不可錯過的聖誕限定版

話咁快又過了幾星期, 計上次試完伯爵茶焦糖脆分子雪糕後, 又係時候換口味。 臨近聖誕, 相信必定推出一些與聖誕有關的產品, 一直期待着, 終於等到啦! 由10/12-30/12換上四款雪糕, 全部都是聖誕限定版, 那怎能錯過, 包括有紅鼻小鹿、聖誕圈圈、暖笠笠曲奇和焦糖Baileys, 款款都相當吸引, 點算好呢?

一直期待着換上新口味

四款聖誕限定版

*************************************************************************

每次都睇住店員悉心製作

紅鼻小鹿 (朱古力榛子)可愛趣緻, 未食已氹到大家歡心

又到聖誕, 又到聖誕, 有小鹿陪你過聖誕, 每次去Lab Made食雪糕, 不單賣相和味道都總有驚喜。因為聖誕便有小鹿相伴, 友人就是被這隻有可愛的紅鼻小鹿 (朱古力榛子) ($46)吸引了, 以蝴蝶形的餅乾做兩隻耳朵, 以朱古力醬當眼睛, 還唧上忌廉和加上粉紅朱古力粒作為大鼻子, 可愛趣緻, 未食已氹到我倆歡心。

質感極之幼滑,  朱古力味香濃

伴上鹹香的餅乾,   吃起來並不甜膩

睇落以為份量比一般的少, 其實同樣是一球半雪糕, 只是將雪糕壓實, 一點空間也沒有。雪糕質感極之幼滑, 特濃的朱古力中嚐到榛子的香甜, 帶朱古力的甘苦, 再伴上鹹香的餅乾耳朵, 吃起來並不甜膩, 賣相和味道都同樣吸引, 真是令人忍不了口。

*************************************************************************

焦糖Bailey's酒味濃郁

同樣極之幼滑

而愛吃酒味甜品的我得知推出這款焦糖Bailey's ($46), 必定要馬上一試。泥黃色的Bailey's雪糕質感同樣極之幼滑, 啖啖滿載Bailey's的香甜, 酒味濃郁, 如正喝着一杯Bailey's一樣, 相信加入不少份量製作。

朱古力脆片加上焦糖醬,  甜度較高,   但很美味

雪糕面灑了微脆的朱古力脆片, 而面層和中間均淋上大量焦糖醬, 充滿焦糖的香甜, 真係甜甜蜜蜜過聖誕, 不過…還是減少一點較適合。雖甜度較高, 但的確美味得令人停不了口, 難以抗拒, 愛酒之人絕不能差過，推介! 

--------------------------------------------------------------------------------------------------------------

還有兩款未食

四款口味都是不可錯過的聖誕限定版, 還有兩款未食, 「聖誕圈圈」賣相就充滿聖誕feel; 而「暖笠笠曲奇」就有新出的手工曲奇, 還可揀在牛奶雪糕上淋熱辣辣的朱古力或咖啡廳糖漿, 兩款都很吸引, 好彩供應到30/12, 還有時間, 一於再約朋友食埋另外兩款, 過一個甜蜜完美的聖誕節, 你們也不可錯過, 否則要等一年。

店名:  Lab  Made  

地址: 荃灣眾安街68號荃灣新城巿中心一期二樓