準備好啦！

年，又過年，又過歡樂年年....屈指一數，還有一星期就農歷新年，大家係咪開始準備呢？我今星期就做乖乖囡，陪兩老扮年貨，其實主要是揀下花和賀年裝飾品，其實呢？一回家就知。

一系列賀年糕點

太耐沒有回家，一返到去就周圍搵，搵食呀！有齊賀年糕點、賀年糖果和禮盒。忍不住了！雖還未過年，但都食少少啦，哈！家中有咩糕點？有香菇蟲草花素蘿蔔糕、桂肉黑糖年糕和小丸子孖裝年糕禮盒，包括小丸子系列椰汁糖年糕和小丸子系列亞嫲糖年糕，共四款，好豐富。

香菇蟲草花素蘿蔔糕是健康之選

口感豐富

用蒸的方式翻熱，吃落完全不油膩

今日先吃兩款，喜歡素食的我，第一時間揀了香菇蟲草花素蘿蔔糕，用上香菇、蟲草花、木耳、腰果等素食材製成，仲有絲絲清甜的蘿蔔絲，口感豐富，加埋用蒸的方式翻熱，吃落完全不油膩，不單止岩晒我，連兩老都很喜歡。

*****************************

桂肉黑糖年糕滋潤健康

小丸子孖裝年糕禮盒印有大頭肖像

吃了鹹的，當然就吃甜。桂肉黑糖年糕加了桂肉、以黑糖製作，相信更滋潤健康，咁...留待過年先同親戚朋友分享，先嚐小丸子系列其中一款。小丸子孖裝年糕禮盒有小丸子大頭肖像的迷你亞嫲糖年糕和花輪同學大頭肖像的迷你椰汁糖年糕，嗰盒仲可留返再用添。

亞嫲糖年糕壓上小丸子的樣子，好可愛呀！

軟糯柔靭，甜度適中

亞嫲糖年糕好可愛呀！年糕面壓上小丸子的樣子，必能吸引一眾小丸子迷，其實我都有點不捨得切....由我下廚，先蘸上雞漿再香煎，糕身更加軟糯，稍稍柔靭，而甜度適中，吃起來不甜膩。不過....其實我煎到底下焦燶晒，無俾大家睇炸！我估如果是老爸煎，相信更好味。

*****************************

小丸子孖裝小食禮盒設計喜氣洋洋

腰果牛油曲奇既有牛油香和亦有果仁香

另外家中還有一份小丸子孖裝小食禮盒，穿上賀年服的花輪同學有6塊獨立包裝的腰果牛油曲奇，每塊均夾雜了香口的腰果粒。咬一口，很鬆脆，既有牛油香和亦有果仁香，吃不停口。

芝麻花生軟糖煙煙韌韌，甘香可口

而靚女的小丸子也穿上賀年服，喜氣洋洋。內有10粒芝麻花生軟糖，同樣獨立包裝，乾淨衞生。大小適中，每粒花生糖都沾滿黑白芝麻和椰絲，口感煙煙韌韌，稍稍黏口，但不會黐牙，味道甘香可口，又係令人停不了口。

四款小丸子賀年揮春，好靚呀！

原來凡購買此禮盒都奉送四款小丸子賀年揮春，好靚呀！無經批准下就取走小丸子的「花開富貴」和豬太郎的「豬籠入水」，而花輪的「大吉大利」和小玉的「學業進步」就留給兩老啦！

*****************************

送又開心，收亦開心

咦！？仲有三盒禮盒喎⋯⋯高貴典雅的蝴蝶酥杏仁條禮盒一定是送給長輩姨媽；一盒18塊全朱古力味的賀年熊貓曲奇禮盒就俾姪仔，他見到可愛活潑的熊貓一定歡喜若狂。仲有盒賀年兩口子熊貓曲奇禮盒呢？盒面除了有兩口子熊貓外，仲印滿桃花，想行桃花運的我，這盒必定留給我。內有18件熊貓造型的曲奇，分別有朱古力熊貓曲奇和草莓熊貓曲奇各9件，排排企可愛得意。

--------------------------------------------

真是送又開心，收亦開心，齊齊開心過新年！祝願大家心想事成，龍馬精神！