大夥兒食海鮮

兩老住屯門，雖然時不時會入去探他們，但老實說，對屯門都不太熟悉，連好出名食海鮮的三聖邨也沒有去過，真失禮....不過不能笑我，皆因入得屯門，當然要食住家飯啦！但今日一大班朋友話齊齊入去食海鮮，柴娃娃吃返餐好，有機會開開心心聚一聚，幾遠都要走。

走入三聖邨食海鮮

門面招牌

地方都幾大

朋友們選了一間命名「泰海鮮」, 地方都幾大, 單看大廳都設有不少四至十人的圓枱, 還有另一邊的貴賓房, 真係好岩大班人餐聚。

有很多選擇

由友人發辨

餐牌很清晰

很豐富

定支冰凍的汽水等食

坐安後, 看看餐牌, 都有很多選擇, 但今日不用傷腦筋, 因為友人是海鮮專家, 已有心水,由他發辨就得, 我就開定支冰凍的汽水等食吧!

*********************************

海鮮湯連湯料上枱

有大量海鮮,  真材實料

先來海鮮湯, 熱辣辣上枱, 雖天氣炎熱, 但也美味得忍不住喝多幾碗。一大窩海鮮湯連湯料上枱, 見到有大量的海鮮, 如蜆、巨大的瀨尿蝦、多種魚類, 還有蕃茄和薯仔等, 的確真材實料。

湯身呈奶白色

啖啖都很鮮甜

湯身呈奶白色, 沒有油光, 加入那麼多食材煲成, 精華所在, 難怪啖啖都如此鮮甜, 再加些胡椒提味, 帶有胡椒香辣, 很美味!   

*********************************

白灼九節蝦是這裏地道海鮮菜之一

接着是白灼九節蝦, 九節蝦!? 真係很少見, 不知是否蝦殼睇落有九節, 所以有此名字呢?友人話它是這裏地道海鮮菜之一, 以白灼的方式烹調, 最能嚐到原有的鮮味。每隻大小適中, 色澤鮮橙, 看起來很新鮮。

肉質相當爽彈, 味道鮮甜

還是原有味道最美味

把其拆殼, 感覺蝦殼比一般的蝦結實;  吃一口, 肉質相當爽彈, 味道鮮甜, 的確很新鮮。又試試蘸些辣椒豉油, 鹹鹹地, 辣辣地, 但還是不作任何添加, 原有味道最美味。

*********************************

泰皇芝心蝦丸炸得金黃, 色澤平均

再來一碟泰皇芝心蝦丸, 配有泰式辣醬和一把剪刀。友人話必要趁熱食, 咁就馬上將九節蝦放埋一邊先, 哈! 每粒芝心蝦丸圓碌碌, 脹卜卜, 炸得金黃, 色澤平均, 樣子很討好。

樣子很討好, 但要小心燙傷口

中間是鹹香黏滑的芝士漿

剪刀是用來做什麼? 原來不要直接咬它, 因為內饀很熱, 很容易便會燙傷口。把其剪半, 中間的芝士呈流心狀; 咬一口, 外層極之鬆化香脆, 啖啖彈牙鮮味的蝦膠, 加埋鹹香黏滑的芝士漿, 配搭美味, 再蘸上泰式辣醬, 帶些香辣更滋味。  

*********************************

蒜蓉粉絲蒸扇貝隻隻都是重量級

肉厚肥大

爽彈嫩口, 非常鮮甜

蒜蓉粉絲索盡扇貝汁

最喜歡是這道蒜蓉粉絲蒸扇貝, 熱辣辣上枱, 陣陣蒜香, 正! 隻隻都是重量級, 肉厚肥大, 啖啖爽彈嫩口, 非常鮮甜, 而裙邊則煙煙韌韌, 挺有嚼勁, 還有索盡扇貝汁的蒜蓉粉絲, 既有蒜香, 亦很鮮甜, 美味得留在貝殼中的汁液也一滴不留, 推介!

************************************

砵酒焗美國桶蠔如用煲仔盛載, 相信會更吸引

半個拳頭般巨大, 很墜手

蠔肚腍嫩, 爆出鮮甜的蠔汁

最後這道砵酒焗美國桶蠔也是我很喜歡的, 每隻桶蠔如半個拳頭般巨大, 挾起來很墜手, 又是很有份量。巨蠔隻隻金黃, 蠔邊位有些脆口, 而極之肥美的蠔肚則相當腍嫩, 爆出鮮甜的蠔汁, 蠔味濃郁, 亦帶有砵酒香甜, 烹調入味, 啖啖都令人吃得滿足, 但如果改用煲仔盛載上枱, 既可保持熱度, 睇落又會更有風味, 相信會更吸引。

---------------------------------------------------

食海鮮要多人, 可點多幾款, 今次大夥兒食海鮮, 蝦、蠔、扇貝都吃齊, 還有一窩以大量海鮮炮製的海鮮湯, 真係吃得滿足，不知何時有機會大夥兒再來吃過？

店名: 泰海鮮

地址: 屯門三聖街6號三聖商場地下5-9及14-16舖