抹茶控又出動

抹茶控又要出動，麥當奴之前都出過抹茶雪糕，有咩特別呀? 係就係, 但之前的抺茶新地好似只是配朱古力醬加花生粒, 但今次換上新配搭，又係一個好藉口去試試, 還要一次過試齊兩款，我這個抹茶控要失控。

抹茶雪糕換上新配搭

*******************************************************************************

抹茶新地配北海道紅豆醬嚐到抹茶香, 吃落並不太甜膩

北海道紅豆香甜粉綿

抹茶新地配北海道紅豆醬 ($8.5)在幼滑的抹茶雪糕上淋入紅豆醬，大大粒的北海道紅豆香甜粉綿，的確不錯，而加入的份量合宜，不會蓋過抹茶的清香，雖抹茶味道不算濃郁，但啖啖也嚐到抹茶香，吃落並不太甜膩，意料之外。

*******************************************************************************

Oreo 威化抹茶麥旋風朱古力味完全蓋了抹茶的清香

混入餅碎，較有口感

加埋甜甜的威化餅，較為甜膩

Oreo 威化抹茶麥旋風 ($14.5)將Oreo餅碎末與抹茶雪糕完全拌勻，最後還加入一條Oreo威化餅。雪糕當然不及之前的新地幼滑，混入餅碎，較有口感，但香濃的朱古力味完全蓋了抹茶的清香，抹茶味變得失色，再加埋甜甜的威化餅，比前者甜膩得多，還是抹茶紅豆醬新地較合我口味。