暢飲暢談

友人有心事，想摸酒杯底談心，其實....我唔識飲，但朋友至上，飲少少應該無問題。來到太子，朋友帶我到了一條一連幾間酒吧的街道，好似酒吧街咁，幾有feel。

紅光管燈的店名招牌，好搶眼

一排長酒吧枱

最岩邊飲酒邊睇波

好熱鬧

七彩燈酒杯摩天輪，好靚！

最吸引友人是各式各樣的酒

紅光管燈的店名招牌，好搶眼。內裏環境昏，好有feel。設有一排長酒吧枱，幾部電視和大螢幕，最岩邊飲酒邊睇波，相信好熱鬧。最吸引我是酒吧枱上的七彩燈酒杯摩天輪，好靚！而最吸引友人當然是酒吧枱上各式各樣的酒。

食品選擇不算多

Tapas

Pasta和Special Menu餐牌

飲品就多得令我眼花撩亂

多款Cocktail

多款Cocktail

Spirit Liqueur、Shot Cocktail

Cider、Bottle Beer

Mocktail、Juice、Soft Drinks

細閱各份餐牌，有Salad、Jamon Serrano、Pizza、Platter、Main Course、Tapas，另有份Pasta和Special Menu餐牌。食品選擇不算多，但飲品就多得令我眼花撩亂。有多款Cocktail、Spirit Liqueur、Shot Cocktail、Cider、Bottle Beer、Mocktail、Juice、Soft Drinks.....

*************************

粟米脆片用來佐酒的確好正

還未點菜就送來一客粟米脆片（$40），雖然一定是必要，訂價又略為偏高，但可無限添加，而且香脆可口，用來佐酒的確好正，不知不覺就清了一碟，哈！

****************************

友人最愛黑啤

Murphy's   好有麥香，夠晒甘苦

友人一心來飲，馬上就點杯最愛的黑啤Murphy's    ($78/pint/hh)，有一層豐厚綿密的泡沫。她話好有麥香，夠晒甘苦，完全岩晒她口味。見她邊吃粟米片，邊飲啤酒，停不了口，好滋味！

要杯cocktail，貪佢易啲入口

Lychi Mojito 濃濃酒香，味道香甜

話明陪她，當然也點杯酒精飲品，啤酒不是我杯「茶」，還是要杯cocktail，貪佢易啲入口。揀了以Mint Leaves, Lime juice, Syrup, Rum, Soda Water, Lychi 調製已成的Lychi Mojito ($108)，杯頂放了一隻以冰製的「水晶杯」，既有心思又靚仔。見到內有些荔枝肉、鮮青檸和不少翠綠的薄荷葉。啜一口，冰涼透心，濃濃酒香，味道香甜，易於入口，再篤篤鮮檸，帶出鮮酸的味道，喝起來又清新又解渴，若然製作時把薄荷葉壓碎，迫出薄荷香味的話，相信更好味，不過現在也很討我喜歡，不知不覺越喝越快，其實酒度並不輕，很快便弄至我慶烚烚。***************************

藍芝士汁煙燻雞肉蘋果沙律特別是拌入藍芝士汁

酸咪咪的青蘋果和鹹香的煙燻雞肉

有四款沙律，點了一客藍芝士汁煙燻雞肉蘋果沙律 Smoked Chicken with Apple Salad ($78)，賣相不錯。雜沙律新鮮清爽，配上酸咪咪的青蘋果，還有一粒粒鹹香的煙燻雞肉。而最特別是拌入藍芝士汁，而非粒狀藍芝士，故每吃一口均有藍芝士的獨有味道，特別！

****************************

龍蝦汁大蝦海鮮闊條麵用料相當豐富

大蝦爽彈鮮味

我倆都是海鮮迷，齊齊看中龍蝦汁大蝦海鮮闊條麵 Seafood Fettuccine Pasta with Lobster Sauce ($148)。除面頭爽彈鮮味的大蝦外，還有隻大青口，而意粉中亦混入不少蜆仔肉、魷魚粒、蝦仁等海鮮，用料相當豐富。

闊條麵掛上龍蝦汁，味道美味

闊條麵煮得合時，挺有嚼勁，龍蝦汁緊緊掛在麵上，味道美味，還加了些沙律菜和紅黃椒，口感更豐富。

*****************************

Tapas

芝士雜菜煙肉焗釀大菇配搭美味

Tapas選擇最多，點了芝士雜菜煙肉焗釀大菇 Baked Portobello Mushroom with Cheese & Bacon ($78)，一客兩大隻，還配上清爽的沙律菜。又大又厚的啡菇焗得剛好，既爽口又多菇汁，啖啖菇香，釀了鹹香嫩口的煙肉片，伴着焗至半溶的鹹香芝士，配搭美味。

--------------------------------------

平時少飲酒的我，今晚捨命陪君子，結果....真的暢飲暢談，但不是友人，而是我不斷訴心聲，也不知自己有沒有胡說八道添！

店名：Channel 3 Tapas Bar & Restaurant

地址：太子通菜街228號地下