開幕啦！

銅鑼灣翡翠明珠商場Festiva經過大裝修後終於開幕，除了可睇戲外，仲雲集不少美食， 大家又好個好去處！先講下環境, 以木和草的設計原素，多處盆栽作點綴，配合柔和的燈光，既簡約又時尚，給大家一個休閒舒適的聚腳點。

經過大裝修後終於開幕啦！

仲雲集不少美食

集合六間餐廳

輪到講美食, Festiva是由大家樂集團六間餐廳集合而成，分別有大家樂、米線陣、上海姥姥、丼丼亭、Zakka Cafe和意粉屋。不同菜式，各具特式，大家必定大飽口福。

 

先揀了上海姥姥

秋日限定的大閘蟹怎能錯過

第一次來到, 有咁多選擇, 要巡視了幾個圈先得。最後我和友人都被上海姥姥剛推出的一系列大閘蟹菜列吸引了, 的確又是大閘蟹橫行無忌的時候，要一嚐它的美味就要把握時機，不能錯過這個秋日限定呀！

***************************

八款蟹粉菜式

揀了當中兩款

特上蟹粉小籠包賣相很吸引

看看餐牌, 共有八款蟹粉菜式, 我倆揀了當中兩款。先來一籠特上蟹粉小籠包 Steamed Pork Dumplings with Hairy Crab Roe ($78)。熱辣辣上枱，每個都脹卜卜，一摺又一摺，頂頭放些金黃的蟹粉，賣相很吸引！

相當墜手

每個都脹卜卜

爆出黃油和鮮香的肉汁

薄薄的外皮包着滿滿的饀料, 落足料

一挾起，薄薄的外皮包着滿滿的饀料，相當墜手；咬一口，馬上爆出黃油和鮮香的肉汁，很誘人！半肥瘦的肉饀腍嫩鮮香，富有肉汁，除滿有肉香外，還有蟹粉的鹹香鮮味，的確落足料，真係每滴包汁都不能放過，相信會迷倒不少蟹粉迷。

***************************

蟹粉扒素鵝見到都覺得好滿足

啖啖蟹粉為素鵝添上鹹香鮮味

另一款是蟹粉扒素鵝 Assorted Mushrooms wrapped Crispy Bean Curd Sheet with Hairy Crab Roe ($108), 兩排素鵝中間放了大量蟹粉, 見到都覺得好滿足呀!  素鵝外層金黃香脆，食落一點也不油膩，中間捲着爽口的雜菌，本身已經很美味，再放埋大量的蟹粉，不單止更顯矝貴，啖啖蟹粉更為其添上鹹香鮮味，令人忍不住口，一件接一件，正！

-----------------------------------

銅鑼灣又多一個好去處

終於等到它開幕啦！將娛樂和多款美食集於一身, 銅鑼灣又多一個好去處, 要快快再約其他朋友仔來餐聚兼睇戲。

名字：Festiva

地址：銅鑼灣百德新街22-36號翡翠明珠廣場1樓