勁有食力!?

友人話自己食量好勁, 但睇佢身型就唔多似, 加上幾次跟她吃飯也是“就住就住”, 難道要省住荷包? 既然如此, 今晚一於去食放題, 劃一價錢, 任點任食, 唔駛擔心荷包出血, 又睇下她幾有食力!!

去中環吃放題

講到放題, 好自然會想起旺角, 但友人在中環上班, 又頻頻加班, 再出去旺角可能要捱最貴時段, 仲可能由兩小時放題變成半小時, 哈! 一於找找中上環一帶有沒有放題, 幸好找到它。一出升降機門便見到一大牌刻上名字的木招牌, 今晚就是揀了「大吉居酒屋」吃放題。

設計約簡平實

地方亦不算很大, 設多張四人卡座

枱與枱之間的空間較少

裝潢並不花巧, 選用幾盞優雅的吊燈, 設計約簡平實。地方亦不算很大, 但設有不少座位, 靠牆位置是多張四人卡座, 另一邊則有一排長沙發座的四人枱, 而中間有多張六人枱, 而枱與枱之間的空間較少, 大家都要坐得親密一點, 但勝座卡位挺寬闊。

最優惠的早段時間, 還有2小時15分鐘任食

晚巿放題分三個時段, 分別6:00-8:15pm、7:00pm-9:00pm和8:30pm-11:00, 不同時段收貴不同, 星期一至四就最優惠, 成人早段收費 ($238+10%), 中段成人收費為 ($258+10%), 以後段成人收費為 ($238+10%), 而五六日、公眾假期及前夕收費就貴少少。我倆都是精打細算, 知省識儉的人, 呵呵! 當然選最優惠的早段時間($238+10%), 還要有足足2小時15分鐘任食。

最傳統的下單方法

點菜紙而分門別類擺放在枱上, 客人填好遞交便可, 最傳統的方法。由A-K, 部分還分1和2, 足足十五張點單紙, 分別有刺身、壽司、火炙壽司、卷物軍艦、手卷、沙律、珍味、燒物、和食、天婦羅、炸物、主食、熱飲, 還有甜品和凍飲自助區, 雖定價親民, 但選擇也不少。

***********************************

自助飲品的選擇也不少

很久沒有飲過的薑啤和從未見過的雪碧SUPER LIME

先揀飲品作好準備, 自助飲品的選擇也不少, 有韓式飲品、汽水、果汁、清涼茶、維他奶、益力多等等, 友人話有好幾款都未見過, 她就揀了很久沒有飲過的薑啤和從未見過的雪碧SUPER LIME, 全部都好夠冰凍, 好爽!

好彩有熱飲供應

西檸蜂蜜暖暖地,    酸酸甜甜

我就對凍飲一般, 好彩有熱飲供應, 揀了一杯西檸蜂蜜, 暖暖地, 酸酸甜甜, 好開胃!

***********************************

刺身選擇

有希靈魚、極大赤蝦、帶子和日本空運油甘魚

極大赤蝦富黏性兼帶些爽口

油甘魚非常鮮味

我倆都是刺身迷, 第一輪先點四款, 每款兩件, 分別有希靈魚、極大赤蝦、帶子和日本空運油甘魚。當中最喜歡是極大赤蝦, 差不多一隻手掌長, 好有份量, 肉質富黏性兼帶些爽口, 味道鮮甜, 而蝦頭亦藏了不少甘香的蝦膏; 還有亮澤的油甘魚亦也很吸引, 肉質柔潤中帶稍稍爽口, 非常鮮味, 日本空運果然不同。

***********************************

壽司和火炙壽司款式實在太吸引

清新薑果醬油甘魚壽司、拖羅壽司、海膽帶子創作壽司

雙重火炙芝士特大帝王蟹棒壽司、火炙三文魚壽司和火炙左口魚壽司

一向都認為飯類是飽肚之物，每次吃放題都只會點少許試試, 但餐店的壽司和火炙壽司款式實在太吸引, 故今次例外, 還要點完一次又再一次。共有十二款選擇, 一口氣選了清新薑果醬油甘魚壽司、拖羅壽司、海膽帶子創作壽司、雙重火炙芝士特大帝王蟹棒壽司、火炙三文魚壽司和火炙左口魚壽司, 款款都很值得吃。

以上全部都值得encore再encore

特別是鮮粉紅的拖羅壽司, 油潤分佈平均, 肉質柔軟, 甘香油潤, 質素不俗; 海膽帶子創作壽司一件一口, 鮮甜的帶子伴上油潤豐膄的海膽, 再加埋鹹鮮的黑魚籽, 配搭一流! 雙重火炙芝士特大帝王蟹棒壽司亦是推介之一, 很有份量, 鮮味爽嫩的蟹棒塗上酸咪咪的沙律醬和配上鹹香的半溶芝士, 舖滿卜卜脆的蟹籽, 口感豐富之餘, 味道亦吸引; 還有火炙三文魚壽司, 肥美的三文魚再經火炙, 迫出魚油, 更加鮮香, 還帶些焦香, 而肉質亦保持柔軟鮮嫩, 正! 以上全部都值得encore再encore, 但就會較快飽肚, 哈!

