成日都想吃: Keep住靚、Keep住食

友人話新一年最想就是Keep住靚, 所以一早就book定facial啟巿那一日, 仲拉埋我一齊去, 要我新一年多啲扮靚, 咁先會有蜜運出現喎! 要我陪她扮靚當然無問題, 但我也要她陪我Keep住食, 仲要大食、勁食, 所以Facial後就揀了去食放題, 可盡情吃吧!

一大牌刻上名字的木招牌

掛滿一盞盞日式燈籠, 滿有日本色彩

設有多張二至四人卡座

枱與枱之間的空間較少, 感覺有點狹窄

揀了一間正位於做Facial大廈附近的放題店, 一出升降機門便見到一大牌刻上名字的木招牌, 就是「組長日式放題」。內裏環境光猛, 掛滿一盞盞又紅又白的日式燈籠, 滿有日本色彩。座位不算多, 設有多張二至四人卡座、兩排長沙發座的二至四人枱, 而枱子和枱與枱之間的空間較少, 感覺有點狹窄。

晚巿放題時間5:30-11:30pm, 任飲任2小時, , 星期一至四成人收費 ($208+10%), 而星期五六日及假期成人收費 ($218+10%)。最划算是7:30pm前離座或9:30pm後入座全單有8折。但我倆做完Facial已是7:30pm, 沒有理由等到9:30pm後入座, 故正價收費。

**********************************

【農曆新年魚蝦蟹發財遊戲】, 真有趣!

嬴了一碟拖羅壽司, 正!

肉質柔軟鮮嫩, 鮮香油潤

一坐下就有遊戲玩, 就是【農曆新年魚蝦蟹發財遊戲】, 真有趣! 每兩位有三次機會, 全權由友人負責, 結果我們嬴了一碟拖羅壽司, 正! 色澤鮮紅亮麗, 油脂如雪花般分佈在整件魚肉中, 肉質柔軟鮮嫩, 鮮香油潤, 可再來一件嗎?

**********************************

自助區有冷熱飲品、熱食、雪糕和甜品

熱玄米茶暖暖胃仔, 消滯解膩

開飯前先準備飲品, 其實自助飲品的選擇也不少, 有多款罐裝凍飲, 包括啤酒、汽水、果汁等等, 還有熱飲, 包括玄米茶和柚子蜜。另有兩款熱食, 分別是花膠元貝水蟹粥和粟米魚肚羹, 就在吃刺身、小食等生冷食物之前, 先來一杯熱玄米茶, 暖暖胃仔之餘, 亦有助消滯解膩。

**********************************

點菜紙足足十一類, 還可+$38有 “極上” 點單紙

點菜紙分門別類插在架上, 客人填好遞交便可, 最傳統的方法。數數看, 足足十一類, 分別有刺身、壽司、火炙壽司、卷物、軍艦、沙律、鐵板燒、天婦羅、爐端燒、一品料理和刷刷鍋, 如想吃得豐富一點, 仲可+$38有 “極上” 點單紙。

**********************************

三款鍋選擇

北海道海膽花膠鍋相當豐富

每枱都會贈送一個刷刷鍋, 近幾日天氣轉涼, 正合時宜, 就先上它吧! 有三款鍋選擇, 花膠是女人的恩物, 當然揀北海道海膽花膠鍋, 以一個小型的gas爐邊滾邊吃, 暖笠笠, 正! 數數看, 有帆立貝、蝦、青口、墨魚仔、花膠、鮑魚仔和海膽, 還有大量的蔬菜、菇菌、豆腐等等, 相當豐富。如不夠的話, 還可在刷刷鍋點單紙上追加配料。

帆立貝、花膠和各款配菜都很好吃

最吸引我當然是大大隻的帆立貝, 很鮮嫩; 花膠亦不錯, 滑嘟嘟, 富有膠質, 而各款配菜就很新鮮爽嫩, 很好吃!

**********************************

黃金焗蠔焗得很金黃, 香濃可口

蠔肉較細小, 蠔味亦一般

" 極上” 點單紙有六款精選食品, 包括雪長腳蟹、鵝肝多士、黃金焗蠔、安格斯牛柳、特大赤蝦和珍寶帶子。在當中點了黃金焗蠔、特大赤蝦和珍寶帶子。黃金焗蠔的確焗得很金黃,面頭是混入粟米粒和煙肉的薯蓉, 香濃可口, 可惜內裏的蠔肉較細小, 蠔味亦一般。

赤蝦肉質黏性兼帶微爽, 味道鮮味

還有特大赤蝦和珍寶帶子, 大大隻的赤蝦肉質黏性兼帶微爽, 味道鮮味, 絕對是encore之選。珍寶帶子雖沒有想像中大隻, 但肉質柔軟嫩滑, 亦挺鮮味。

**********************************

友人自己先一口氣點了七款, 通通吃清

我揀我喜歡的

我倆都是刺身迷, 友人先一口氣點了七款, 還要每款兩件, 真厲害! 分別有北寄貝、象拔蚌、劍魚腩、三文魚、油甘魚、帶子和有頭甘蝦, 轉眼間便由她通通吃清……吓!? 而我只好再下單, 揀了劍魚腩、三文魚、油甘魚和熟廣島蠔, 雖沒有她那麼豐富, 但完是我喜歡的。

三文魚柔軟油潤

劍魚腩吃至滿口魚油香

肥美的三文魚色澤亮麗, 油脂分佈平均, 肉質柔軟油潤, 鮮味十足; 還有厚切的劍魚腩, 呈奶白色, 非常肥美, 肉質柔軟, 吃至滿口魚油香, 兩款必定加碼。

**********************************

火炙壽司挺吸引我

一向都認為飯類是飽肚之物, 每次吃放題都只會點少許試試, 但餐店的火炙壽司款式挺吸引我, 故今次例外, 還要點完一次又再一次。共有八款選擇, 一口氣選了四款, 有火炙三文魚、火炙左口魚邊、火炙和牛和火炙海膽蝦。

要再來一件火炙三文魚

先吃火炙三文魚, 炙燒的時間掌握得剛好, 迫出魚油, 肉質油潤兼柔軟, 加埋魚面的沙律醬, 很好吃, 再來一件吧! 另一款是火炙左口魚邊壽司, 它是左口魚最油潤的位置, 加上再經炙燒, 迫出油份, 吃落更加肥美油潤, 加上連壽司飯也經稍稍火炙, 更添美味。

**********************************

鐵板燒和爐端燒選擇好多

三文魚鮫燒得皮脆肉嫩, 啖啖魚油, 很美味

鐵板燒和爐端燒竟有二十二款, 選擇好多。魚痴當然第一時間揀了鰻魚串和三文魚鮫, 還有日式蕃薯仔、燒新鮮菠蘿和日式炒野菜菌也是我的首選。鰻魚串面底同樣沾滿微甜的燒汁, 但可惜並不入味, 而肉質亦較腍身; 三文魚鮫燒得皮脆肉嫩, 腩位相當肥美, 啖啖魚油, 很美味, 要encore再encore。至於粒粒如拇指般大小的日式蕃薯仔外皮柔嫩, 內肉粉綿香甜, 挺吸引, 當然要再來一串。