放假是入屯門探兩老和吃住家飯的指定動作，但今晚唔同，竟然沒有三餸一湯的住家飯，皆因老媽突然有約....其實廿四孝老爸已出了元朗準備買餸下廚，但無謂讓他辛苦啦！他咁有心，我就獎他吃餐好。
 |
| 巨蟹霸氣十足，亦帶點淘氣 |
 |
| 原來是蒸海鮮 |
 |
| 掛上蟹畫 |
 |
| 掛上蟹相片 |
逛下逛下，被一隻鮮紅的巨蟹吸引了，原來是久違的蒸海鮮，真的已有一段時間沒有吃....門口的巨蟹霸氣十足，亦帶點淘氣，難怪取名「蟹仙」，看來蟹是這店的主打。內裏裝滿平實，掛上幾幅蟹畫和相片，骨子企理。
 |
| 長方形格局，座位不多 |
 |
| 最入端有張六人馬蹄形枱 |
長方形格局，一邊設有幾張四人枱，另一邊是一排長沙發椅配二至四人枱，最入端就有張六人馬蹄形枱，座位不多。
 |
| 籐帽鍋蓋和計時器是蒸海鮮必備 |
已經很久不見了....什麼？同樣採用這頂籐帽鍋蓋，當然還有好拍檔計時器。店員會為客人放入食材和預設蒸製時間，當時間一到便會馬上前來取出已蒸好的食品。
 |
| 單點食材 |
 |
| 【海鮮蒸氣石碢九款】和【海鮮蒸氣石碢十款】 |
 |
| 【海鮮蒸氣石碢十三款】和【重量級海鮮蒸氣石碢十三款】 |
除了有單點食材外, 還有四款蒸海鮮套餐，分別是【海鮮蒸氣石碢九款】($298/位)、 【海鮮蒸氣石碢十款】($398/位)、【海鮮蒸氣石碢十三款】($498/位) 和【重量級海鮮蒸氣石碢十三款】($688/位)。最後揀了【海鮮蒸氣石碢九款】($298/位)，除九款海鮮外，還有一籃有機蔬菜和粥底，其實份量都不少呀!
************************************
 |
| 準備醬料，款式不算多 |
 |
| 樣樣取齊 |
在等候各食物上枱時，先準備醬料，樣樣取齊，有醬油、蔥花、生蒜茸和指天椒，款式不算多，但其實未必用得著它，因為我還是喜歡原汁原味。
************************************
 |
| 海鮮蒸氣石碢九款究竟有邊九款呢？ |
 |
| 先上枱有蟹和龍蝦 |
 |
| 罕有大黃奄蟹需要蒸9分鐘 |
 |
| 啖啖肉，味道極鮮甜爽嫩 |
 |
| 肉質鮮甜 |
 |
| 蟹膏甘香鮮味，一流！ |
海鮮蒸氣石碢九款（$298/位）究竟有邊九款呢？先上枱有蟹和龍蝦。罕有大黃奄蟹體積中等，需要蒸9分鐘。奄蟹的特點不是多膏，而是肉質鮮甜。唔好睇佢唔大隻，其實啖啖肉，味道極鮮甜爽嫩，正！雖話唔多膏，但也有呀！味道仲好甘香鮮味，一流！
 |
| 澳洲青年龍蝦體積需蒸7分鐘 |
 |
| 肉質腍嫩，味道鮮甜 |
 |
| 龍蝦膏甘香，可惜不多 |
澳洲青年龍蝦體積中等，需蒸7分鐘，肉質腍嫩，味道鮮甜，最好味是甘香的龍蝦膏，可惜不多。
 |
| 其他海鮮齊上枱 |
 |
| 翡翠九孔鮑魚蒸3分鐘 |
 |
| 咬口兼鮮味 |
 |
| 泰國海中蝦蒸4分鐘 |
 |
| 稍稍彈牙，鮮味一般 |
翡翠九孔鮑魚只蒸3分鐘，已起了內臟方便進食，有咬口兼鮮味。
 |
| 日本大元貝是蒸3分鐘 |
 |
| 味道好鮮甜 |
 |
| 肉厚肥美，好有份量 |
日本大元貝也是蒸3分鐘，肉厚肥美，好有份量。味道好鮮甜，千萬唔好蘸上醬料，免得奪去鮮味，還要記住飲埋殼中的元貝水，好鮮甜！老爸就將其倒入粥底，好似浪費咗啲！
 |
| 北韓游蚌2分鐘就夠 |
 |
| 肉質煙韌，好有嚼勁 |
北韓游蚌大大隻，但原來2分鐘就足夠。肉質煙韌，好有嚼勁，今次老爸就沒有錯過殼中的蚌水，他大讚好鮮甜，我都知啦！
 |
| 深海龍躉片只蒸2 分鐘 |
 |
| 肉質紮實，但絕不嚡口 |
 |
| 魚皮富有膠質 |
深海龍躉片只蒸2 分鐘，真係估唔到咁快。潔白的肉質片片分明，口感紮實，但絕不嚡口，最喜歡當然是富有膠質的魚皮，黏滑彈牙，正！
 |
| 紐西蘭青口要5分鐘才蒸熟 |
 |
| 爽嫩，味道幾鮮 |
竟然紐西蘭青口要5分鐘才蒸熟，真是不能睇外表決定。肉質爽嫩，味道幾鮮，不錯！
 |
| 有機蔬菜籃蒸5分鐘，生菜2分鐘 |
 |
| 粟米和南瓜甜美 |
有機蔬菜籃有粟米、南瓜、娃娃菜和生菜，前三者都要蒸5分鐘，而生菜就只需2分鐘，時間岩岩岩好。粟米很爽甜，南瓜就粉綿甜美，兩者都討我喜歡。生菜翠綠清爽，但娃娃花就....有點苦澀，美中不足。
******************************
 |
| 南瓜排骨粥是全晚的精華 |
 |
| 加些菜甫和蔥花 |
是時候品嚐全晚的精華，就是一早放在石鍋中的南瓜排骨粥，店員加些菜甫和蔥花，再拌一拌，覺得它不夠綿，再煲多一會，真細心。
 |
| 杰身飽肚 |
 |
| 好綿滑，美味得很 |
 |
| 排骨腍嫩，味道鹹鮮 |
粥底好綿滑，杰身飽肚，加上有眾海鮮的精華、南瓜的甜美、菜甫的鹹香，美味得很。最值得一讚是排骨，不但鮮香腍嫩，仲經醃過，味道鹹鮮，用心之作，連平時少吃排骨的我也忍不住一件接一件。其實已經很飽，但實在太好吃，忍不住再來一碗。
******************************
 |
| 燕窩木瓜糖水甜美滋潤 |
 |
| 燕窩份量都唔少，絕不欺場 |
最後還有糖水奉送，今晚竟是女人恩物燕窩木瓜糖水。燕窩的份量都唔少，絕不欺場，味道甜美滋潤，不錯！
------------------------------------------
九款海鮮款款鮮味，特別是大黃奄蟹，教人回味。唔止呀！連嗰粥底都好鮮味，真係仙（鮮）味十足。
店名：蟹仙
地址：元朗西菁街10號好順泰商場地下16-17號舖
**原來星期五至日、公眾假期及前夕需每位加$28
沒有留言:
張貼留言