豪氣車仔麵

大家喜歡吃車仔麵嗎? 又會必揀什麼麵料呢? 屈指一數, 自己都有好幾年沒有吃車仔麵, 皆因豬紅、魚蛋、豬皮、雞翼尖等等, 通通對我來說都不吸引。不過, 朋友今日帶了我去一間以龍蝦湯作為車仔麵湯底, 而麵料還有波士頓龍選擇。吓! 咁豪氣!? 聽到都覺得很吸引, 當然要去食返碗。

以龍蝦湯作為車仔麵湯底, 聽到都覺得很吸引

先在門口排隊點菜才進入內裏安坐

單單麵料已有四十多款

有多款預設套餐

湯底有三款選擇

長者優惠麵餐

店子小小, 客人要先在門口排隊點菜才進入內裏安坐。門面貼滿多份餐牌、麵料選擇, 還有多款預設套餐, 選擇相當多, 單單麵料已有四十多款, 睇到我眼花撩亂。湯底有三款選擇, 分別有豬骨湯、特濃龍蝦湯和響螺鮮雞猴頭菇圓肉湯, 連車仔麵的湯底都咁矜貴, 正! 最欣賞是有長者優惠麵餐, 每月逢星期一可以$10選購一款麵餐, 真有心。

內裏地方小小

下了單便入坐, 內裏地方小小, 只設有兩張五人枱和一張八人枱, 地方較狹窄, 大家都要坐得親密一點呀! 牆上鑲了一部大電視, 不斷播放着介紹小店的飲食節目, 收看完的確對小店的食物製作多了認識。

****************************************

特濃龍蝦湯車仔麵

「殿」特濃龍蝦湯麵餐 , 很豪氣!

特濃龍蝦湯底是小店的招牌菜之一, 不得不點。特濃龍蝦湯車仔麵有七款, 包括「殿」、「極上(春)」、 「極上(夏)」、 「村爺爺大盛之選」和三款 「懷舊之選」。既然來到, 當然要吃豪一點, 點了一份「殿」特濃龍蝦湯麵餐 （$88）套餐包4個項目，分別有波士頓龍蝦半隻、自選3款配料、上湯時菜和龍蝦湯麵/撈麵，還贈送飲品。

龍蝦湯比想像中香濃，鹹鮮有至

粉麵的選擇相當多，有伊麵、拉麵、河粉、米粉、烏冬等十五款，今日揀了平時甚少吃的銀針粉撈，湯底和餸料分開上枱。趁熱先呷一口龍蝦湯，湯身雖偏稀，但比想像中香濃，鹹鮮有至，細閱有關報導，原來此湯底用了二十斤龍蝦殻和其他海鮮以慢火熬二十二個小時而成，難怪咁有質素，美味！

非常豐富

銀針粉滑嘟嘟兼有咬口

麵料除了有半隻波士頓龍蝦外，還在四十多款配料中揀了蘿蔔、牛肋條和魚腐，非常豐富。銀針粉粗身肥大，滑嘟嘟兼有咬口，連湯底大大羹放進口裏，相當滋味。

蘿蔔嫩而無渣，多汁清甜

魚腐稍稍彈牙

牛肋條口感不俗，味道香濃

三大件白蘿蔔嫩而無渣，多汁清甜；兩件魚腐稍稍彈牙，味道不錯。四小件的牛肋條最吸引，肥瘦平均，連帶煙煙韌韌的筋膜，口感不俗，烹調亦很入味，味道香濃，皆因小店將澳洲M9級和牛膏煎出油份製作滷汁，浸在配料中，難怪如此香濃。

半隻波士頓龍蝦，大大隻

肉質彈牙鮮味

滿載甘香鮮味的龍蝦膏

拆肥大的龍蝦鉗

輪到半隻波士頓龍蝦，大大隻，滿載甘香鮮味的龍蝦膏，而龍蝦肉亦彈牙鮮味，還有肥大的龍蝦鉗，啖啖肉，的確絕不欺場，挺有質素，而小店亦很細心為客人準備鉗子和濕紙巾，以便進食龍蝦鉗，讚！。

****************************************

上湯娃娃菜清爽入味

上湯時菜可選菜心、生菜和娃娃菜, 朋友選了娃娃菜。一碟份量不少, 清爽入味, 少油少鹽, 吃起來都幾清新。

飲品選擇

熱黑豆漿甜度適中

贈送飲品有汽水和紙包飲品, 加錢可選其他飲品。 點了一杯熱黑豆漿 (+$4), 熱辣辣上枱, 甜度適中, 亦嚐到豆香, 不錯!

-----------------------------------------------------

麵料夠晒新意, 想吃得平民又得, 想吃得豪啲又得

車仔麵在大家心目中都是一款受歡迎的平民食物, 但小店把它搖身一變, 變成一碗豪氣車仔麵, 的確夠晒新意, 夠晒綽頭。在這裏想吃得平民又得, 想吃得豪啲又得, 總之是一碗用心製作的車仔麵就可令客人吃得滿足!

店名：村爺爺車仔麵

地點：油麻地咸美頓街14號地下