食得好 扮得靚

對我而言, 「食得好」係佔80%, 而「扮得靚」就只僅佔20%, 我願意將大部份時間、金錢和精力都放在食之上, 而不費神於扮靚當中, 故常常被各好友提醒需要執下, 但我卻取耳邊風, 所以今時今日仍是孤身隻影……好友看不過眼, 便先用美食誘惑我, 再乘機捉我去改變形象, 相約我去一間又有得食又可扮靚的咖啡室。

“CafeSalon”即是將Café和Salon集於一身

客人可邊歎咖啡邊等候扮靚

沿樓梯走往上層

便是Salon

咖啡室門口掛上一個 “CafeSalon”大招牌, 即是將Café和Salon集於一身, 提供一站式服務, 下層是Café, 沿樓梯走往上層便是Salon, 客人可邊歎咖啡邊等候扮靚, 真爽!

可愛的小水泡很吸引

一邊是沖調飲品區

設有六七張小圓枱

三張二至四人方枱

而我就對食較專注, 所以第一時間在下層Café內找個靚位, 睇下揀乜食, 都話 “食”佔80%, 哈! 先被近門口的長木枱所放的可愛小水泡吸引着, 充滿夏日色彩。走進內裏, 座位不多, 一邊是沖調飲品區, 另一邊是用餐位置, 設有六七張小圓枱和三張二至四人方枱, 而我便都喜歡坐近開放式的門口位置, 感覺較開揚自在。

menu設計簡單而清晰

Chef’s Special、Slow-Cook Special

Sandwiches、All Day Meal

Salad、Desserts

Drinks list

飲品比食品的選擇較多

Tea Set

看看menu, 大部分菜式和飲品均附有小相片, 設計簡單而清晰。主要分七大類, 有Chef’s Special、Slow-Cook Special、Sandwiches、All Day Meal、Salad、Desserts、Drinks和Tea Set, 飲品比食品的選擇較多。

*************************************

無菜不歡的我, 揀了Vegetarian Sandwiches 

Vegetarian Sandwiches  也很豐富

無菜不歡的我, 揀了一份以蕃茄Tomato、青瓜Cucumbers、菇菌Mushroom和芝士Mozzarella 所製作的Vegetarian Sandwiches ($73), 還配上蕃茄雜菜沙律, 也很豐富。

拉起半溶的芝士絲, 很誘人! 

配搭雖簡單,   但卻簡單而美味

多穀包口感豐富,   亦烤得香脆

先把其揭開看看, 拉起半溶的芝士絲, 很誘人! 還是趁熱快快品嚐, 清新的蕃茄和青瓜、爽口的菇菌片 配上鹹香的半溶芝士, 配搭雖簡單, 但卻簡單而美味。麵包並非採用普通的麥方包, 而是多穀包, 混入粒粒穀麥, 口感豐富, 最吸引是面層和周邊都烤得香脆, 帶此焦色, 而包身則保持軟熟, 吃落還有一份牛油香, 但並不油膩, 讚!

蕃茄雜菜沙律新鮮清爽

蕃茄雜菜沙律份量不少, 新鮮清爽, 而拌入醋汁的份量合宜, 酸咪咪的味道令人吃得開胃, 又不失沙律菜的清新, 滿意!  

*************************************

可改配煙三文魚

Egg Benedicts原來配香脆的多士也很夾

友人就選了一客Egg Benedicts ($98)並改配煙三文魚(+$10), 還要求少荷蘭汁, 話怕太漏滯, 但…..荷蘭汁是Egg Benedicts的精髓喎! 同樣配有一大堆清新的蕃茄雜菜沙律, 有助中和Egg Benedicts的漏滯感, 相當合適。Egg Benedicts並非配傳統所用的鬆餅, 而是選用多穀麥多士, 但原來配香脆的多士也很夾。

鮮橙色的蛋黃液馬上湧出

蛋黃液滲入煙三文魚和多士中, 充滿蛋香

蛋白亦保持滑嘟嘟

煙三文魚貨識不俗

輕輕把脹卜卜的水煮蛋切開, 鮮橙色的蛋黃液馬上湧出, 並滲入煙三文魚和多士中, 充滿蛋香, 更添美味! 兩隻水煮蛋同樣煮得剛剛好, 不單止滿載鮮香的蛋黃液, 連蛋白亦保持滑嘟嘟, 正! 煙三文魚份量適中, 色澤亮麗, 肉質柔軟, 煙燻鹹香的味道不會太濃, 貨識不俗, 跟多士和蛋同吃, 還拌上鮮香的荷蘭汁, 配搭美味。

-----------------------------------------------------------

其實 “食得好 扮得靚” 兩者同樣重要, 在下層品嚐完美食, 食得好便走上上層整剪個靚髮, 扮得靚才踏出門口, 真方便, 的確是一個不錯的地方。

店名: Zenon Café

地址: 中環威靈頓街86號地舖