好耐沒有燒

今日外出工作, 去了甚少去的旺角, 無錯呀! 人大了, 真的很少去旺角, 因為怕人多車多, 最怕迫來迫去, 所以唔多想出去這個地區, 不過既然今日因工事出開去, 當然乘機約在旺角返工的好友聚一聚。

一起韓燒

牆上掛有多幅韓國風景畫

設計成舊式的照相舖

裝潢有些懷舊感

跟這位好友吃過不同的菜式, 中、西、泰、印、日都有, 卻偏偏沒有吃過韓國菜, 突然心血來潮, 好想一起韓燒, 的確已有一段時間沒有韓燒, 有點掛住, 就一於齊齊燒返晚。一出升降機門，看見餐店裝潢滿有韓國色彩，牆上掛有多幅韓國風景畫，另最有心思和特色就是餐店盡頭的兩間獨立房間, 設計成舊式的照相舖和髮型屋，有些懷舊感。

可容納不少客人

不會缺少拉動式抽煙筒和開蓋式的汽油筒椅子

餐店地方挺寬敞, 設有多枱4-6人圓枱, 可容納不少客人。為免令食客弄至滿身油煙, 拉動式抽煙筒和開蓋式的汽油筒椅子當然不會缺少, 客人可將外褸和袋子放進內裏, 那便可保不沾油煙。

每枱均放了前菜小吃、生菜和醬料

部份飲品任飲

冰涼透心, 最岩邊燒邊飲

每枱均放了兩款前菜小吃、一籃生菜和兩款醬料，而飲品就可在三大個凍櫃自行拿取，啤酒、汽水和韓式飲品都是任飲, 如想飲韓式燒酒和韓式特飲便要另外加錢。我和友人各自取了韓式的錫蘭紅茶和蘆筍水, 雪到冰涼透心, 邊燒邊飲就最岩。而用來佐兩款前菜小吃也不錯, 可惜只有兩款, 分別是辣度十足的泡菜和滿有芝麻香的大豆芽, 清爽味美, 當然追加一轉啦!

任點任食於不同時段有不同收費

燒烤食物分五大類

還有韓國料理和另外收費的Premium Menu

另外，枱上還放有一大疊點菜單，任點任食, 除Premium Menu上的食物要另外收費。任點任燒任食於不同時段有不同收費, 星期一至四15:00-18:00及22:00-01:00成人為$158, 18:00-22:00成人為$188; 而星期五至日15:00-18:00及22:00-01:00成人為$178, 18:00-22:00成人為$208, 價格都很經濟實惠。

***************************

韓式炒粉絲簡單而美味

馬上看看點菜紙, 燒烤食物分五大類, 有豬肉、牛肉、肉類、海鮮和蔬菜, 另外還有多款韓國料理, 選擇不少。先點兩款韓國料理, 可馬上醫肚, 哈! 韓式炒粉絲烹調入味, 煙韌彈牙, 挺有嚼勁, 配上紅蘿蔔絲、洋蔥絲、雞蛋絲和芝麻, 簡單而美味, 如胃子有空間, 必再encore。

海鮮純豆腐辣湯味道剛好, 香辣惹味

香滑的豆腐和雞蛋

另外熱辣辣上枱的海鮮純豆腐辣湯也不錯, 湯頭雖有一層紅油, 但吃落又不會辣至嗆喉, 味道剛好, 香辣惹味。內有香滑的豆腐和雞蛋, 配上蜆肉、魷魚粒、蝦粒、蔬菜粒等, 都幾豐富。

***************************

先注入爐邊蛋, 待一會就吃得

挺香滑, 烹調入味

開火啦! 先注入爐邊蛋, 待一會就吃得。趁最岩的時間馬上品嚐爐邊蛋, 免得烤得又乾又老, 的確挺香滑, 烹調入味, 無需再添加醬料, 但看到隔離枱自製泡菜蛋, 都幾有創意, 下次都要嘗試一下。

***************************

我主攻海鮮

快快下爐

烤鰻魚追加了三四轉

我主攻海鮮和蔬菜類, 而友人就主要點肉類。海鮮類有六款, 除魷魚外, 全部都點齊, 再添加鮑魚。快快下爐, 先嚐魚類, 有烤鯖魚和烤鰻魚, 前者肉質略為紮實; 後者則相當嫩滑, 沾滿甜甜的醬汁, 相當入味, 所以烤鰻魚追加了三四轉。

最喜歡是大蝦, 鮑魚也不錯

有殼類海鮮分別有生蠔、帆立貝、大蝦和鮑魚。最喜歡是大蝦, 肉質彈牙鮮味, 啖啖肉, 吃得很滋味; 鮑魚也不錯, 肉質爽嫩, 加上拌入芝士碎, 既鮮味, 亦鹹香。

***************************

看起來不錯

雞肉都幾嫩滑

用生菜包着吃,   可減卻油膩感

友人所點的肉類有特級豬頸肉、薄切五花肉、煙鴨胸和雞肉, 三款色澤鮮紅, 看起來不錯。友人話特級豬頸肉挺爽口; 薄切五花肉很肥美; 煙鴨胸就嫩口; 雞肉都幾嫩滑, 而最喜歡就是煙鴨胸。我就只嚐了烤雞肉, 不單止嫩滑, 烹調也入味, 用生菜包着吃, 可減卻油膩感, 再加少許韓式辣醬, 更加吸引。

***************************

蔬菜類只有四款,   選擇較少

薯仔要再encore

蔬菜類只有四款, 選擇較少, 分別有生菜、菇菌、茄子和薯仔, 全部要齊。生菜青綠爽嫩, 用來包肉同吃。至於雞脾菇、茄子和薯仔就由友人負責燒弄, 她真的燒得不錯, 雞脾菇爽嫩兼保存菇汁; 茄子半腍半爽, 沒有燒至乾身; 薯仔是最美味, 外脆內腍, 亦滿有薯香, 當然要再encore。

---------------------------------------

重拾韓燒的風味

真的好耐沒有燒, 差點連韓燒的特色都忘記了, 忘記了那個拉動式抽煙筒、忘記了開蓋式的汽油筒坐櫈、忘記了圓形烤爐、忘記了爐邊蛋….通通都忘記了, 今晚能在這裏重拾韓燒的風味, 好似有點新鮮感, 又有點回味, 感覺得特別, 但無論如何, 韓風依舊, 想吃時仲可找到。

店名；平昌

地址: 旺角西洋菜街1號兆萬中心13樓