傳統之美，一齊很美

參加《傳統之美月餅工作坊2017》

還記得2015年去奇華大埔餅廠參加了《一起快樂月餅工作坊》, 又有得學又有得玩, 仲有得食, 真係好開心, 令我非常難忘.... 事隔兩年, 今年竟有幸再次參加, 但今次就來到灣仔分店, 而主題為《傳統之美月餅工作坊2017》, 雖已有之前的經驗, 但心情同樣好緊張和興奮, 哈!

2017年一系列月餅產品

嘩嘩嘩！大晒冷！ 先看看2017年一系列月餅產品。 除保留傳統月餅系列之外，奇華餅家每年也會創出新產品，月餅禮盒的系列越來越多，每款設計都富心思，絕對是送禮和自家吃的好選擇。 

大師傅出馬

接著就要認識兩位非常有經驗的造餅師傅, 一陣便由他們親自教授。

準備好材料

由搓皮至包饀，只是兩三下手勢就完成, 厲害!

應該係大大師傅就真！

第一部份: 奇華月餅工作坊2017- 傳統雙黃蓮蓉月。準備好材料, 大師傅便親自示範傳統的雙黃蓮蓉月，由搓皮至包饀，只是兩三下手勢就整出一個完整無缺，非常靚的月餅，還用上心形模，餅面印上「奇華小師傅」，應該係大大師傅就真！

輪到我披上 "戰衣"

都好靚仔，但....其有師傅幫手先做到，哈！

是時候披上 "戰衣" , 輪到我親自製作, 焗咗出來都好靚仔，但....其有師傅幫手先做到，哈！一出爐，真係熱辣辣，香噴噴，好想馬上咬一口。

第二位師傅示範三種口味的奶皇月

第二部份: 奇華月餅工作坊2017- 三式奶皇。輪到第二位師傅出場，他負責示範三種口味的奶皇月，分別是蛋黃、芝士和朱古力。同樣三兩下功夫就整出非常靚仔的迷你奶皇月，更期待出爐的一刻..... 

靠自己整嗰啲就....有少少瑕疵，都收貨啦！

趁出爐馬上品嚐師傅的製成品

朱古力是軟心狀, 美味得很, 真係手忍不住口。

又到我落手，今次只是包饀，唔駛搓皮，但都唔係容易，一邊包一邊裂開，好彩有大師傅救亡，最後都成功，但靠自己整嗰啲就....有少少瑕疵，都收貨啦！真係勁香，就趁出爐馬上品嚐, 但係先品嚐師傅的製成品, 哈! 嘩！美味得很，真係忍住口。

多款自家品牌的小吃和現烤的酥餅，既豐富又美味

第三部分:  品嚐豐富美味的奇華產品。除了有即焗即食的奶皇月外，奇華還準備了多款自家品牌的小吃和現烤的酥餅給大家品嚐，真體貼！小吃有很多款式，酥條、馬仔、南瓜酥、鳥結糖、南棗合桃糖、熊貓曲奇等等，已很豐富，仲唔止呀！還有現烤酥餅，款式多多，包括蛋撻、雞批 、蝴蝶酥、老婆餅、雞批和芝麻酥餅，件件烤得金黃鬆香，既豐富又美味，配埋茗茶，正！

親手慢慢製作，感覺零舍不同

第四部分:   我的製成品。兩大盒傑作，有新派的三款口味奶皇月和傳統口味雙黃蓮蓉月。親手慢慢製作，整眼睇住出爐，感覺零舍不同。新派和傳統都同樣美, 一齊很美! 好幸福！

華的廣告牌令地鐵站變得很美

感謝奇華餅家再次給我一個難忘的月餅工作坊, 讓我過了一個又愉快又充實的上午。回家路途中, 還看到奇華的廣告牌, 它令銅鑼灣的港鐵站變得很美, 而我手上亦拿很美的奇華月餅, 全日心情都變得美好, 一切很美.....

店名：奇華餅家
地址：灣仔皇后大道東188號地舖