第三頓聖誕餐- 日‧地中海之夜

已安排聖誕假期跟兩位好友去新加坡旅行, 留下兩老在港, 內心有點過意不去, 但難得友人願意相伴旅行, 矛盾掙扎一輪過後, 也決定落實飛一輪。為了補償兩老, 決意帶他們吃頓聖誕大餐提早慶祝, 希望不會因不帶他們旅行而生氣。

走到1期1樓最盡頭,  沿途見指示牌

主打日本‧地中海Fusion料理的新餐廳

今次帶他們來到甚少踏足的沙田新城巿廣場, 一個食肆雲集的廣場, 不愁無野好吃, 齊備各國菜式, 總有一款合心水。邊逛邊看, 走到1期1樓最盡頭, 發現一間新餐店, 還記得前身是日西式的博洛尼亞餐廳, 現在搖身一變為一間主打日本‧地中海Fusion料理的餐廳, 那一於試試吧!

開放式的門口

有沙發座和卡座

多張二至六人的圓枱和長枱

枱與枱較密雜

開放式的門口, 環境光猛, 地方寬敞闊落, 設有多張二至六人的圓枱和長枱, 但枱與枱較密雜, 感覺有點迫狹。

最搶眼是一排密集的酒瓶吊燈

開放式的廚房

沖調飲品區

全店以青綠色為主調, 配上木枱椅, 亦一排沙發座, 四處掛上綠色的酒瓶吊燈, 最搶眼是餐店正中央的一排密集的酒瓶吊燈。還有一個開放式的廚房和沖調飲品區, 整體設計時尚, 感覺悠閒。

放齊餐具, 還有三支調味料

套餐餐牌

飲品牌

安坐後, 見枱上已放齊餐具, 還有三支調味料, 分別是芝士粉、辣椒碎和黑胡椒。店員隨即送上暖水、一本深藍色外皮的餐簿、數張套餐餐牌及一張飲品牌。兩款套餐分別$488和$588, 又豐富又抵食, 但細閱散點的餐簿後, 大家各有心頭好, 雖然相比下無套餐咁抵吃, 但最緊要兩老滿意這頓聖誕餐, 那一於散點吧!

設計精美的餐簿

餐簿設計精美, 每頁都印上色彩繽紛的菜式相片, 圓文並茂, 相當吸引。按菜式分類, 分別有前菜、沙律、湯、薄餅、意粉和飯、肉類和魚類, 選擇不少。

*********************************************************************

三款湯選擇

鮮豆蔬菜濃湯酸味十足, 亦略為偏鹹 

先在三款湯中選了兩客鮮豆蔬菜濃湯 Mixed Beans Minestrone ($38), 呈鮮橙色, 湯面灑了少許芝士碎, 黑椒碎和香草作點綴。湯身質感不算濃稠, 入口只是微暖, 酸味十足, 亦略為偏鹹。

湯料沒有預期中豐富

舀幾舀, 蔬菜湯料只見有蕃茄、洋蔥和西芹, 全部皆煲至腍身, 而豆類則有保持咬口的青豆、紅腰豆和扁豆, 款式沒有預期中那麼豐富吸引, 味道一般。

*********************************************************************

塞哥維亞風帕爾瑪火腿焗蘑菇上枱熱辣辣, 陣陣菇香

載着菇汁, 上面放了捲成花形的火腿

在熱盤前菜中挑選了一客塞哥維亞風帕爾瑪火腿焗蘑菇 Segovia-style Baked Mushroom with Parma Ham ($68), 熱辣辣上枱, 陣陣菇香。一客七件, 蘑菇中心載着菇汁, 上面放了捲成花形的火腿。

兩者配搭合宜

焗製時間剛好, 蘑菇保持爽身, 啖啖菇汁, 菇味香濃, 而火腿則柔軟嫩口, 鹹香的火腿配上清新的蘑菇, 兩者配搭合宜, 味道平均, 簡單美味。

*********************************************************************

薄餅是餐廳主打之一, 款式頗多

專製作薄餅區

羅勒醬鮭魚牛油果薄餅配搭不錯

薄餅是餐廳主打之一, 故必定點一款試試。我和兩老都喜歡牛油果, 那便來一個羅勒醬鮭魚牛油果薄餅 Salmon and Avocado with Pesto Sauce Pizza ($88/S)。見到開放式廚房有一個專製作薄餅區, 即叫即焗, 熱辣辣上枱。

