逐層拎起, 逐層驚喜

兩位海鮮迷又出動, 好友話要食蒸海鮮, 又去找那頂籐帽鍋蓋?? 有點悶喎…..今次有點新意, 去找 “層層疊”啦! 即是韓式的海鮮塔, 友人一聽到就興奮, 因為她從未食過, 咁今晚就一於齊齊去品嚐它的美味。

 門面很搶眼

門口擺放了貼上餐單的九層蒸塔

地方尚算寬敞

多張四至六人的圓枱和方形枱

艷紅燈光的店名高高掛在餐店門口正中央, 而兩旁亦設有兩條紅光管, 門口擺放了貼上餐單的九層蒸塔, 門面雖不大, 但非常搶眼, 而且很有氣勢。沿着樓梯走上一層, 自動門已馬上為我打開, 既方便又親切。內裏設有兩張四人枱, 再轉個小彎, 地方尚算寬敞, 多張四至六人的圓枱和方形枱, 配上輕巧的有背膠櫈, 舒適度一般, 但方便客人又企又坐來挾如此高的九層塔內食物。

最佳食用方法的圖解說明

斧山塔 

首爾塔

濟洲塔

原隻活蟹的雪濃湯海鮮塔

一坐下便細閱設計精美的餐簿, 內有晚巿套餐和飲品選擇, 亦有最佳食用方法的圖解說明, 令客人清晰易明。晚巿套餐共有四款選項, 各包含不同的食材和份量, 價格亦不同, 分別有斧山塔 ($328/位)、首爾塔 ($398/位)及最貴的濟洲塔 ($568/位), 全部都是2位起, 還有一款有原隻活蟹的雪濃湯海鮮塔 ($1388/每份)可供2-4人用, 足足有十八款食材, 如2人用便沒有了花膠魚板串和真.河東郡松葉韓牛。

原隻加拿大蟹大隻生猛, 還不停郁動

 原本這套餐是原隻鮮活日本松葉蟹, 但由於貨源運送問題, 今晚改了加拿大蟹, 雖然沒有松葉蟹, 但對於蟹痴的友人來說, 一見到有原隻活蟹就馬上決意要雪濃湯海鮮塔 ($694/2位), 而我倆明知食量不大, 故減了鮮八爪魚鬚、海螺、韓國魚條和紫菜飯, 免得浪費, 惜食最緊要。下單後, 店員便馬上將生猛的原隻加拿大蟹送到我們面前, 大大隻, 貨真價實, 還不停郁動, 很厲害呀! 

*******************

四款自家製韓式小吃

最喜歡是泡菜，美味得很

正等候海鮮塔出場之際, 先品嚐四款自家製韓式小吃, 分別有泡菜、芝麻大豆芽、酸紅白蘿蔔絲和涼拌青瓜。當中最喜歡是泡菜，爽口入味，辣度適中，帶些微甜，自家製果然不同，美味得很，忍不起一人吃光一碟，幸兒可免費添加；還有芝麻大豆芽亦同樣吸引, 清爽多汁, 加入蒜茸碎, 辣辣地, 越食越滋味。

********************

雪濃湯加沙白

五層高塔子出場啦!

等待到95度便可進食第一層

雪濃湯海鮮塔最底層是以牛骨肴一段長時間的雪濃湯粥底, 由於我倆因不想浪費, 故要求不加入米, 店員便將湯和沙白放入蒸鍋中, 然後放上隔板。出場啦! 出場啦! 插着温度計的五層高塔子放在蒸鍋上, 耐心等待到95度便可進食第一層。

********************

揭開第一層 紅卜卜, 睇落更吸引

到93度了! 揭開第一層，有什麼呢? 海蝦、花甲和素菜豆腐各四件, 再配車厘茄、椰菜花和鮮木瓜, 紅卜卜, 睇落更吸引。

各食材都很吸引

海蝦隻隻鮮橙色, 相當新鮮, 而且肉厚大隻, 最愛是滿載蝦膏的蝦頭, 甘香鮮味, 蘸上一些酸咪咪柚子豉油, 不禁再添吃一隻。花甲體積不算大, 但肉質很鮮嫩, 味道鮮甜, 正! 配菜亦吸引, 清爽的椰菜花；鮮紅的車厘茄, 清新多汁；木瓜肉質腍嫩, 香甜多汁, 極之討我喜歡。

*************************************

第二層見到加拿大蟹的蟹身

件件蟹腳都肉厚肥大, 啖啖肉

鮮味的蟹肉加上甘香的蟹膏, 更加美味

輪到第二層, 見到加拿大蟹的蟹身啦! 而配菜有新鮮幼嫩的韮菜花、爽口的金菇和爽甜的冬菇, 三款都吸收了蟹汁, 好好味。是時候慢慢拆蟹, 件件蟹腳都肉厚肥大, 啖啖肉, 很滋味, 而蟹身肉質潔白, 亦同樣啖啖肉, 鮮味的蟹肉加上甘香的蟹膏, 更加美味。

**************************************

第三層,  嘩!

再揭? 今次是揭開蟹蓋, 很驚喜

第三層有什麼呢? 好緊張呀! 揭開一看, 嘩! 有巨大的蟹蓋和大大隻的蟹鉗, 還有日本南瓜、日本粟米和日本蕃薯, 等等….要再揭, 再揭? 今次是揭開蟹蓋, 原來內裏藏着兩個脹卜卜的魚子福袋, 很驚喜。

魚子福袋全件鮮味爆燈

蟹蓋的蟹膏和汁液流到魚子福袋上, 其吸收了鮮甜甘香的味道, 而薄薄的腐皮包着脆卜卜的魚子, 全件鮮味爆燈, 極之美味。

蟹蓋內藏大量鮮味甘香的蟹膏

肉質極之爽彈鮮甜

配菜熱度不夠

巨大的蟹蓋內藏大量的蟹膏, 非常鮮味甘香, 雖知邪惡, 但的確難以抗拒; 而蟹鉗亦很有份量, 肉質極之爽彈鮮甜, 啖啖肉令人吃得滿足。唯一美中不足是配菜熱度不夠, 粟米有點生硬, 亦不算甜美, 幸兒日本南瓜和日本蕃薯都很粉綿。

********************************

第四層食材款式最多

吸收了蟹汁了, 加埋淋上蝦米醬汁, 相當鮮味

到第四層, 這層食材款式最多, 包括有鮮嫩的青口、爽口的秀真菇和雲耳、腍嫩多汁的冬瓜、清爽的椰菜花、略為生硬的蓮藕和爆醬的芝士丸。由於上兩層的蟹汁都流到此層, 加上淋上蝦米醬汁, 令清淡的食材也變得相當鮮味, 更加吸引。

******************

雪濃湯水份較多

單單嚐它, 味道略淡

拌入配料提味, 拌入配料提味

第五層是最後一層, 就是一早放下的雪濃湯。因品嚐前幾層的時間較長, 故水份較多, 單單嚐它, 味道略淡。試試拌入配料提味, 有鹹香的紫菜和微辣的韓國醬蘿蔔和京蔥, 配起來別有一番風味, 味道不錯。

--------------------------------------------------

 

逐層拎起, 逐層驚喜

一見到疊到高高的海鮮塔就令人極之興奮, 而每當聽到計時器的提示就緊張起來, 因逐層拎起, 逐層驚喜, 特別是打開蒸蟹的一層, 友人雙眼發光, 而我就最喜歡三層, 因為那個吸收了蟹汁和蟹膏的日本福袋非常美味, 給我留下深刻的印象。

店名:  九重鮮
地址:  大坑浣紗街1-5號號浣紗閣1樓