成日都想吃: 在豚道樂的快樂

好友來公司替工兩個多月, 雖是好友, 但在公司只是點點頭, 寒喧幾句, 根本沒有時間詳談, 亦不便談話, 但我覺得見到面已很滿足, 因為她一直都是我的小天使, 滿有朝氣, 故這兩個月工作特別起勁。可惜…..今日是她替工的最後一天, 又不知要隔多久才見面, 因為各有各忙, 要相約都非容易之事, 所以趁last day便相約吃飯, 外出坐定定詳談一晚。

友人帶我去了一個海產集中地

拉麵店門口寬敝闊落, 亦挺搶眼

友人知我喜歡吃海產, 故帶我去了一個海產集中地, 就是位於黃埔的九號水產, 正合我心意。不過……其實友人對很多海鮮都敏感, 免得有得睇無得食, 我最後還是在這裏揀了一間拉麵店。開放式的門口, 寬敝闊落, 大大個燈光店名招牌鑲在門頂中正, 加埋旁邊一個大型的日式紅燈籠, 挺搶眼。

裝潢帶和風色彩

中間設有兩排吧枱座位

靠牆亦有幾張兩人枱

內裏裝潢帶和風色彩, 簡約平實。中間設有兩排吧枱座位, 而靠牆亦有幾張兩人枱, 座位不算多, 但通道都算闊落, 出入方便。

枱上的物品都算幾齊備

先看看枱上的物品, 放齊餐具、紙巾、清水、調味料、餐牌和點菜紙, 都算幾齊備。調味料分別有辣油、芝麻、七味料和胡椒, 但就沒有一般拉麵備的的配料, 如辣大芽豆, 有點失望......

點菜紙前後兩版, 一點也不複雜

細看點菜紙, 前後兩版, 一點也不複雜。先揀要邊款拉麵, 再要求麵條類型、軟硬度、青蔥和辣醬所需便可。拉麵分兩大類, 分別是特上之選和經濟之選, 兩者相差$13, 當然特上之選的配料豐富啲。特上之選配料有齊豬肩肉、豬腩肉、紫菜兩塊和溏心蛋半隻, 而經濟之選只是豬肩肉和豬腩肉二選其一。

餐簿設計精美

還有一本設計精美的餐簿, 除了有六款拉麵外, 亦有供應熱食、炸物、十多款追加配料和飲品。唔止呀! 仲有一款很吸引的季節限定拉麵, 就是黑松露醬油豚骨拉麵。.

*************************************

山梨桃梳打和信州白提子梳打，味道不錯

先點兩樽冰凍的飲品為即將出場的熱辣辣拉麵作好準備，友人揀了山梨桃梳打 ($23), 覺得桃味不算突出，味道偏甜；而我所揀信州白提子梳打($23)，啖啖香甜的提子味，甜度適中，味道不錯。

*************************************

我揀了五六日限定的海老湯拉麵

海老湯拉麵熱辣辣, 香氣四溢

湯身質感濃厚且黏口, 加了不少蝦乾仔更添鹹鮮

待一會, 我選的海老湯拉麵($85)先出場, 熱辣辣, 香氣四溢。湯底是拉麵的靈魂, 湯面帶少少油光, 雖一向愛吃辣, 但今次就不要, 免得蓋了湯底的鮮味。馬上呷一口, 湯身質感濃厚且黏口, 相當鮮味濃郁, 加上加了不少蝦乾仔, 更添鹹鮮。

每吃一口都掛有湯汁和夾雜着蝦乾仔, 很美味

講明食拉麵, 麵條當然是另一重點。揀選了普通軟硬度的曲麵, 的確弄得剛好, 拉麵帶點煙韌, 挺有嚼勁, 口感挺不錯! 湯身濃厚, 再加上曲麵掛湯力較強, 每吃一口都掛有香濃的湯汁和夾雜着一些蝦乾仔, 很美味。

豬肩肉經輕輕火炙過, 帶些焦香, 亦不覺油膩

當然不少得日式叉燒, 捨豬腩肉, 要豬肩肉。共有兩薄片, 每片的瘦肉比例較肥膏多, 正合我心意。肉質相當稔嫩且入味, 加上經輕輕火炙過, 帶些焦香, 亦不覺油膩, 正!

*************************************

當然不能錯過季節限定拉麵

黑松露醬油豚骨拉麵散發着陣陣黑松露香, 很誘人

難得遇上季節限定拉麵, 當然不能錯過。友人就要了這款黑松露醬油豚骨拉麵 ($108), 同樣熱辣辣, 散發着陣陣黑松露香, 很誘人。它有齊豬肩肉、豬腩肉、紫菜兩塊和溏心蛋半隻, 仲有粒帆立貝和一羹黑松露醬, 好豐富!

將黑松露醬拌勻, 充滿黑松露醬香, 亦不失豚骨味

帆立貝相當柔嫩鮮味

先將黑松露醬拌勻, 馬上試呷一口, 湯面同樣帶少少油光, 湯身稍稍杰身而黏口, 啖啖充滿黑松露醬香, 份量剛好, 亦不失香濃的豚骨味, 正! 真的忍不住再呷幾口。友人亦分享了半粒帆立貝給我, 帆立貝也有經過輕輕火炙過, 表面帶些焦色, 肉質相當柔嫩鮮味, 但可惜不夠厚身肥大。

*************************************

追加配料有十三款

吃拉麵當然不能沒有糖心蛋

流心且富黏性, 還充滿蛋香, 亦弄得入味

追加配料有十三款, 我們點了四款。糖心蛋 ($12)是我最愛的, 吃拉麵當然不能沒有它。蛋黃呈鮮橙色, 稍稍流心且富黏性, 煮製時間恰到好處, 還充滿蛋香, 亦甜甜地, 鹹鹹地, 弄得入味, 令我極之回味, 友人還將拉麵中的半隻給我, 夠晒滿足。

椰菜爽口且嫩, 稍稍鹹香惹味

牛油粟米爽口多汁, 味道清甜

還有椰菜和牛油粟米, 估不到份量咁多, 相當抵食。兩者都是以一個小鐵pan盛載上枱, 夠晒熱! 椰菜($10x2) 保持色澤青綠, 爽口且嫩, 只加了一些炸蒜粒烹調, 稍稍鹹香惹味, 亦不失清新味道, 簡單的美味! 至於牛油粟米($10x2)也不錯, 中間放了一小件牛油, 待它慢慢溶入粟米中, 拌一拌, 滿有牛油香。粟米粒粒圓潤飽滿, 爽口多汁, 味道清甜, 加埋牛油, 又香又甜。