*****************************************
 |
| 率先看看冷盤有咩食 |
地方夠大，故凍食和熱食可完全分兩個大區。率先看看冷盤有咩食，大約有凍肉、沙律、芝士、刺身壽司、凍海鮮、甜品、鮮果、飲品、雪糕等，夠集中。
 |
| 各款刺身壽司都好新鮮鮮味不禁encore，再encore... |
刺身壽司迷出動，有六七款刺身和多款壽司選擇，揀了三文魚、吞拿魚、帶子、油甘魚、牡丹蝦和海膽軍艦，各款都好新鮮鮮味，特別是三文魚和油甘魚，相當肥美油潤，滿載魚香；牡丹蝦就更教人回味，相當有份量，肉質微爽彈且富黏性，最愛是大蝦頭中滿藏甘鮮的蝦膏，非常滋味。各款都不禁encore，再encore，再encore...
 |
| 師傅們即席生割藍鰭吞拿，勁！ |
 |
| 肉質色澤紅潤，勁新鮮！ |
嘩嘩嘩！師傅們突然即席生割藍鰭竹大口，勁新鮮！肉質色澤紅潤，柔軟鮮美，正！
 |
| 凍海鮮好正！ |
 |
| 凍海鮮同樣好豐富和優質 |
 |
| 麵包蟹超多甘香蟹膏 |
 |
| 龍蝦鮮甜 |
輪到凍海鮮，同樣好豐富和優質，有超多甘香蟹膏的麵包蟹、有鮮甜的龍蝦和長腳蟹、爽口彈牙的凍蝦和翡翠螺，好正！
 |
| 沙律也不能少 |
沙律也不能少，DIY沙律有粟米、紅腰豆、紅心包菜、紅生菜、青瓜片、火箭菜、九芽菜、羅馬生菜，配七款醬汁。另外亦有蕃茄沙律、燒雜菜沙律、蘋果沙律、八爪魚沙律、煙鴨胸沙律、烤香草南瓜、各式各樣凍火腿片、煙三文魚、多款芝士等，款式多到數不盡。
 |
| 各種沙律好新鮮爽嫩 |
各種沙律菜好新鮮爽嫩，每樣取些，再加配料和醬汁，岩晒我！以在多款特色沙律，最愛是香草烤南瓜和什菜沙律，味道調得好，又能保留原味和口感。
*********************************
 |
| 熱食選擇幾多 |
 |
| 各有風味，夠特色 |
 |
| 平民小吃 |
吃完幾輪凍食，是時候吃熱食暖暖身，快快走往另一邊。嘩！先見到有燒牛肋骨、即燒串燒、中式炒飯、炒蟹、燒味、平民小吃、燉湯、大大籠點心、即煮粉麵、烘麵包、印度咖哩薄餅、即煮意粉、薄餅、煎鵝肝、羊架、炒雜菜、香煎鱸魚等等，選擇幾多，仲要各有風味，夠特色，樣樣都想吃，點好？
 |
| 雪耳燉响螺又鮮香又滋潤 |
 |
| 南瓜濃湯又香甜又綿滑 |
湯水必要，中西湯都有，仲好足料。中式有雪耳燉响螺，又鮮香又滋潤，女士們恩物；西湯有南瓜濃湯，又香甜又綿滑。兩款湯都值得encore 再encore 。
 |
| 第一碟熱葷，正！ |
各款熱葷，第一碟有自由配搭的即煮意粉，睇住廚師煮，煮得岩岩好，熱辣辣最滋味。香煎鱸魚挺嫩滑，配上芥末料醬汁，又幾夾喎！薄餅都暖烘烘，餅底烤得脆口，仲舖滿饀料。
 |
| 印度菜式也不錯 |
第二碟有印度咖哩薄餅，好有風味，最喜歡吃係咖喱魚和脆卜卜的胡椒脆餅。
 |
| 小菜串燒也吸引 |
唔好等，再來第三，平民小吃有豬皮、豬紅、蘿蔔、魚蛋、獅子球、豬腳薑醋、辣牛肚和麻辣東風螺。豬腳薑醋煲得好腍身入味，醋汁醒胃，用來撈白飯一流。沙嗲牛柳串是推介之選，燒得焦香可口，肉質腍嫩香濃，蘸上甜甜地的沙嗲醬更好吃。蝦仁炒翠肉瓜夠晒鑊氣，大大隻蝦仁鮮味爽彈，又少油少鹽，不錯！
其實…其實…還有很多熱葷想吃，但不得不留肚進攻甜品。
******************************
 |
| 被鮮榨果汁吸引了 |
 |
| 純天然果汁，清新健康 |
鮮果都有好幾款，但就被鮮榨果汁吸引了。有三款水果和兩款蔬菜任君配搭，我要了杯青紅蘋果配甘荀，而友人就要青紅蘋果配西芹，無添加冰和糖，純天然果汁，清新健康，encore!
******************************
 |
| 甜品區好豐富！ |
 |
| 即製窩夫和班戟 |
話明賀生晨，怎能沒有蛋糕？就用多款精美啲骰的蛋糕砌個豐富的生日蛋，再加埋自家製生日牌，相信會開心啦！甜品有焦糖燉蛋、朱古力慕絲、紐約芝士餅、歌劇院蛋糕、藍莓芝士蛋糕、紅桑子慕絲蛋糕、檸檬撻、朱古力撻、朱古力布朗尼外，仲有自由配搭的豆腐花和仙草、暖笠笠的芝麻糊、即製窩夫和班戟、多款雪糕冰條等等，好豐富！
 |
| 很喜歡這個雜錦大蛋糕 |
揀了柔軟兼富蛋香的班戟，夾些充滿果肉的果醬已很不錯！酸咪咪的檸檬撻、豐富的雜果撻和香濃的朱古力撻同樣鬆脆可口。有層次的歌劇院蛋糕、幼滑酸甜紅桑子慕絲蛋糕和濃郁的朱古力布朗尼都好好味，甜度又適中，友人很喜歡這個雜錦大蛋糕。
 |
| 吃埋雪糕好滿足！ |
唔止蛋糕呀！再去旋轉冰櫃，有多款雪糕和冰條，大品牌和親民品牌都有，友人要MÕVENPICK 品牌意大利奶凍雪糕，而我就要Haagen-Dazs品牌新出的芒果紅桑子脆皮雪糕條，兩款很香滑，酸酸甜甜，滿足！
----------------------------------------
 |
| 環境好靚，食物好正 |
香港自助餐的選擇的確不少，在選擇期間都有些懊惱，但今晚給大家新嘗試，來到新開的海匯酒店Hotel VIC內的The Farmhouse，環境好靚，食物好正，以豐盛自助餐賀生晨，讓長輩能好好享受。
店名：The Farmhouse
地址：北角北角邨里1號海匯酒店西座2樓
Dinner Buffet 價錢
星期一至四 ：$598+10％
星期五、六、日：$668％+10%
小童5歳或留下免費，6至11歲是小童是半價，65歲是長者是半價
如在facebook 或instagram 讚好酒店網站即可85折
沒有留言:
張貼留言