又一新攪作

不知為何一放長假期便喜歡約朋友仔去high tea，可能覺得輕鬆啲可慢慢嘆、又或者認為平時無咁迫人又可慢慢嘆、又或者貪平日有優惠…不過，無論點都好，主要都是為食想食，哈！今日又約埋好友來到一間我熟悉的餐廳high tea，Enjoy!

來到一間我熟悉的餐廳high tea，Enjoy!

裝潢滿有文青氣息，充滿朝氣

餐廳的裝潢沒有大改變，牆上畫了色彩繽紛的抽象人象牆畫，亦有多幅咖啡相片，滿有文青氣息，充滿朝氣。裝潢不改變，但這裏的High Tea時不時會換上新裝，不知今期又有什麼驚喜？不過，我一見向對餐廳信心十足。

雖話平日，但場面都幾熱鬧

感覺適舒自在

雖話平日，但場面都幾熱鬧，大廳所設的多張二至六人枱都差不多坐滿，轉個小彎便有幾張四人卡位座和圓枱，配上舒適的沙發座或有背的木椅，坐在這裏可透過大型的半落地玻璃窗飽灠街景，感覺適舒自在 

********************************

今個夏日下午茶是魚蟹蝦

餐牌的設計很有心思

後面就是飲品list

站在門口已見到塊大餐牌，原來今個夏日下午茶是魚蟹蝦Hooheyhow Tea Set ($258, +10%服務費)，由2:00pm-5:30pm供應。餐牌的設計很有心思，魚蟹蝦盤的造型，前面寫上下午茶所供應食品，而後面就是飲品list。Tea Set配兩杯飲品，可選Café Novell即磨咖啡、伯爵茶、綠茶、烏龍茶或紅茶，亦可考慮加$15升級特飲。

升級特飲

招牌熱水果茶酸酸甜甜，解膩消滯

水果款式和份量不多

我例牌必飲餐廳的招牌熱水果茶 Hot Signature Fresh Fruit Tea (+$15)，選用台灣原片茶葉配合多款水果沖調，有蘋果粒、橙粒和菠蘿粒，再加埋蘭香籽。水果款式和份量不多，故鮮果味道不算突出，甜度就剛好，酸酸甜甜，亦能嚐到茶香，解膩消滯。

熱熱情果烏龍茶開胃解膩

內有熱情果籽、水果粒和話梅

而好友就點了一壺熱熱情果烏龍茶 Hot Passion Fruit Oolong Tea (+$15)，啖啖茶香，內有不少熱情果籽、水果粒和幾粒話梅，味道酸酸甜甜，開胃解膩，加上邊煲邊喝，杯杯暖笠笠，好喝！

************************************

魚蟹蝦下午茶轉轉轉…轉出場啦！

鮮果雪糕漢堡配搭合宜

黃金蘋果金寶賣相和味道也不錯

轉轉轉…魚蟹蝦轉盤出場啦！各區都有代表作，好驚喜呀！逐一研究下先。等等…要先吃〈銅錢區〉，因為鮮果雪糕漢堡 Fresh Fruit Ice-cream Burger   快溶了。迷你漢堡夾着香甜的朱古力雪糕，配上酸咪咪的士多啤梨和奇異果，配搭合宜，可惜個麵包有點乾硬。另一代表是黃金蘋果金寶 Golden Apple Crumble ，半爽腍的蘋果金寶上唧了香甜幼滑的忌廉，插入一支很香的玉桂條，不論賣相和味道也不錯。

 

冬瓜蘑菇蓉紅菜頭撻 味道有點複習

葫蘆蝶豆花鬆餅幾特別！

混入一些蝶豆花乾，口感不俗

友人最喜歡是銅錢和葫蘆，故接着就品嚐〈葫蘆區〉的食品。代表作是冬瓜蘑菇蓉紅菜頭撻 和葫蘆蝶豆花鬆餅，外形和用料都跟葫蘆有關，有心思！先嚐冬瓜蘑菇蓉紅菜頭撻 Winter Melon and Mushroom Beetroot Tart ，鮮紅的紅菜頭撻底挺香脆，味道帶甜，內饀有鹹香的蘑菇粒和肉粒，配埋清爽的冬瓜球，味道有點複習。

選用了今期大熱的碟豆花製作葫蘆蝶豆花鬆餅Blueberry Scone w/ Butterfly Pea，Fresh Cream & Jam，幾特別！紫藍色的鬆餅鬆軟度中等，混入一些蝶豆花乾, 口感不俗。由於蝶豆花本身味淡，故塗上甜美的士多啤梨果醬就很適合。

牛油果蝦多士卷好吃且不油淋淋

捲着蝦仁和牛油果

我就喜歡海鮮，魚蝦蟹通通來。〈蝦區〉代表是牛油果蝦多士卷 Avocado Prawn Toast Roll，以炸金黃香脆的麵包捲着爽彈的蝦仁和香滑的牛油果，好吃且不油淋淋，喜歡！

 

吉列蟹棒略為厚身，唔夠鬆脆

以麵包捲着一條蟹棒

香脆蟹仔紫菜蛋糕好有心思！

有隻可愛的蟹仔爬到蛋糕

〈蟹區〉代表有炸得金黃吉列蟹棒 Kanikama Katsu，以麵包捲着一條蟹棒。麵包略為厚身，唔夠鬆脆，口感馬馬，幸好蟹柳不錯。香脆蟹仔紫菜蛋糕 Crispy Crab and Seaweed Cake就很討我喜歡，有隻可愛的蟹仔爬到蛋糕頂，好有心思！甜蛋糕混入鹹紫菜絲，多份口感之餘，甜中帶鹹，幾特別，加埋香甜脆口的蟹仔，幾好味。

杏仁豆腐錦鯉又香又滑

 原條杏仁豆腐錦鯉  Koi-shaped Almond Tofu Pudding還不是〈魚區〉代表？奶白色的杏仁豆腐錦鯉又香又滑，仲有些杏仁香，加埋面頭桂花，更甜美。樣子、味道和口感也吸引。

黑椒雞粒伴約瑟布甸都不錯！

味道鹹香辛辣

別忘還有〈雞區〉，代表是黑椒雞粒伴約瑟布甸 Black Pepper Chicken w/Yorkshire Pudding，以輕盈柔韌的泡芙伴着黑椒雞粒，味道鹹香辛辣，都不錯！

仲有白朱古力骰子，有趣！

揭開！三個六

咦咦咦，仲有喎！揭開個玻璃瓶，三個六，是滿有奶香的白朱古力骰子，好甜美。食埋佢就完滿啦！

-----------------------------------------

其實餐廳每期的high tea set都給客人萬分驚喜！今次的魚蝦蟹下午茶又一新攪作，不論食物的外形和選材都很能代表到魚、蟹、蝦、雞、銅錢和葫蘆，仲有埋骰子，很有心思，讚！

店名: Espuma

地址: 灣仔皇后大道東202號QRE Plaza 25樓