐富啲，追加了豆腐卜（+$8）和蝦肉（+$20），不過….我唔食魷魚，所以走魷魚。嘩！熱辣辣，香噴噴，放滿食材，滿滿一大碗，好吸引。喇沙湯底是全碗麵的靈魂，第一時間呷一口，稀稠度適中，湯身帶點紅油。滿有咖喱香，繼而慢慢滲出香辣味，但不至嗆喉，香濃美味，正！

大蝦鮮味彈牙

麵料相當豐富

開半的蝦肉相當入味

豆卜索晒湯汁

腐角好好味

麵料相當豐富，有隻鮮味彈牙的大蝦；肉質柔軟的蟹柳；大大隻的青口；索盡湯汁的腐角。還有追加的豆卜，同樣索晒湯汁，咬一口已爆出湯汁，很入味；而開半的蝦肉亦相當入味。

摻摻麵保持咬口，亦很入味

舀一羮湯放大啖吃，滋味！

麵底 選了「摻摻麵」，即是米粉和油麵，兩者都煮得剛好，保持咬口，亦很入味。油麵掛湯力較強，好入味；米粉掛湯力一般，就舀一羮湯放大啖吃，滋味！

************************************

沙嗲雞脾肉串沾滿了沙嗲醬汁，風味美味

烤得金黃

可以以優惠價追加小食，當然唔會錯過。沙嗲雞脾肉串 Satay Chicken Skewers(+$18/2串）烤得金黃，沾滿了沙嗲醬汁，更有風味，更加美味。

雞脾肉嫩且不乾身

選用雞脾肉，肉質更嫩且不乾身，富有肉汁，配上混入花生粒的沙嗲醬，味道甜甜地，微微香辣，味道美味，沙嗲跟串燒的確是最佳拍檔，風味十足。

************************************

馬拉盞通菜少油少鹽，清新健康

拌勻後，味道鹹香

原來還可再追加一款小食，當然再來，點了是日油菜 Daily Vegetables (+$18)，係馬拉盞通菜。通菜翠綠鮮嫩，少油少鹽，清新健康，吃時必定要跟馬來盞拌勻，否則一些鹹過頭，一些就好清淡…..拌勻後，味道鹹香，簡單而美味。

************************************

熱檸檬薏米水甜度剛好

薏米的份量亦十足

飲品當然要揀熱檸檬薏米水 Hot Lemon Barley Juice (+$10) 有美白功效，仲註明微甜，岩晒我，哈! 帶有檸檬的清新和薏米香，甜度剛好，薏米的份量亦十足，煲至軟身，但亦存咬口，當然要飲晒食晒啦!

--------------------------

唔止吃得飽，仲吃得好，咁先至係加力的星期一。對！即使要上堂，也要踢走Blue Monday，讓自己每個 Monday 都是Happy Monday 。