在Coffee Talks 不停Talk

大家話夾日子talk, 左夾右夾都唔成功, 最終在三個月前約了今天, 竟然要隔三個月才可見面, 這位朋友真是一個大忙人, 不知今晚她又可抽多少時間跟我talk呢?

Café 是傾計好地方

我們每次相聚的地方 (每次相聚!? 其實數埋5隻手指都唔夠…)都會揀去Café, 一來我倆都是咖啡迷, 二來大家都認為Café是傾計好地方。今晚就來到一間近旺角火車站的咖啡室, 地點方便, 環境又舒適, 岩晒傾計。咖啡店採用大型的落地玻璃門窗, 途人可清晰看到內裏的格局, 當然食客也可邊吃邊看着繁忙的旺角街頭。

裝潢富心思

搶眼的歐陸式古典大鐘

走進內裏, 一室灰泥牆身, 配上不同形狀的立體吊燈, 帶點工業化色彩。裝潢富心思, 牆上鑲了多塊畫上飲品和食物圖案的大黑板, 並以一些小盆栽襯托, 還有一個搶眼的歐陸式古典大鐘, 全店佈置挺豐富。

一排面向街景的高枱

闊落適的梳化椅,  坐得挺舒服

小店地方不多, 近門有一排面向街景的高枱, 而左右兩排均設有二至四人枱配闊落舒適的梳化椅加cushion, 枱與枱雖擺得較密, 但也坐得挺舒服。

設計簡單的餐牌, 食品和飲品各一

全日早餐、沙律、漢堡、小食

意式系列、比薩和甜品

飲品系列

有兩份餐牌設計簡單的餐牌, 食品和飲品各一, 食品有兩版, 包括全日早餐 (供應至6:00pm)、沙律、漢堡、小食、意式系列、比薩和甜品; 而飲品則有咖啡、口味鮮奶咖啡、朱古力、頂級名茶、梳打特飲、乳酸沙冰和果茶等等, 而最吸引我是小店有不少牛油果菜式, 如雙果大蝦沙律、牛油果忌廉汁扒大蝦意粉、蟹肉牛油果比薩、牛油果沙冰等等….不知大家喜歡吃牛油果嗎? 雖然它含較高熱量，但高纖又飽肚, 還含鉀質、葉酸、植物固醇、維他命C, 營養非常全面!

*******************

雙果大蝦沙律的雙果即是牛油果和芒果

可按個人喜好加入酸酸甜甜的意式醬汁

雙果的生熟度剛好

先來一客雙果大蝦沙律 Mango, Avocado & Prawn Salad ($78), 雙果即是牛油果和芒果, 兩者同時是我們所愛吃, 還可自選喜歡的醬汁, 有千島醬、油醋汁和意式醬汁選擇, 我當然揀酸酸甜甜的意式醬汁, 更欣賞是分開上一小杯, 可按個人喜好加入合適份量, 讚！清新爽嫩的雜沙律菜加入清甜爆汁的車厘茄、香滑翠綠的牛油果和香甜鮮黃的芒果, 兩者生熟度剛好，正！

連殼大蝦大大隻, 睇落靚仔好多

肉質爽彈鮮味

當然不少得旁邊三隻大蝦, 雖連殼上, 對懶拆殻的我的確有點懊惱, 但原隻上碟, 不會因已脫殻而縮細, 大大隻睇落靚仔好多, 亦可知它並非一般脫殻雪蝦, 其肉質爽彈鮮味, 只加少許鹽和胡椒提味已足夠, 更能嚐到原有鮮味, 配搭新鮮沙律最適合不過。

*******************

牛油果忌廉汁扒大蝦意粉賣相挺不錯

繼續牛油果, 牛油果忌廉汁較少遇上, 必要點這款牛油果忌廉汁扒大蝦意粉 Creamy Avocado Sauce Spaghetti with Prawn ($108)來試試。同樣選用原隻無拆殻大蝦，悉心疊起，賣相挺不錯。

