齊齊大變身

香港車費都唔平架，過海最少都十幾廿蚊，過埋新界仲唔止，所以即使週末或假日，我無乜必要都離不開港島沿線，堅尼地城站至柴灣站就是我出沒的範圍，的確是個悶蛋！不過今個國慶假日就有點不同，皆因港鐵推出特別車費日，成人可享用小童票價優惠，咁優惠，當然要走出港島啦！

這間白色小屋咁閃亮

閃爍的鑽石招牌

歐陸式的吊燈

裝潢高貴典雅

心血來潮，很想去旺角逛逛，睇下有咩潮人潮物，update一下，順便做好耐沒有做過的事，就是.....掃街，邊行邊掃，看看自己今日掃到幾多！睇下這間，又睇下那間，咦！？這間白色小屋咁閃亮，雲石牆身、閃爍的鑽石招牌、歐陸式的吊燈等等，裝潢高貴典雅，在旺角街頭中別樹一幟，究竟食乜？

主打三款食品

站着這位置,陣陣雞蛋仔的香氣湧入鼻子

原來主打三款食品，包括雪糕、雞蛋仔和特飲。站着看餐牌時，陣陣雞蛋仔的香氣湧入鼻子，不禁垂涎，忍不住了！

******************************

雞蛋仔有13款口味

肉鬆雞蛋仔新鮮熱辣

雞蛋仔有13款口味，當中有兩款鹹味，肉鬆和餐肉中選了前者。雞蛋仔即叫即製，等了一會，新鮮熱辣的肉鬆雞蛋仔Pork Floss Egg Waffle ($22)就送到我手上，很溫暖呀!

全底烤至金黃，色澤平均

每粒表面也有些肉鬆

但內裏肉鬆量不多

外脆內軟，還帶些回彈的口感

雞蛋仔每粒都圓碌碌，脹卜卜，全底烤至金黃，色澤平均，都幾靚仔！雖清楚見到每粒表面也有些肉鬆，但可惜咬下去肉鬆量不多，未能明確嚐到肉鬆的鹹香味，但勝在蛋香十足，吃落較似原味雞蛋仔，加上做到外脆內軟，還帶些回彈的口感，也不錯！

******************************

有14款口味，各加入幾款配料

它可稱為三重脆

Salt Rock 集合了三款脆口配料

在炎熱的天氣下來一杯雪糕就最適合不過，雪糕都有三款選擇，分別是3.6香濃牛奶雪糕、乳酪牛奶和意大利頂級乳酪。除雪糕款外，還有14款口味，各加入幾款配料，令簡簡單單的雪糕更加豐富，賣相更吸引。當中有好幾款都很吸引，揀邊款好呢？最終點了一杯可稱為三重脆的Salt Rock ($45)，因為它集合了三款脆口配料。

頂有岩鹽焦糖脆粒和脆皮朱古力

中間加了自家製脆脆

又滑又脆，雙重口感

乳酪頂有岩鹽焦糖脆粒和脆皮朱古力，而中間就加了自家製脆脆，仲不是三重脆！？幼滑的意大利頂級乳酪伴着脆口配料，又滑又脆，雙重口感。而酸咪咪的乳酪配甜美的朱古力和微鹹的焦糖粒，吃落並不覺甜膩，反而越吃越開胃，配得很夾。

朱古力漿遇冷後變成脆皮，更好味！

而最喜歡是所淋上的朱古力漿遇冷後變成脆皮，更好味！在炎熱的街頭拿着一杯又冰涼又醒胃的乳酪杯，爽呀！

--------------------------

以前吃雞蛋仔只有原味；吃雪糕就只有單一口味，為追得上潮流，吸引要求高的香港人，就要齊齊大變身！雞蛋仔要加入不同的饀料同烤，有甜又有鹹；雪糕就要有很多toppings 任大家選擇，不斷變身、不斷創新先可突圍而出。其實人也是一樣，不斷求變才可突圍成功！

店名：Grandy Mary

地址：旺角彌敦道688號旺角中心地下G25B1號舖