 |
| 非常醒神的店名招牌 |
 |
| 門口好闊落 |
 |
| 環境光猛，地方寬敞 |
 |
| 座位都幾寬闊 |
 |
| 出入通道夠闊，方便取食物 |
 |
| 食物自助區放得夠集中 |
一出升降機門就見到非常醒神的店名招牌，門口仲好闊落。內裏環境光猛，地方寬敞，分兩邊大用餐區，設有一排排長椅和一行行卡座，還間了獨立區，最岩大夥兒餐聚。而中間就是食物自助區，放得夠集中。座位都幾寬闊，而出入通道又夠闊，方便取食物，環境不錯！
 |
| 火鍋放題任飲任食6小時 |
見到自助區咁多野食，唔好以為只是自助餐咁簡單，另一重點是火鍋放題。星期一至四成人$278+10%，星期五六日$298+10%，而小童就一至日都半價，重點係任飲任食6小時，係6小時，真係6小時（重要說話講三次），真係可慢慢食慢慢傾。
******************************
 |
| 14款火鍋湯底 |
 |
| 胡椒豬肚湯用料十足，味道偏鹹 |
一坐下便馬上揀選火鍋湯底，共有14款，當中3款需另外加費。原本打算點溫野菜蕃茄鍋，諗住清清地，但拍檔看中胡椒豬肚湯Peppered
Pork Stomach Soup。先嚐一碗湯，用料十足，有不少腍嫩的豬肚、爽鹹的酸菜、有些紅椒等，帶胡椒香，味道偏鹹，再沸騰一段時間，仲越來越濃味，故雖是添回原有湯底，但我倆還是選擇加清水吧！
 |
| 醬料區好多選擇 |
***********************************
 |
| 巨大的凍櫃 |
 |
| 斟飲品機 |
 |
| 熱飲處 |
先揀飲品作好準備，飲品自助區都分三處，除了有個巨大的凍櫃放滿汽水、果汁、清涼茶、紙包飲品等等外；另一處還有斟飲品機，包括凍提子汁、蘋果汁、果汁、菊花蜜、青檸薄荷水等；仲有熱飲處，包括咖啡、花茶、玄米茶、山楂等，極豐富。
 |
| 都是茶，解渴解膩 |
我要罐烏龍茶，而拍檔就要罐桃茶，大家都是茶，解渴解膩，用來配火鍋就岩。
***********************************
 |
| 海鮮盛合的確豐盛，好滿足 |
 |
| 七款都好新鮮，味道鮮美 |
火鍋所配的五款食品陸逐出場，先來一大盤旬之海鮮盛合，有脆肉鯇、大蝦、蜆、鮑魚、蟶子、蕃薯蜆和貝，的確豐盛，好滿足！七款都好新鮮，味道鮮美，特別喜歡爽脆的脆肉鯇、鮮甜爽彈的大蝦、肉嫩的鮑魚、爽甜的蟶子和肥美的蕃薯蜆，全部質素不俗。
 |
| 五品刺身盛色澤亮麗 |
 |
| 好新鮮，推介！ |
 |
| 韓國珍寶餃子和爆醬手打薑汁貢丸 |
 |
| 皮薄饀靚 |
 |
| 內竟是薑蓉，好特別 |
原本有極上安格斯牛小排，但由於我倆都不太吃牛肉，避免浪費，故不要了！再來是韓國珍寶餃子和爆醬手打薑汁貢丸。餃子果然有份量，包着鮮肉菇粒，皮薄饀靚；貢丸彈牙，內竟是薑蓉，薑味突出，好特別。
***********************************
 |
| 仲有很多無限添食 |
 |
| 自助區有極多款火鍋配料 |
 |
| 色彩繽紛，選擇豐富 |
其實仲有很多無限添食的肉類、海鮮和丸類，但還是先去自助區看看。嘩！真是令人眼花撩亂有亞洲風味、沙律、日本風味、中式佳餚、甜品等等....中間還有極多款火鍋配料，如不同款式的蔬菜、丸類、麵款、餐肉、台灣腸、炸魚皮、響呤、雲耳、芋頭、生根、野菌、薯仔等，色彩繽紛，選擇豐富。
 |
| 蔬菜火鍋配料 |
 |
| 蔬菜火鍋配料 |
 |
| 蔬菜類都好新鮮清爽 |
 |
| 火鍋配料 |
 |
| 兩粒可愛的魚丸，連饀料都特別 |
取了三大碟火鍋配料，包括有芋頭、南瓜、芋絲、腸、丸、油麥油、菜心、生菜、粟米、鮮淮山、蟲草花、蓮藕等等，全部蔬菜類都好新鮮清爽，特別一提兩粒可愛的魚丸，印有熊貓是芋蓉饀，而印有腳掌是菇茸饀，不止外表有趣，連饀料都特別。
***********************************
 |
| 火鍋配料外，還有大量美食 |
 |
| 大量美食 |
 |
| 不時refill |
 |
| 還要常常換上新菜式，十分驚喜 |
除火鍋配料外，還有刺身、壽司、川味豬手、麻辣青瓜、藍青口；蝦多士、薯餅、雞翼、春卷、煙火腿、中湯、籠仔點心；紅酒燴牛肉、茄子班腩、咕嚕肉、醬油鴨、炒飯、清蒸海上鮮、霸王雞、和風串燒等等，最值得一讚是不止refill
咁簡單，還要常常換上新菜式，以蒸海上鮮為例，出過豉汁蒸烏頭，繼而換上清蒸桂花魚，再換上蒸多寶魚，最後還上梅菜蒸鯇魚，真係有心思，十分驚喜！
 |
| 涼拌菜入味，沙律新鮮 |
 |
| 絕對是encore 之選 |
第一碟要了涼拌及沙律，涼拌菜入味，沙律新鮮；第二碟取了蒸桂花魚、麵醬炆魚雲、炒豆芽和霸王雞，兩款魚都嫩滑肥美，很鮮味，絕對是encore
之選，但就發現又換了另一菜式了。
 |
| 點心細細籠，一籠一件 |
 |
| 紫薯包鬆軟香甜 |
 |
| 馬拉糕鬆軟香甜 |
***********************************
 |
| 甜品選擇一樣咁豐富 |
 |
| 冰條、水果和即拉兩款乳酪雪糕 |
 |
| 蜜瓜乳酪雪糕好香甜幼滑，仲好有蜜瓜味 |
 |
| 抹茶雪糕甘味幼滑，抹茶控必吃！ |
此刻已九成飽，但也不能差過甜品，選擇一樣咁豐富，有切餅、布甸、蛋糕、撻、豆腐花、雪糕、冰條、水果和即拉兩款乳酪雪糕，包括蜜瓜乳酪和蜜糖牛奶。大部分都好吸引，但無奈肚子沒有咁多空間，其實任食6小時已經可比平時吃多，但兩人還是只揀了士多啤梨雪糕條、抹茶雪糕杯和蜜瓜乳酪雪糕。蜜瓜乳酪雪糕好香甜幼滑，仲好有蜜瓜味，不錯！但最讚還是抹茶雪糕，雖未見過此品牌，但啖啖抹茶甘味，又幼滑，抹茶控必吃！
-------------------------------
對着極之豐富的美食，加埋講不盡的話題，傾下食下，一向不愛夜歸的我也不想離開，雖沒有坐達6小時之久，但也差不多4小時，盡情享受一整晚。
店名：千賀水產の鮮鍋道場
地址：觀塘開源道68號觀塘廣場15樓B
沒有留言:
張貼留言