意粉有嚼勁, 緊緊沾上醬汁

嚐到淡淡的牛油果味，亦帶些蒜香和辛辣味

意粉煮得剛好，煙煙靭靭，挻有嚼勁，提起一"住"，香氣散熱煙四散，很吸引。意粉緊緊沾上青綠色醬汁，份量不會太多而感到太漏滯，嚐到淡淡的牛油果味，反而帶些蒜香和辛辣味，若然不作太多的調味會否更能突出牛油果的獨有香味？

友人把所有蝦殻拆掉, 隻隻爽彈鮮味, 吃得好滋味

要邊動手拆殻邊吃的確大大減低我吃那些大蝦的意慾，幸兒友人很貼心，一口氣把所有蝦殻拆掉，讓我吃得好滋味，蝦肉同樣爽彈鮮味，質素不俗。

*******************

任何主菜加錢配不同食品

凱撒沙律都幾有份量, 超值!

簡單而美味的配搭

揀任何主菜便可加$20要一客凱撒沙律  Caesar Salad (+$20)，想不到都幾有份量。新鮮爽脆的羅馬生菜加入香脆的多士粒，拌入鹹香脆口的煙肉乾，再灑上大量鹹香的芝士粉，最喜歡是凱撒沙律醬份量不會過多，稍稍沾在食材上，保持着羅馬生菜的清新感，吃落不漏滯，簡單而美味的配搭。

*******************

是日特式蛋糕有三款口味選擇

朱古力脆脆慕絲蛋糕賣相挺吸引

揀任何主菜又可加$25要一客是日特式蛋糕 Daily special cake (+$25)有三款口味選擇，包括朱古力咖啡芝士蛋糕、藍莓芝士蛋糕和朱古力脆脆慕絲蛋糕。一向不好芝士的我，只好揀朱古力脆脆慕絲蛋糕 Crunchy Chocolate Mousses (原價$42/+$25）, 以一塊又厚又重黑板盛載，配上幾粒新鮮的藍莓和士多啤梨，還有一些合桃碎，再在板上畫了朱古力醬和以糖霜灑上店名，賣相挺吸引。

有幾層次

味道濃郁, 但甜了一點

鏡面蛋糕頂襯上鮮紅的玖瑰花瓣乾，更添優美。朱古力慕絲味道濃郁，口感也算幼滑；中間夾着一層鬆軟的朱古力蛋糕；最底則是一層脆脆的朱古力餅底，可惜有點濕淋，不夠脆口，亦略為偏甜，幸兒襯了酸咪咪的雜莓，有中和甜度之效。

*******************

熱玖瑰鮮奶咖啡很優美, 並散發着花香

咖啡杯印上店名，份外親切

入口順滑，但味道略為偏甜

選一杯熱玖瑰鮮奶咖啡 Hot Rose Latte ($28/跟主菜可減$10)來配蛋糕, 採用印上店名的咖啡杯盛載，份外親切。咖啡面毫無粗泡，光澤幼滑，數不清的心形拉花圖案清晰挺身，旁邊灑上玖瑰花瓣碎，既優美，亦邊喝邊散發着花香, 令人陶醉! 入口順滑，香甜的玖瑰花味較突出，對個人來說，味道略為偏甜，咖啡味香濃味一般。

凍玖瑰鮮奶咖啡配搭挺驚喜

 友人則選了一杯凍玖瑰鮮奶咖啡 Cold Rose Latte ($42)，咖啡面灑了玖塊花瓣乾碎，最特別是頂頭有層士多啤梨泡沫。啜一口，冰涼透心，甘苦的咖啡滲出玖瑰的香甜，繼而嚐到士多啤梨的酸甜，多種層次，亦中和甜度，配搭挺驚喜，很討我倆喜歡。

----------------------------------

把握時間在Coffee Talks 不停Talk

難得相聚, 我倆都把握時間在Coffee Talks 不停Talk, 講下自己的近況之餘, 又問候下雙方的屋企人, 還回憶了很多小時候的情境, 真係無所不談, 邊喝咖啡邊Talk, 名副其實Coffee Talks, 停不了的晚上!

店名: Coffee Talks

地址：旺角洗衣街167-175A號嘉德大廈地下2號舖