唔知大家有沒有睇〈逆流大叔〉？聽聞故事勵志寫實，贏得不少口碑，今日就約埋好友來到星影匯影院睇早場，貪佢夠平，真係師奶仔，哈！話雖睇早場，但睇完都接近兩點，是時候醫醫肚。
 |
| 門面搶眼的素食餐店 |
 |
| 寬敞闊落，環境光猛 |
其實甚少來國際展易中心，原來這裏有條食街，各式各樣的食店都有，我地就看中了這間門面搶眼的素食餐店。開放式的門口，寬敞闊落，環境光猛。
 |
| 下單點菜區 |
 |
| 自助形式，由客人自取 |
 |
| 地方都算幾大，座位不少 |
餐店採用自助形式，近門是下單點菜區，走入一點放齊餐具、醬汁、大水壺和大飯煲，由客人自取。地方都算幾大，設有多張四至六人枱，亦有一排長沙發座，座位不少。
 |
| 午巿有即叫即炒的粉麵 |
 |
| 午巿精選套餐 |
站在門口所擺放的餐牌，午巿有即叫即炒的粉麵飯和午巿精選套餐，而午巿精選套餐可選二餸或三餸，均配有飯、豆漿／老火湯／西湯。先在下單點菜區看看今日有乜餸，可能就過午膳時間，部分餸菜已餘下不多，而是日八餸有麻婆豆腐、炒白菜、酸齋、素肉鬆豆角、葡汁雙蔬、蘿蔔素牛腩、咖哩薯仔豆腐和支竹炆蓮藕。
*********************************
 |
| 老黃瓜什豆粟米湯清澈，味道清甜 |
 |
| 有些老黃瓜和紅蘿蔔，不錯！ |
我倆都點三餸飯配老黃瓜什豆粟米湯 ($45)，夾埋一起就有六餸。老黃瓜什豆粟米湯入口微暖，湯身清澈，味道清甜，內裏仲有些老黃瓜和紅蘿蔔，不錯！
 |
| 三餸飯要少飯，堅持惜食勿浪費 |
 |
| 支竹炆蓮藕相當入味 |
 |
| 蓮藕粉腍，亦存咬口 |
 |
| 葡汁雙蔬略為腍身一點 |
我揀的三餸有支竹炆蓮藕、葡汁雙蔬和咖哩薯仔豆腐，並要少飯，堅持惜食勿浪費。支竹炆蓮藕相當入味，蓮藕粉腍，亦存咬口，好味！葡汁雙蔬略為腍身一點，但沾滿醬汁，味道幾好。
 |
| 咖哩薯仔豆腐滿有咖哩香 |
 |
| 豆腐嫩口 |
 |
| 咖哩撈紅米白飯 |
最喜歡是咖哩薯仔豆腐，滿有咖哩香，用來撈紅米白飯，真係忍不住爬多幾啖飯。薯仔粉綿，豆腐嫩口，兩者都煮得入味。
*********************************
 |
| 三餸飯幾豐富 |
 |
| 酸齋弄得入味，但略為乾韌 |
 |
| 素肉鬆豆角最好吃 |
友人揀的三餸有酸齋、素肉鬆豆角和蘿蔔素牛腩。酸咪咪的酸齋弄得好入味，味道不錯，但可惜略為乾韌。素肉鬆豆角最好吃，豆角翠綠，但沾滿醬汁，味道幾好。
 |
| 蘿蔔素牛腩烹調入味 |
 |
| 素牛腩口感特別，味道都好 |
蘿蔔素牛腩也不錯，同樣烹調入味，蘿蔔腍身多汁，而素牛腩就口感特別，味道都好。
*********************************
 |
| Happy Cow品牌的素雪糕 |
 |
| 足足有十六種口味 |
食埋飯後甜品就滿足。入門時已發現有個雪糕櫃，是出售Happy Cow品牌的素雪糕，Egg
free、Soy free、Gluten free和dairy
free，正！數數看，嘩！足足有十六種口味，真係令人興奮，揀乜好呢？
 |
| 雪糕以椰糖和椰子忌廉，故吃落帶有椰香 |
最終友人選了黑白芝麻味，而我就要了櫻桃杏仁味。由於此素雪糕以椰糖和椰子忌廉，故吃落帶有椰香。
 |
| 黑白芝麻味 |
 |
| 不算好濃郁 |
 |
| 混入不少黑芝麻粒，多份口感 |
 |
| 櫻桃杏仁味 |
 |
| 味道酸酸甜甜 |
 |
| 雜些櫻桃果乾和杏仁粒，口感豐富 |
黑白芝麻味 Yin Yan Sesame ($33)不算好濃郁，但混入不少黑芝麻粒，多份口感；櫻桃杏仁味 Cherry Almond Fudge ($33)完全沒有藥水味，味道酸酸甜甜，雪糕中夾雜些櫻桃果乾和杏仁粒，口感豐富，不錯！最喜歡是兩者都不會太甜，吃落無咁甜膩。
--------------------------------------
都有一段時間沒有回家吃飯，吃完今餐，令我想起家中的餸菜，很想立刻回家，其實我愛我家…今晚食乜餸呢？
店名：愛家素食
地址：九龍灣展貿徑1號國際展貿中心E-Max
2樓21-23號舖
沒有留言:
張貼留言