***********************************

沙律項目

帕爾瑪火腿沙律和蘆薈鮮柚沙律清新開胃, 絕對是encore之選

再選了兩款沙律清新一下, 友人最愛吃帕爾瑪火腿沙律, 估不到師傅還將火腿捲成花般形狀, 真有心思! 火腿色澤紅潤, 每片都夾雜油潤的脂肪, 肉質嫩, 味道鹹香, 友人認為連放題都有此質素, 真的不錯! 而我就很喜歡拌了芥末的沙律菜, 清爽中帶些辛辣, 配搭美味。另外我還點了一客蘆薈鮮柚沙律, 清爽的雜沙律菜上舖滿大量清甜的蘆薈粒和爆汁的鮮柚肉, 拌了酸咪咪的醋汁, 清新開胃, 絕對是encore之選。

***********************************

珍味項目中只選了一款

枝豆簡單而美味

在珍味項目中只選了枝豆, 點了之後才知友人不喜歡枝豆……原本很擔心會浪費, 但翠綠的枝豆有口咬之餘, 亦富獨有的豆香, 不需作任何添加已很討我喜歡, 簡單而美味, 結果由我一人獨食, 還通通吃光。

***********************************

燒物竟有十二款,   選擇都幾多

比目魚西京燒又香口又肥美油潤

燒物竟有十二款, 選擇都幾多, 魚痴當然第一時間揀了比目魚西京燒。雖然不是鱈魚西京燒, 但質素也絕不遜色。魚皮燒得香脆, 潔白的魚肉又滑又嫩, 而且選用腩部位置, 故相當肥美油潤, 味道甜甜地, 又有魚香, 正! 再來一客吧!

芝士黃金焗蠔、鹽燒牛舌和燒有機菠蘿也不錯

還有芝士黃金焗蠔, 加了沙律醬、雜菜和鹹香的芝士, 燒至金黃半溶, 味道不錯, 可惜蠔肉略為細小; 鹽燒牛舌一串兩件, 每件大小厚薄中等, 算不上厚身, 但挺爽口, 燒至帶些焦香, 加入鹽和黑胡椒調味, 鹹香中帶些香辣, 味道不錯。最後是厚切的燒有機菠蘿, 色澤鮮黃帶些焦色, 入口微暖, 極之香甜多汁, 相當新鮮美味, 必食之選!

***********************************

多款和食都很有特色

 露荀惹味燴鮑魚、馬拉盞炒椰菜和御品鮑汁燴花膠都令人吃得好滿足

多款和食都很有特色, 款款都很吸引, 但當然不能全部點齊, 最終選了五款。馬拉盞炒椰菜以煲仔盛載上枱, 很有風味, 椰菜炒得爽嫩, 加入鹹香的蝦乾, 味道鹹香惹味。露荀惹味燴鮑魚也不錯, 雖然鮑魚啲啲骰骰, 但很鮮爽嫩口, 一點也不硬, 還有幼嫩的露荀、爽口的秀真菇和清甜的紅蘿蔔絲, 味道辣辣地, 的確很惹味。御品鮑汁燴花膠以燉盅盛載上枱, 賣相很矜貴, 而用料亦並不欺場, 除了有一隻雞腳外, 還有爽口的大花菇和不少滑嘟嘟的花膠, 富有膠質, 令人吃得好滿足。

牛油煎珍寶帶子和意式白酒檸檬煮花甲味道不錯

牛油煎珍寶帶子雖不算很大隻, 但很厚身, 爽口而滿有牛油香; 一煲意式白酒檸檬煮花甲份量不少, 花甲雖不大隻, 但很鮮嫩, 而且無沙, 讚! 以酸咪咪檸檬和香甜的白酒炮製, 味道不錯。

 ***********************************

自助甜品選擇不算多

自助甜品選擇不算多, 數數看, 有木糠布丁、北海道3.6牛乳布甸、焦糖燉蛋、楊枝甘露、泡芙、乳酪、豆腐花和Tiramisu, 還有雪糕櫃有數款冰條、雪糕和脆皮雪條。

楊枝甘露、乳酪、冰條、脆皮香芋雪條

其實我此已有八成飽, 故只吃了酸咪咪的乳酪, 諗住可開胃, 哈! 另外再來一支好耐沒有吃過的脆皮香芋雪條, 香甜的朱古力脆皮加埋香甜的香芋雪糕, 好味!   而友人就很厲害, 除了吃了杯楊枝甘露外, 亦吃了小時候才見過的彩色冰條。不止呀! 還不夠喉, 再來一支菠蘿配青檸的孖條, 仲吃得津津有味, 竟想再來第三條, 但吃冰條真係好需要時間, 到8:15pm, 要停口啦!

--------------------------------------------

雖然友人的食量比我多很多, 但看友人今日的表現就……勁有食力!? 好似不是喎! 不過, 人大了, 消化能力較差, 的確食力會漸漸弱了。不單止呀! 其實心態也隨年紀改變了, 以前覺得食放題必定要食到回本, 食到100%飽, 但現在就覺得食物美味, 吃得滿足才是最緊要, 而我倆今晚吃得都好滿意, 那便足夠, 何必撐大肚皮令自己辛苦呢? 不需勁有食力, 只需美味。

 店名: 大吉居酒屋

地址: 中環威靈頓街52-54號Somptueux Central 2樓