在客人面前即時切件

舖滿食材

店員把薄餅送上枱便會問客人需分多少件, 然後在面前即時切件, 果然服務一流。薄餅上舖滿嫩滑的三文魚肉和香軟的牛油果, 再唧上羅勒醬, 此配搭不錯, 但略嫌羅勒醬份量較少, 未能突顯其香味。

添一點鹹香惹味

薄餅皮厚度中等, 表面焗至稍稍焦燶, 質感略為煙韌, 挺有咬口, 而芝味不夠香濃, 但吃起來感覺輕盈一點, 自行灑上辣椒碎、黑椒和芝士粉, 添一點鹹香惹味。

*********************************************************************

只有兩款魚類

全家都是魚痴, 在兩款魚類中選了一道拿坡里風白酒煮石斑 Acqua Pazza 《Grouper Fish Fillet》 ($138)。

高度保暖的厚碢盛載

外表有些似馬賽魚湯

還未完成前道菜便上枱, 唯有待一會才品嚐, 幸好用上一個高度保暖的厚碢盛載。放了一段時間, 打開重重的碢蓋, 還湧出熱氣, 不錯! 其外表有些似馬賽魚湯, 但卻不及馬賽魚那麼豐富和味道濃郁。

有青口、蜆、石班魚扒、煙肉片及一些配料

內有細小的青口和蜆, 肉質挺鮮嫩, 還有鹹香的煙肉片, 而配料則有一些紅黃椒絲、黑橄欖、車厘茄和兩大片檸檬, 全部半浸在湯中, 當然不少得主角石班魚扒, 並沒有被湯浸着, 不致散爛。

肉質較紮實,  魚味一般

湯汁酸度十足, 帶些酒香

石班魚扒體積中等, 經過輕煎, 魚皮肉身帶點金黃, 但當然焗在碢中已不脆口。肉質較紮實, 魚味一般, 反而吸了湯汁的味道, 酸度十足, 帶些酒香, 清而不膩。

意式風味飯相當美味

配各款海鮮和撈一些湯汁, 正!

另追加一客意式風味飯 ($18), 米飯粒粒圓潤, 沾上鮮黃色, 乾身而不油膩, 啖啖香料味, 相當美味, 撈一些湯汁, 配埋各款海鮮, 吃得滿足。
  

*********************************************************************

甜品選擇 

和風抹茶班戟伴雪糕賣相相當吸引

最後來一客甜品作完美的總結,  身為抹茶迷, 必點這客以抹茶為主角的和風抹茶班戟伴雪糕 Japanese-style Matcha Crepe with ice-cream ($58), 單看其賣相已充滿和風色彩, 相當吸引。

灑了抹茶粉,  包着一些甜忌廉 

配搭一流

薄而金黃的班戟包着香甜幼滑的甜忌廉, 份量合宜, 不會有漏滯之感。上面灑了抹茶粉, 旁邊放了大量的紅豆蓉、一球雲尼拿雪糕和一球抹茶雪糕, 還有數幾Q彈煙韌的丸子, 最欣賞是碟上唧了並非慣性的朱古力醬, 而是濃郁的抹茶醬。

蘸上甘苦的濃抹茶醬, 甜度剛好

切一小角淡味班戟, 塗上一些雪糕, 再夾少甜美的紅豆蓉, 蘸上甘苦的濃抹茶醬, 甜度剛好, 配搭一流, 美味得一點都不浪費。
 

-----------------------------------------------------------------------------------------------------------------

地中海料理crossover日式料理,  特別!

地中海料理crossover日式料理對兩老來說很特別, 加上食材新鮮美味, 令他們對第三頓聖誕餐- 日‧地中海之夜相當滿意, 那我可安心去旅行了, 待回來一起再嚐一頓新年餐吧!